أضف سؤال أو موضوع جديد          

مكينة تشليح ولا مستورد

up 3 down 0
جعل من ربوني في الجنه 333
قبل 2 سنه و 8 شهر



السلام عليكم. 
عندي كيا ريو2014 خبطت المكينه. ولي شهر وانا ادور بالتشاليح وبموقع حراج وماحصلت شي نظيف بتشاليح الحاير اغلبها مكروفه واغلبها مفكوكه من السياره وماادري وش وضعها وضمانهم 10ايام وبالكثير15يوم  اشوف ضمانهم قليل مفروض شهر اقل شي.   اما الي بموقع حراج اغلبها مكاين مستورده ويعطون ضمان الى ثلاثه شهور. لاكن المستورده لي تجارب معها من قبل  وصراحه ماعجبتني احياناً يكون فيها اصوات مستمره طقطقه والعزم ضعيف وكل مارجعت لهم ركبو غيرها ونفس المشكله يعني نادراً تحصل شي نظيف والحين. متردد اركب مستورده ولا مااركب   وانا والله صبرت شهر وانا ادور على اساس ماراح اركب مكينه الا مكينه نظيفه وممشى قليل. لاكن قليل الي حصلت ومبالغين بالاسعار. 

ياليت الي يعرف لي تشليح بالحاير عنده شي نظيف يدلني عليه. حتى لو اكسنت لان بعض الموديلات تركب على الريو. 

اما المستورده. متردد اركب ولا اتركها واصبر يمكن احصل شي نظيف ويستاهل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعطيك رابط موضوع لاخونا مدرس عاطل ان شاء الله يفيدك

https://montada.haraj.com.sa/36558/كيف-تختار-مكينة-مستعملة-وبعض-النصائح-المهمة-......./


بس مستغرب وش سبب تخبيط مكينه انا قمت اشكك من جد فجودة كوري

موتري 2017 اكسنت ومع مكيف لشغلته لدعست بنزين يعطيك صوت صرقعه




up 2 down 0
mohammed1368 154
قبل 2 سنه و 8 شهر



الله يعطيك العافيه بشوف للموضوع  بالنسبه لسبب التخبيط حراره كانت السياره مع اخوي وزود مويه الرديتر ونساها مفتوح ومشى عليها وماانتبه للحراره الا يوم طفت السياره لاكن قدر الله وماشاء فعل  


up 0 down 0
جعل من ربوني في الجنه 333
قبل 2 سنه و 8 شهر



خذ مستورد بشرط نفس حجم سيارتك.
بمعنى اذا سيارتك 2000 سي سي خذ نفس الحجم 2000 سي سي
لايعطوك 1800 سي سي . 
المستورد عادة يجي نظيف و ضمانه اطول. 


up 2 down 0
amer ahmed 559
قبل 2 سنه و 8 شهر



متردد من المستورد  لانها نفس اي مكينه مفكوكه بالتشليح 
الفرق ان المستورده تجي مغلفه ونظيف من برا لدرجه الي يشوفها يقول جديده. لاكن بشوف بكره لتشاليح اذا حصلت ركبت واذا ماحصلت بفكر بالمستورد  

والله يعطيك العافيه 


up 0 down 0
جعل من ربوني في الجنه 333
قبل 2 سنه و 8 شهر



هل أستفسرت  عن المكينة من الشركة جديد ❓ وبكم ❓


up 0 down 0
ibra 3796 -31
قبل 2 سنه و 8 شهر



سعرها جديد 23 الف  بعد الخصم  وقبل الخصم يقول 26الف وكسور  طبعاً استفسرت من الوكاله فرعهم الي على خريص بعد العثيم مول  وصراحه بسعرها هذا يجيب لي سيارتين بدل مكينه مبالغ فيها جداً


up 0 down 0
جعل من ربوني في الجنه 333
قبل 2 سنه و 8 شهر