أضف سؤال أو موضوع جديد          

معلومات عن الكرونة وزيت الدفرنس للفورد

up 11 down 0
mercy_sa 894
قبل 4 شهر و 3 أسبوع



السلام عليكم ورحمة الله وبركاته

اليوم بتكلم عن الكرونات بالتفصيل وراح اقسمها لفقرات مثل ما سويت مع القير في موضوعي السابق
طبعا أتمنى موضوعي يكون مرجع لاهل الفوردات
لاني بستند على الكتالوج ومعلومات دقيقة

الفقرات //

1- أنواع الكرونات مع الرموز
2- الزيوت وهل ضروري تغيرها

أنواع الكرونات مع الرموز //

الفورد له اربع كرونات الكرونات الشائعه هي 2.73

1- C8-X8-E8-58-8M) = 2.73) هاذي في اغلب الفوردات.
2- AZ-JY-MY-YZ) = 3.08) هاذي في السبورت (غالبا الي يجي قير ارضي )
3- Z5-X5-5E-9E) = 3.27) هاذي في البوليسي
4- 3.55 = R2-55-DK-2K)) هاذي تجي في الماردور وبعض النسخ من البوليسي

طيب فين تلقى الرموز وتعرف وش نوعك كرونتك ؟
تلقاها في استكر موجود في باب السائق تحت كلمة AXLE

الزيوت وهل ضروري تغيرها //

حسب بحثي في الكتالوج ان زيوت المحور الخلفي صالحه مدى الحياة ولكن اذا كان استخدام عادي يعني تقدر تقول اغلب الفوردات باستثناء البوليسي

طيب لو غيرتها في مشكله ؟

لا, لان في نفس الكتلوج كاتبين لك نوع الزيت + معالج الاحتكاك
ويوصون بتغيره ,اول تغيره على 160 الف كم وبعدها على 72الف وتغيره وتستمر على 72 الف
((ولكن هاذي موجهة لسيارات التأجير والأجرة والشرطة )) او الي دخلها مويه . يعني مافي داعي تخسر نفسك وممكن تضرب الكرونة عندك خاصة اذا لك فترة ما غيرتها
زائد هم قالو بالحرف انها ما تحتاج.

وهذا نص من الكتالوج :

(( يعتبر تزييت محاور الدوران الخلفية ووحدات توصيل الطاقة التي تحتوي على زيت صناعي وشاحنات الخدمة الخفيفة المزودة بمحاور دوران من تصميم Ford صالحًا مدى الحياة.
ولا يتطلب الأمر فحص هذه الزيوت أو تغييرها إلا إذا كان هناك شك في حدوث تسرب، وفي هذه الحالة تكون هناك حاجة للصيانة، أو في حالة غمر مجموعة محور الدوران في الماء.))

مختصر الكلام لا تغيره بس من باب المحافظة شيك عليه اذا ماقد شيكت ممكن يكون ناقص

في حال تبغى تغيره فعليك التأكد من الممشى
اذا تحت 100 الف غيره واذا زايد فانصحك تغيره بالتدرج

نوع الزيت المستخدم في تغير زيت الدفرنس :

الفورد العادي ( SAE 80W-90 Premium Rear )
الفورد البوليسي (Motorcraft SAE 75W-140 )
معالج الاحتكاك (motorcraft XL-3)
طبعا تاخذ علبتين وتضيف له معالج احتكاك

انشاء الله أكون وضحت كل شي وياشباب لا اوصيكم بالدعم والله تعبت في اني اجيب معلومات دقيقة جدا



























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافيه ياخوي
كفيت ووفيت وفي ميزان حسناتك


up 1 down 0
m7md 33 671
قبل 4 شهر و 3 أسبوع



استفدت منك بارك الله فيك


up 1 down 0
هبووب الشمال 36
قبل 4 شهر و 3 أسبوع



بارك الله فيك 
اصحيح تشييك فقط وتزويد اذا نقص الا اذا خرب والا تهريب تفحصه 
المكينة والقير والدفرنس حاول ماتفكها نهائيا الا بخراب قوي 


up 1 down 0
جبل شعيب 100
قبل 4 شهر و 3 أسبوع