أضف سؤال أو موضوع جديد          

ماهي علامات اعلانات السيارات المضروبة بحراج

up 6 down 0
عبدالعزيز الشهري2016 70
قبل 3 سنه و 4 شهر



السلام عليكم و رحمة الله و بركاته
أسعد الله اوقاتكم بكل خير
مما آلمني من بعض إعلانات السيارات المستخدمة في موقع حراج
هو محاولة هؤلاء النصب و الخداع علينا كمشترين (ويشهد الله يوجد أناس عندهم أمانة لكن قليل)
ما حصل لي اني وجدت اعلان تاهو ٢٠١٣ ممشى ٨٩ الف ، طبعا الصور تشوفها تقول الموتر نظيف ، كلمت الرجل قال موتري نظيف
قلت بقابلك و بفحص بالوكالة ، قال تم ، قابلت الرجال (مسافة حول ١٠٠ كلم ) من أول نظرة و قبل ما ينزل انصدمت من المنظر
اختلاف السماء عن الارض ، باب السائق مرشوش ،بقايا آثار على الابواب لشركة أرامكو والقصة تطووووول ،.
المهم من كثرة تصفحي للموقع اتضح أن السيارات المضروبة يصورونها بالليل أو يحطو فلاتر للصور وهذا غش و تدليس
فانتبه تسوم أو تتسرع انك تسافر لأجلها اذا كان ما عندك احد يقدر يقابل البائع الا بعد أن تقوم بالتالي :
كلم البائع يرسل لك صور واضحة بالنهار وغير مضاف عليها فلاتر
خله يفتح الكبوت و يصور صورة المكينة من الجهتين
خله يصور لك المقدمة و الخلفية
صورة الداخلية و الكونسول الوسطي و المراتب الأمامية و الوسطى و الشنطة .
صور لبطن السيارة
واخيرا خله يرسل لك رقم التسلسل للسيارة و روح او اتصل ع الوكالة و اسألهم آخر صيانة متى تمت
اذا وجدت الممشى بالاعلان قريب من الممشى و تاريخ الصيانة بالوكالة
عندها ممكن تسوم و تقابل البائع اذا اتفقت للمعاية و الفحص
البعض بيقول الشغلة طويلة ، اقول له كلها صور ممكن تغنيلك عن دفع مبالغ في السفر و الفحص من أجل سيارة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا رجل كله كوم واللي يقولك السيارة اخت الوكالة وتكمل الاعلان تلقاها ماشيه 500 الف ! والبودي يشهد الله وكاله من الصدام للصدام ماعدا رفرفين قدام وباب السايق والراكب الخلفي والكبوت رش تجميلي والشنطه مبدله فقط نتيجة طعجه بسيطه ! طعجو راسك ويكرم القراء طيب ليه القسم ليه ما توضح من الاول والله يا خسرت فلوس على الفحص وكلهم كذابين الا من رحم ربي ولي موضوع تلقاه بالظغط على اسمي عن هالأشكال اللي تخسرك وقت وجهد ومال على الفاضي


up 8 down 0
mr.teto 594
قبل 3 سنه و 4 شهر



ما اضحكني الا
الاستبنه مافكت
البدي وكاله
والصداء قالب البدي احمرر


up 2 down 0
امير الاصيل 1714
قبل 3 سنه و 4 شهر



مره واحد قال السياره فيها مخوش بسيطه يوم جيت لقيتها طايحه من سطحه ورايحه من كل الجهاتقلت له شو هذا قال مجرد شموخ
ما ادري هبلان ولا يستهبلون


up 2 down 0
الشرقية ماركت 149
قبل 3 سنه و 4 شهر



موضوعك جميل ياخوي
والله يعوضك الي تخسرته ويرزقك الموتر الي يسرك ويرضيك 
ويبعد عننا كل غشاش ونصاب 

و اتمنى البياعين يفهمون ان كل السيارات تنباع وبيلقالها زبون حتى لو مصدومه 
لكن لو يخلصون النيه ويصدقون بيحصلون الرزق .. 
يعني عندك موتر فيه مشكله ياخي اذكرها وصدقني بيجيك واحد وراصي بالمشكله وبيشتري بالسعر الي بخاطرك 
ومن تجربة الكلام لاجيت ابيع موتر اذكر كل الي فيه ويجون الشرايه والامور طيبه


up 3 down 0
m7md 33 1155
قبل 3 سنه و 4 شهر



ما كأن الرسول  - صلى الله عليه وسلم - (من غشنا فليس منا) أي كأن الغشاش  ليس مسلم . فالكثير يتساهل بالغش ويراه شطارة.نسأل الله حسن الخاتمة. 


up 2 down 0
ibra 3796 -31
قبل 3 سنه و 4 شهر



كلامك صحيح للاسف ،  وانا مره صار لي نفس الموقف وخسرت قيمة الفحص حوالي ٤٥٠ ريال ، 

للاسف ضيع وقتي وفلوسي ، وهو بعد ضيع وقته ، 

مثل هالاشكال المفروض الواحد يقيمهم ويكتب وش صار عشان مايتوهق احد ثاني معهم 

ولاتعطيه ورقة الفحص الا اذا دفع على الاقل نصف سعر الفحص


up 2 down 0
abuabdulrahman1984 25
قبل 3 سنه و 4 شهر



الصور خداعة وانا صارلي مثل موقفك قبل 3 سنين.


up 1 down 0
مشاري557 272
قبل 3 سنه و 4 شهر



أنا حصل معي موقف كنت أبشتري جيب نيسان وكان صاحبه يمدحه 
مدح و يوم صملت ووثقت بالكلامة رحت فحصت صار فيه تهريب في صوفت القير و المساعد واحد مفقوع 
و هونت مباشرة لأن البائع إذا مهوب صادق من البداية إبعد نهائي 

و الموقف الثاني كنت ادور جمس حوض الموتر بالصور شيخ و يوم رحت على الطبيعة إختلاف جذري و بان لي ان الصور الي على الموقع قديمة 
وليسة حديثة و يوم جربت الموتر القير تعشيقة فيه طقة قوية بالريوس و اذا مشيت يحن و يطول يعشق و التعشيق خشن مره 


up 0 down 0
الفارس المتألق 219
قبل 3 سنه و 4 شهر



واللي يقهرك زياده ويغبن يقول اسبير الوكاله مانزل من الشنطه

وهذا انا عندي التيما من 2009 مانزل لاني ما احتجت ابدل كفر هههههههههههههه

مو معناته السيارة وكاله

لكن ماعرف اساليبهم بالغش والتدليسس معروفه خذوا عقولهم


ولكن المفروض انك دفعته حق جيتك من 100 كيلو وخليته عبره لمن لايعتبر
قال ايش سيارته نظيفه وهي تبع ارامكوا كرفوها العمال


up 0 down 0
aboahmed2014 1168
قبل 3 سنه و 4 شهر



اهم شي الاسبير ما نزل هههههه عادي لو الباقي معدوم


up 0 down 0
mfh2009 372
قبل 3 سنه و 4 شهر