أضف سؤال أو موضوع جديد          

موضوعي عن الاستهتار للنقاش.

up 9 down 3
مشاري557 264
قبل 2 سنه و 4 شهر



السلام عليكم جميعاً واسعد الله اوقاتكم بكل خير...

انا البارح كنت امشي بالممشى والممشى مليان واللي خلاني اكتب هالموضوع هو تتعرض للناس ليش؟ يعني انت واللي معك مأذين خلق الله بصوت السيارة ما غير تدعيس وريحة كفرات وصراخ وتحملنا بس ترمي قراشيع من الشباك على الناس وبطريقة مقصودة هذي قلة ادب وواحد من الماشيين جاه بيبسي وثوبه انعدم والرجال مع حرمته وبنته ويتحسب عليهم.

والمشكلة انهم صغار اعمارهم من 12 الى 18سنه يعني الى متى تظل التربية من اسوء الى اسوء وهل التعليم في انحطاط بما ان هيبة المعلم راحت؟ لانهم بالشارع وهذي تصرفاتهم وش تتوقع داخل المدرسة نايم بالحصص وتاخر هروب غياب او مسجلين ليلي ( المعروف بادفع وتكي في بيتكم والشهادة بالدرج).

وفيه النوع الاردى واللي تحصله ترند في انستقرام ومجرد ما تفتح خانة البحث تطلعلك مقاطع شباب صغار حقين تفحيط وجمهرة وسرعه عالية وباختصار استهتار فضيع تعدى حدوده.

هل في اسباب غير التربية والتعليم مرتبطة بالتصرفات هذي وماهي افضل الحلول للتقليل منها؟ اترك الموضوع للنقاش.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاساس بإختصار في الاب و الام و تربيتهم لعيالهم ....


up 10 down 3
nescafe 66
قبل 2 سنه و 4 شهر



مايقهرك الا يرمي السجاره عليك خير سلامات


up 7 down 1
هبووب الشمال 107
قبل 2 سنه و 4 شهر



وعليكم السلام 

التربية هي الاساس ،،،، اذا كان الاب والام يوفرون لهم كل حاجه وخاصة الجوال فهو المصيبة الاكبر لانه يشاهد مفحطين وشباب مراهقين واكيد يبغ يصير مثلهم ،،، فلازم على كل اب وام يعرفون متى يقولون كلمة لا ،،،لان توفير كل شي لهم سبب في خرابهم ويطمعون للمزيد ،،،،، ولكن كلمة لا تسمح لهم مرة ومرة لا هذي توازن بين الامور 

والله يصلح شباب المسلمين 


up 4 down 1
ابو حسين.......... 1024
قبل 2 سنه و 4 شهر



تربية فاشله

الشايب تلقاه موفر لهم بيت وماكل ومشرب وتلقاه عند الابل ولا مع شيبان طلعه ولايدري عن بزرانه
مع الدشير والسلنتح

والحرمه مسكينه يالله لها بالبيت وصجة الصغار وجمعات الحريم والعزائم

واذكر لك مواقف ومن ضمنها لما تقابل فئة السود

ويجونك قروب يارجل تكره الدنيا واللي فيها

ووشوفهم اوقات يجتمعون ويوسخون المكان واهاليهم عادي الوضع ولا يحركون ساكن

صرت اكره الحدائق والمماشي

واكتفي بالمولات

ولي ضاقت فيني طلعت الشرقيه وع الشاطئئ البحر شئ يفتح النفس ترتيب ونظافه

وناس ذوووق واخلاق

ويحترمون اللي جاي من برى وحتى لما يكون في هيصه ودبابات تلقاهم قروب ومرتبين

والواحـد ابتسامته تشق الوجه

ولي شفت ناس مهابيل ولا احترام ولا ذوق اعرف انهم من الرياض سواء بالشارع او ع البحر


up 9 down 4
aboahmed2014 1149
قبل 2 سنه و 4 شهر



الله يعين كلن يشتكي من هالفئة لارقيب ولاحسيب
لاكن فيه تطبيق كلنا امن موضوع لامشاكل كذا
ماعليك الا تصورهم هم وهياطهم
واخيرا اذا شفت هالااماكن تجيها هالااشكال انحش عنها
والله يصلح لنا ولكم


up 3 down 2
باترول 2020 2624
قبل 2 سنه و 4 شهر



هي التربية اولا و اخيرا

ليش يسمونها وزارة التربية و التعليم لأنه التربية قبل و اهم من التعليم.  ممكن تلقى جاهل لكن اخلاقه و تربيته ممتازة.

