تشهيب الشمعات وش الحل معه ؟

شف يا طويل العمر في طرق أخرى لجلي الشمعات فعالة غير قلتها وبمراكز معتمدة وأجهزة ومنظفات بحيث تعطيك ضمان ما يدخلها لا تراب ولا ماء ولا رطوبة، ولكن ليس كما تفضلت بطريقة الصنفرة القاسية، بالإضافة إلى العدسة لها دور في تشهيب الشمعة واصفرارها وذلك يرجع إلى جودتها أو إذا كنت كذلك مركب زينون بشكل مباشر بدون عدسة، والجو له دور في ذلك إذا كنت راعي خطوط فالعواصف الرملية تؤثر ولكن توجد إما حماية للشمعات من 3M أو للوجهية بشكل كامل والله يكون بعونك.

شمعتك تجارية
يتصير معاك زي كذا طبيعي
ولو صنفرتها تصير اسوء من يبغالك تغير قزازة

شمعه اصليه حقت بلدها

اذا تجاريه ماينفع فيها لو تجلاها ب اقوى ملمع نفس جودتها رديئه

غير محل التلميع وروح محل اخر يكون متخصص في هذي الأشياء و معروف بجودة ادواته ومنتجاته اصلية مثل في كول او ثري ام اوبروفيشنال و المحلات كثير

تلميع الشمعات بطريقة قاسية تؤثر عليها سواء اصلية او تجارية

والشمعات بالأول والأخير بلاستيك وليست زجاج او بلاستيك زجاجي بإمكانك تلميعه وتنظيفه بسهولة

عموما الحل هو عط الخبز خبازه لو أكل نصه

محلات التلميع الشهيرة كثيرة وتعطيك ضمان على التلميع

مع إن عندي قناعة إن الشمعات دائما تشهب ويختفي بريقها وهذا بسبب اجواءك الباريسية

ياخوي مثل ما ذكرت انها اصليه 
اذا اصليه روح لمحل ارمز 

يفك الشمعات ويلمعها من داخل وخارج بسعر من ٣٠٠ الى ٥٠٠ 
حسب نوع السياره وطريقة فك الشمعه .. 

شغلهم ممتاز ، وانا ملمع عنده اكثر من سياره 
والنتيجه كانت معي من مشوهبه تماما الى جديده 

0502201007 هذا عبدالهادي .. فرع الدمام الخضريه 
هو الي اتعامل معه ،. 

اذا انت مو بالدمام كلمه يعطيك رقم الفرع الي بمنطقتك اذا قدر .. 

واذا رحتله هو بيقولك تضبط او لا .. اذا قال ايه ، عطه المفتاح وتعاله اذا خلص ومابتعرف موترك 
وحتى الكشافات الي تحت يلمعها .. 

وبالتوفيق .. 

ياحبيبي محل الترميز اللي تقول عليه والقيمه 500 ريال

يروح يشتري له اصلي وكاله اصرف له

عزيزي في محلات تفصل لك شمعات قزاز امامي وعل 150 تقل او اكثر
وضمان سنه قدام

انت بالرياض روح الغرابي


انا كنت اعاني من هذا الشئ

وسويت تلميع اكثر من مره وشهرين وترجع مشهبه

ولما سويت القزاز ارتحت وشكلها كانها شمعات وكاله


بالتوفيق

افضل حل للانوار تركب عليها عازل من محلات مشهورة مثل لومار وغيره بمبلغ 300 مع الكشافات وحسب اسلوبك يزيد لك العزل بمناطق اخرى

والتلميع كل 4 شهور مجاني

واذا ماتبي تلمع فكها وحط غيرها وبتحصل انوارك مثل ماطلعت من الوكالة

رشها لكر ب 60 الى 100 ريال بالكثير وترجع جديده

يمشيك اللكر سنتين تقريبا ويبدا يتقشر وترشه مره ثانيه

اشتري بخاخ مزيل الصدا wd 40 بـ 15 ريال ونظفها

ابحث في اليوتيوب تجد مقاطع كثيرة تتكلم عنه