٤٥الف وش تجيب سيارة جديدة؟

عليه الصلاة والسلام

النترا او سيراتو 
وعندك ابتيما عند معرض عماد الدين بالرياض ٢٠٠٠ سيسي ب ٥٢ او ٥٣ بس لون احمر
اوسعلك ونفس مكينه النترا وسيراتو ال ٢٠٠٠

او عندك يارس بس صغير 

وكرولا اغلى شوي بالخمسينات تحصلها اصفار بالمعارض وفي خليجيه ارخص ومواصفات اكثر 
وانا افضل الكرولا عن نفسي 

وفي سيارات كثير بس ذكرت لك العملي 

الابتيما حليوه لو تزيد شوي يكفي انها واسعه 

بس للامانه ما استخدمتهم 

ماعدا الكرولا عندنا للسواق 

جديد ماتجيب لك شي يسوى عليك بالمستعمل والفحص ثم الفحص

ممكن افضل نيسان سنترا 1600 cc
او زود للخمسين تشوف لك النترا مكينة اكبر 2.0
او عندك الصيني شانجان وكيله المجدوعي نفس هونداي
بس باقي ما انتشر قليل اللي مجربه

نصيحة شف لك النترا شكل جديد مكينة 2000 نص فل وارد مجدوعي او وعلان

على حسب منطقتك بس لا تاخذ ناغي

موتر كرف واقتصادي وعزم حلو ومواصفات دور نظيف ممشى قليل 5000 الى 20 الف

وافحصها بالوكاله او دور سيارة نفس ممشى بس للتنازل قله اكوش لك سيارة عطه مبلغ ٤٥ وقلة باقي دفعه انت فرق ممشى وسلامتك

النترا او سيراتو
مكينة 2000

نيسان سنترا أو هيونداي أكسنت بحدود السعر هذا

فيه شئ مستعمل و لكن شبه وكالة مع فرق السعر
بينه و بين الجديد
مثلا
كورولا 2016 ممشاها دون 40 الف كم وكالة من بدي و محركات
بحدود 40 الف
و قيمتها جديدة اصفار في المعارض للاستاندر اقل شئ 55 الف
غير القيمة المضافة و التأمين و التسجيل تطلع بزيادة
حدود 4300 ريال
55+4300=59300 الإجمالي

59300-40000= 19300 ريال

بكذا تكون وفرت على نفسك 19300 ريال

و اقلهم سعرا في فئة الكورولا و النترا و الكروز
هي السيراتو سعرها كاش حدود 42 الف

إلا إذا تريد من السيارات الصغيرة
صني
ريو
يارس
اكسنت ( الشكل القديم )
فورد فيغو
هيونداي i10
هذا اسعارها دون 40 الف

وانا افضل الصني لان مكيفها ممتاز و اوسع في فئتها
خاصة المقصورة الخلفية
و سعرها تقريبا إجمالي من المعارض كاش مع الضريبة المضافة
و التأمين و التسجيل حدود 34 الف

و الأسعار تختلف من معرض لأخر
و الله ييسر أمرك

سنترا 2017 / مكينة 1600 / 45الف / جديده
النترا 2017 / مكينة 1600 / 46 الف / جديده
تقريباً هذي افضل الخيارات

بهالسعر خياراتك
النترا هونداي وسنترا نيسان
وانا أرشح السنترا بقوة جودة عالية واقتصاد بنزين وتكييف يعيش بعكس الالنترا .. الي عليك تحافظ على الصيانات وزيت القير تغيره مثل جدول الصيانة وباذن الله اول 5 سنين ما تغير الا زيوت

زيدها عشره

اذا تبي النترا

ولاتنسى القيمه المضافه مع التامين ورسوم اصدار لوحه تكلف حول 5000 الاف ريال

النيسان سنترا عيبها بنزين 95

45 الف مع الضىيبة مالك الا الاكسنت

اذا تزودها النترا حول 55 الف مع الضرائب

اكسنت 2017، 2018
النترا 2017، سنترا 2016، 2017
صني 2018

نصيحتي خذ النترا افضل كحجم ومحركات والمكيف ممتاز في الالنترا وصرفيتها ممتازه

اللي يقول السنترا بنزينها 95 مدري من وين جايب المعلومه
لو يدري بردك أبو سند كان يعلمك الصح
هو خبير السنترا بالمنتدى

صحيح السنترا حسب بطاقه الوقود ٩٥
ولا اعلم لماذا. مع ان الالتيما ٩١

النترا حلوه وجباره

و ايضا شوف السيارات الصينية مثل جيلي و ام جي و شانجان و فاو و بي واي دي

مازدا 3
من افضل السيارات الي ممكن تشتريها بالمبلغ الي معك

سنترا غير صحيح 95 انا معي سنترا من طلعتها وهي 91 وماشيها 280 الف ولا بها غير عافيه بس جاها حادث ونفضتها بطنها وكاله