محطات الوقود

يمكن كان وقتها التانكي فيه هواء ويعطيك قراءة غلط مو شرط فيها غش الله اعلم

وعليكم السلام 

عب عند محطه ثانية وتأكد قبل لاترجع لهم 

وممكن يوم عبيت ثاني مرة كان التانكي فاضي اكثر من اول مرة

عادي يمكن لانك مشيت على اللمبة مسافة اكثر فلذالك اعطاك تحت النص

اما الاولى يمكنك عبيت اول ما اشتغلت اللمبة وعطاك فوق النص

قبل فترة طويلة ؟ 
اذا قصدك سنة فلا تنسى البنزين ارتفع سعره

تعبئة بنزين بالنهار تختلف عن تعبئة الليل كل ما كان الجو بارد أفضل
و يفضل المحطات الجيده مثل الدريس و بترومين و نفط و ساسكو

كم مره صارت لي وصارت لواحد اعرفه
اخر شيء مانتعامل الا مع دريس
بنزينهم بالضبط جاي عكس باقي المحطات تحسهم استهبال
بعض المرات الفل يزيد ريالين او ٣ وانا اعرف مبلغ فل سيارتي
لذلك ادريس وبس
محطات سهل عندهم تلاعب وكذا مره قفلتهم التجاره
خصوصا اول مارتفع البنزين قفلوا محطاتهم عشان يبيعونه
بالسعر الجديد وهم شارينه قبل لايرتفع لكن جلدتهم الوزاره
وبغض المرات اشك بمصداقيتهم الامبير مايتحرك كثير لو تعبي عندهم
والمحطات الثانيه حقت الافراد ابو منديل بنزينهم مايطول بسرعه يخلص
شيء غريب مع انه بنزين واحد نفس خط الانتاج!!

خذها قاعدة بالحياة.. اي محطة يعطيك موية ولا منديل تاكد انه مغشوش
يا يكون لاعب بالعداد ويحسب عليك زيادة او يخلط بنزين مع كيروسين.. 
مستحيل احد منديل والبنزين اللي يبيعه صافي ١٠٠٪؜ لانه اصلا الريح على كل
لتر بنزين تقريبا ٧ او ٨ هللات.. اذا شخص عبى ب٢٠ اخضر مثلا.. الربح حق المحطة 
١٤.٥٩*٠.٠٧ = ١.٠٣ ريال. 
بالنسبة للغش بالبنزين في الاحمر هو انه يجيبوا بنزين اخضر ويصبغوه بصبغة حمرا.
وبالنسبة للاخضر يجيبوا اخضر ويخلطوه مع الكيروسين.. يجيبوه من مصانع باسعار رمزية 
ويخلطوه ويخف اللون الاخضر. طبعا الموية ما تنخلط مع البنزين لانه في فرق بالكثافة.. 
و احتمال يخلطوا الكيروسين مع الاحمر مو بعيد.. طرق الغش كثير.. 
عشان كذا افضل شي عبي من المحطات الموثوقة والجديدة.. في محطات للدريس ونفط مثلا لكن 
قديمة مررة.. الطرمبات اللي فيها قديمة ف احتمال يكون العداد مو موزون. او الخزان نفسه عليه 
ترسبات وشوائب برضه لها تاثير. 

جركل أبو 10 لتر لم تعبه 10 لتر حسب العداد 

خلوا عنكم الوسوسة الزايدة.

حياك
اذا انت فعلا مقتنع انهم غشوك
بسيطة
جيب قارورة صحة حقت لتر وخلهم يعبونها لك وراح تكتشف اذا
فعلا فيها تلاعب
وعلا طول بلغ فيهم

الغش موجود لكن انت ماعندك اي دليل او حتى حسابات علمية تثبت كلامك. 

مو شرط , يمكن هواء داخل التانكي واحسن الظن ,

طال عمرك. علشان تريح نفسك وبعيد عن الشكوك.
احسبها باللتر يعني كم لتر . 20 ريال = كم لتر. هذا الحساب الدقيق.
وليس بالتكهن او الضنون فوق او تحت النصف.

بارك الله فيك .