أضف سؤال أو موضوع جديد          

مقترح للي بيستاجر او دايم يستاجرون سيارات

up 12 down 3
a.ibrahem 3167
قبل 3 سنه و 3 شهر



السلام عليكم ورحمة الله وبركاته 




مساكم الله بالخير جميعاً 




موضوعي اليوم عن مكاتب الاجار وسياراتهم طبعاً لاشك ان فيه بعض الناس وقعوا في مشكلة او مشاكل مع مكتب التاجير حزة تسليم السيارة حول ان الحكه هذي منك ذا العفطة منك وتدخل انت وياهم في متاهات مالها آخِر وما تستطيع تثبت برائتك من هالناحية 




لذلك عندي مقترح بسيط انا تعودت اطبقه لما استاجر سيارة يبري ذمتي ويحفظ حقي وبرضوه اثبات لي لو تبلاني المكتب 
الا وهو اصور الموتر فديو كامل ادور عليه واصور الحكات اللي فيه عند المكتب قبل استلمها واصور العامل وهو يشيك والمكتب على الدزه يعني 




ميزة هالحركة انها تثبت عليهم اي حكة كانت في السيارة ماسجلوها في الورقة وقبل حتى ماتستلم انت المفتاح لان بعض المواتر تصير الحكوك فيها واجد ومنتاب فاضي تدور انت وياه ساعتين سجل ذي وهذي يقولك لا مايحتاج او ما انتبهت لها وغيره وخاصة اذا بتسلمها فرع ثاني لذلك ماله اي مفر لو توريه مقطع الفديو طبعاً انا اصور قدامهم يعني ماعلي منه واقوله هذا اثبات لي ولك لو فعلن صار فيه حكة جديدة غير اللي موجودة في الفديو ابشر بها انا اتحملها ماعندي مشكلة 




طبعاً بذكر لكم موقف بسيط حصل معي امس كنت توني واصل مطار الرياض الصباح انا ومجموعة من الشباب وقلنا بنستاجر اكسنت بدال ما ندفع في اوبر يوم استاجرت واصورها في مواقف المطار فديو قبل نحرك رحت الليل اسلمها وعطيته الورقة حبيب هو اللي في المكتب سعودي قال وين مستاجر منه قلت والله من المطار وصلت نمت وقمت وجيت اسلمك اياها قال شف فيه حكه هم ماسجلوها في اسفل الصدام الامامي طبعاً هو بنفسه معترف يقول حقين المطار اللي عندنا وسخين شغلهم بربسه قلت وينها قال هذي قال بكلمهم الحين انا عارف انها من قبل بس هم ما سجلوها لكن لازم ابلغهم عشان ما يحطونها فيني بعدين اني ماحاسبت العميل وكذا قلت عندي فديو قبل استلم الموتر والعامل يدور معي ويسجل الحكوك وصورت ذا اللي تقول ماسجلها قال ممتاز جداً وشاف المقطع قال ارسله لي بس وانا اتفاهم معهم ومنها بشتكيهم يقول دايم تجينا سيارات فيها حكوك من اول ويقول المستاجر مالي دخل فيها والله من اول وهم ماسجلوها ونوقع في مشكلة مع المستاجر ونلطعه لكن انت على ماقال جبت لي الدليل القاطع 




قلت والله وانا اخوك انا تبت عقب مرة اتهموني مكتب اجار ان فيه قشرة صغيرة والله يا اخوان انها ماتنشاف زي طقة الحصاة في الباب وقالوا منك ولازم تدفعها وبناخذ منك 50 شغل زرف وغلطتي ماصورت حزتها والقهر اني خذيتها منهم ورحت داومت وموقف السيارة في مواقف الدوام ماحولها ولا جنبها اي سيارة يعني مستحيل وجنبها رصيف اصلن وطلعت من الدوام ورحت اسلمها ولا احد طير على حصيان بقول والله يمكن منها ولا شي 
قال احمد ربك خمسين الشركة عندنا زرف يستغلون المستاجر ويمرمطون به 