المتعلم تلقاه احيانا فاسد و شايف حاله و مايخاف الله.  فعلا صايرة كثير في الديرة خصوصا في المناطق اللي بها واجهات بحرية

زي الشرقية و الغربية تلقا هالورعان اذا مش سيارات تلقاهم بالدبابات واسمع ام الازعاج و في عوايل راحت ضحية بسبة هالهمج.

لازم اجراء حازم مع هذه الفئة لازم يكون فيه دوريات لهذه الاماكن و تشوف الناس كيف مثل الساعة تمشي. 


up 3 down 0
بدر الباثفايندري 1115
قبل 2 سنه و 4 شهر



الله يصلح الاحوال
يسوي هالحركات في خلق الله ولو واحد سوى حركة مماثلة لابوه قوم الدنا ماقعدها



up 1 down 0
salehhd 903
قبل 2 سنه و 4 شهر



في ممشى بالرياض كنت احب اروحله يوميا في الايام الاسبوع بعد العشاء عند ملاهي الحكير على الدائري الشرقي واسم المكان حديقة الاميرعبدالعزيز بن محمد

واول ما بديت امشي قبل مايفتح بسنه وكان مرصف وفيه اعمدة اضائه وتراب مكان الثيل وبعد مافتح من احلى ما يمكن ولاكن الزين ما يكمل بدت الناس تجي وتعين خير وتنسبط الى ماصار بسطات وزحمة ومغازل وازعاج سيارات وصخب غير طبيعي وبعدها صارت مضاربة وعقبها قفلوها وحطو سور وسكيورتي وفوق هذا في دوريات مستلمة المربع ومو ناقص الا يطلب اثباتك لاجيت تدخل.


up 2 down 0
مشاري557 264
قبل 2 سنه و 4 شهر



الله يكون بالعون 
مالنا غير ندعي لهم بالهدايه 
وهم مراهقين 
وكل المراهقين وبكل مكان بالعالم لابد ماتجيه فتره يسوي حركات كذا 
وطبعا كل جيل وله شيء وحركات معينه وطريقه 
وهالحركات تمر ع معظم المراهقين 
وطبعاً التربيه لها دور كبييير جدا 
ولها دور بحركات المراهق اما تكون حركات قويه او خفيفه 

بس صراحة هالجيل اعوذ بالله منهم لاهو من شعورهم ولبسهم ولا هو من حركاتهم 
لدرجة انك تشمئز من اشكال بعضهم المقرفه 
يا يجيك كول وحاط بكل براسه او يجيك طعس وثوب احمر 
طبعاً الا من رحم ربي ومتربي صح 
وللاسف صار بعض الاباء هو يقوول لعياله سوو ستايل 
او يشوفهم مسوين ويسكت 

تذكرت ايام الثانوي مطول شعري شوي 
مالقيت الا العقال والحلاق هههههه 


فما نقول الا الله يهديهم ويكفينا شرهم 


up 3 down 1
m7md 33 1151
قبل 2 سنه و 4 شهر



ابو احمد 2014

بدون عنصرية لا تحط الموضوع في الأشخاص السود لأن الحقيقة المصيبة من بني جلدتك

الاصل واللون والعرق ماله دخل في سوء التربية، الوالدين هم من يلامون


up 4 down 2
saadsmb 262
قبل 2 سنه و 4 شهر



اخوي سعد الدعوى ماهي عنصريه

بس من كثر ماطفح الكيل وهذاشايفه بعيني اكثر من موقف

واخرتها اليوم الصبح با امان الله راكب سيارتي عند البيت ويجونك معهم دباب ثلاث خوال
ازعاج للحاره مع الصبح وصياح ويتكلمون ع الماره

وتجي تقول بدون عنصريه عصروا راسك في تانكي اكسنت بلاك ماذقت اللي ذقته


up 2 down 4
aboahmed2014 1149
قبل 2 سنه و 4 شهر



ابو احمد الله يهداك هههههههههههههههههههه

حمدلله انا ما اشوف لا ازعاج ولا شيء الي يعانون اهالي مدن رئيسيه

مثل الدمام والرياض وجده هذا غالب


up 0 down 0
mohammed1368 155
قبل 2 سنه و 4 شهر