ابغى نصيحتك مخيار وليس مسير

على حسب وضعك المادي
لان الألماني مكلف و ايضا مسألة البنزين
و ايضا الموديل قديم

اذا نظيفه خذها اثنين من اخواني عندهم فياقرات وحده ٢٠٠١ و وحده ٢٠٠٢
بصراحه عانوا بشكل خرافي من الهايدروليك أي حفره تنسدح وإذا انفقع مساعد واحد طاحت السياره كلها
قيمة المساعد الواحد مجدد من ١٤٠٠ الى ١٨٠٠ ريال حسب المعروض
الحل: حولوها مساعدات ويايات عايديه حقت شبح وخذ لك كرف والله يستخدمونها استخدام كراسيدات ولا تشكي أبد وسعر قطع غيارها جدا جدا مقبول
بالتوفيق

مثل ماقالك القناص خذها واستخدمها واذا لاسمح الله خرب الهايدروليك الغيه وركب مساعدات عاديه 

طبعاً في فرق بالراحه لكن حتى المساعدات العاديه مريحه

واذا عندك فلوس زياده شوي رهمه ٢٠٠٣ مرايات وشبك واسطبات اتوقع 

وبالتوفيق

الهيدروليك تعريفه امتصاص الصدمات ...
الألماني هذي ميزته مريح جدا بالطريق وما تحس بعيون القطط او الحفر ولكن وبكل أسف له ضريبة

الهيدروليك ميزة مهمة جدا جدا جدا خاصة للي يبحث عن الراحة بالسيارة

في حال استبدالها بمساعدات عادية .. ما تحس ان معك ألماني واقولها وبكل صراحة

لكن عموما ممشى السيارة اللي ذكرتها مغري جدا .. اعقلها وتوكل

السيارات الغالية حلاتها جديده لمن يقدر عليها
أما بعد ما تكرف الله يعينك على القطع

وعني افضل كرولا او النترا او كامري او اكورد جديده ولا اشتري سيارات فخمه (مرسيدس, لكزس, بي ام.. إلخ) مهما كان مرخصها صاحبها.

اذا ماعندك خبره بالسباحه لاتدخل الماء
مثلها للاماني
ماعندك خبره ومعرفه تامه لاتاخذه
يعني حاولت اشبه واجيب مثل لعل توصل الفكره

يارجل تأكد اذا ممشاها حقيقي
قليل جدا ٧٠

كان معي فياقرا 2002، أسوأ سياره استخدمتها بالرغم اني ما أعيب المرسيدس كلها. ولكن يمكن اللي اخذتها مو نظيفه الله أعلم.

مشاكل هيدروليك، ريحة بنزين داخل السياره فقعت راسي ومحد عرف مصدر الريحه.

قطع غيار غالية جداً. فلتر البنزين اللي في اغلب السيارات من 25 ريال الى 100 ريال. اشتريته للفياقرا ب350. اذا انت متخوف من السياره فنصيحه لاتشتري سياره الا واثق من قناعتك فيها. واذا الهدف مظاهر فترى موديلها قديم، يعني لا بتشخص مع الخلق ولا بتاخذ سياره عمليه :) تحياتي