ف حبيت اقدم هالنصيحة لكم للفائدة للي حاب يعمل بها واعتذر على الاطالة في الموضوع ومايمنع برضوه للي حاب يأكد الفديو من جميع النواحي يصور عفريتتهم ومفك العجل والممشى وكان في السيارة كسر في ديكور ولا غيره يصوره عشان يثبت حقه ويريح دماغه




شكراً لكم 
 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اولا الآن صباح ماهو مساء ههههههه

ثانيا والله ماعمري استأجرت سيارة الحمد لله لو اضطريت اخذ سيارة احد اخواني او آخذ تكسي والافضل تستأجر من المكاتب المحترمة على الاقل حتى لو سعرهم غالي مايدفعونك شي تحس انه ظلم ويقهرك


up 0 down 5
دكتوراه في الحب 164
قبل 3 سنه و 3 شهر



لايك

وانا اسوي مثلك على فكرة لكن بدون رقم جوال .. انا لو اخذتها في وقت الليل أشغل الفلاش وافر على السيارة ,, الهندي يتضايق مني لكن لمصلحتي لأن يدورون الريال عليك ويحطها بجيبته

واخليه يسجل كل شي وكل التفاصيل حتى كتابيا على ورقة الأجار عشان يكونون بالصورة

بعض مكاتب الآجار ناس ما تخاف الله


up 1 down 0
الاحترافي 1437
قبل 3 سنه و 3 شهر



جزاك الله خير ومكاتب الايجار هذا شغلهم ما يبطلوه


up 1 down 0
عاشق الليل 2100 183
قبل 3 سنه و 3 شهر



تصرفك صحيح وتضمن حقك اذا عالم مو فاضي يسجل حكات انت حس بنفسك

انا موتري مثل اعرف وش فيه كل كبيره وصغيره مثال باب عندي متعور بسبب حادث

حكه قدام فصدام حتى لوحه انتبه اذا فيها طعجه اخوي علمني تدقيق

لانه شغال فمكتب اجار سيارات فانت لمن تصور تضمن حقك وابن امه ينفخ عليك

ويفضل اذا بتاجر من مكتب يكون تاميل شامل تفك روحك


up 1 down 0
mohammed1368 155
قبل 3 سنه و 3 شهر




باصير اسوي زيك 
جزاك الله خير 




up 1 down 0
الصقر2022 1025
قبل 3 سنه و 3 شهر



الله يعطيك العافيه

وفعلاً تنبيهك في محله

والافضل تصوير السيارة فديو كامل قبل استلامها

الله يجزاك بالخير هذه النقطه الكثير يغفل عنها


up 1 down 0
aboahmed2014 1168
قبل 3 سنه و 3 شهر



بس سؤالي عزيزي بخصوص الاستئجار من مكتب تاجير سيارات

هل يطلبون فيزا لان بالرياض عقدوني بهذا الطلب ويوم احاجههم بان وزارة النقل ترفض هذا الطلب
يقولي الادارة ملزمتنا بهذا الطلب


up 1 down 0
aboahmed2014 1168
قبل 3 سنه و 3 شهر



هنا ربعنا السعودين يهنون بمكاتب الايجار عاد الزرف من الاجانب الى هنا والى برا
سافرت دبي والمغرب تحجير في تحجير للسيارات المستاجره فالافضل طريقتك خصوصا بلد مهو بلدك
صور فيديو ونظفها وغسلها وعبي فيها بنزين زي ما اخذتها وامورك في السمبتيك

استاجرت عدد شعر راسي برا السعوديه وشفت الطيب والخبيث بس اهم شي الصمله وخلك واثق من نفسك
ولا تجلس تفحط او تعامل سيارتهم معامله الحمير وترجعها وتقول ظلموني
زي ما تبي احد يظلمك انت لا تظلم احد وخلك بالسليم دايم . امشي عدل يحتار عدوك


up 5 down 4
الملكيه 73
قبل 3 سنه و 3 شهر



اللي يأجر من مكاتب الافراد يتحمل العواقب
نص مكسبهم بالتحايل( البعض وليس الكل)
لذلك خلك على المكاتب الكبيره والمعروفه
يعاملونك بأحترام ويعطونك عضويات وتخفيض

بس الغريب انك مستأجر من المطار
يعني مكاتب معروفه ومشهوره
وصاروا وسخين نفس مكاتب بعض الافراد!!


up 0 down 2
d7ooom777 391
قبل 3 سنه و 3 شهر



صراحة حركه قذره يسووها الانجاس
لكن الشرهه على اللي ما يثبت عليهم
وهم متعودين يزرفون بهذي الطريقه
الافضل اذا شفت السياره فيها حكات
واجد لا تستاجرها ........
انا دايما استأجر الجديده اللي ما مشت
كثير ....يمديها تكون نظيفه
ومع ذلك اشيك ورا العامل في اي ملاحظه
موفقين .....والله يكفينا شر النصابين




up 0 down 1
لا للغلاء 828
قبل 3 سنه و 3 شهر



الله يعافيكم جميع وحنا على ماقال اخوان ونفيد ونستفيد من بعض 

بخصوص ابو احمد 2014 وسؤالك حول الفيزا او الماستر (بطاقة أئتمانيه ) وطلبهم لها سؤالي لك هل انت سعودي ولا لا ؟ لان نفس المكتب اللي استاجرت منه من ضمن شروطه لغير السعوديين بطاقة أئتمانية لكن السعودي رخصة وبطاقة الاحوال والعمر ماينزل عن 25 

لكن على فكرة ترى بعض المكاتب لو تاجر منه سيارة كبيرة او فخمة وبعضهم حتى على السيارات العادية ياخذ منك مبلغ زيادة مثل التامين يعني انا يوم جيت اسلم الموتر طبعاً مادفعت الا حق يومية الاجار بس حتى هو استغرب قال غريبه ماخذوا فلوس زيادة او ان حنا نطلبك شي يعني مدفوع بالكامل بدون زيادة ولا نقصان قلت اجل وش تبيني اعطيه زود ليه قال يعني في الغالب ياخذون مبلغ بسيط زيادة ويرجعونه لك اذا جيت تسلم السيارة دخل وقتها واحد بيسال عن الجموس قال له في ب 450 2016 كم المدة قال يعني اسبوع كذا بنسافر عليه قال له وتحط عندي مبلغ تامين حول 5000 تسترجعه اذا جيت تسلم السيارة 

ف يمكن المكاتب اللي رحت لها يطلبون الفيزا او الماستر لهذا الغرض ويسحبون منها مبلغ واذا رجع الموتر وتاكدوا منه رجعوها في حسابه 

بس عموماً ماله حق ومافيه نص نظامي يشفع له بطلب الفيزا او الماستر 


up 1 down 0
a.ibrahem 3167
قبل 3 سنه و 3 شهر



افضل التأجير من الشركات الكبيرة وما يتلاعبون في موضوع الحكات

اكثر من مرة استأجرت من ذيب والحمد لله الامور معهم تمام


up 1 down 0
الريادة_78 49
قبل 3 سنه و 3 شهر



ازيد على الموضوع. بعض المكاتب لقيتها في الرياض يخليك توقع سند أمر على بياض. لو يبي يحط اي مبلغ ويقدمه للمحكمه. وقتها بتروح فيها ياتسدد المبلغ او ايقاف خدمات. ويعتذرون المكاتب بأن هذا السند يحفظ حق المكتب لو ماسلمت السياره او اتلفتها عمد. طيب المستأجر عنده الوثائق المطلوبه رخصة وبطاقه والسياره مؤمنه تأمين شامل. سند أمر ليش؟؟!!

اشوف ان التوقيع عليه يعتبر جناية بحق نفسك.


up 0 down 0
الحويزي1 1128
قبل 3 سنه و 3 شهر



الله يسعدك اخوي انا سعودي

وبخصوص التامين كذا مره قلت اعطيكم لو تبون 3000 الاف بس سيئين

وبخصوص ذيب يقول لازم عضويه

ومن المطار استاجرت من شركة الوفاق حبيبين وماطلبوا مني شئ بمطار الباحه

لكن سياراتهم لك عليها يعني حتى القير يفوت وموديلات حديثه واستغربت من هشئ


up 0 down 0
aboahmed2014 1168
قبل 3 سنه و 3 شهر