هل يلزم تغيير الكفرات عند ظهور الشقوق عليها؟

بتمشيك فتره وتبدأ تنفجر واحد واحد عرفت لان تاريخها قديم ومع الصيف والحرارة اذا انت بالرياض يفضل انك تغيرها

بسافر عليها من المدينة الى ينبع ذهاب وعودة 

اذا نفسك غاليه عندك رح غيرها تسافر وانت مطمئن الكفر تاريخه قديم ومتشقق ماتضمنه انه يوصلك او يرجعك

من الافضل تغيرها لاتنسى هذي الايام درجات الحراره بالنهار نار غيرها اضمن لك وامان بعد الله  ولاتنسى معك ارواح بالسياره  

غيرت طقم لو صيني جديد تاريخ ٢٠١٨
اسلم لك و احفظ لارواحكم الله يحفظكم
مهما كانت جودة الكفرات اذا تاريخها قديم احذر منها

كفرك ممتاز اهم شيء الدعسه الي هي المربعات البارزه
اذا كانت منتفه او المداس حقها ممسوح هنا خطر انها تضرب
حتى شركات الكفرات تحط قطعه بارزه بين المربعات
الفايده منها تعلمك اذا دعسة الكفر الي هي المربعات البارزه وصلت الى هذي الجلده
هنا الكفر لازم يتغير حاولت ادور صوره له ماحصلت
اما الشقوق الي بالصوره عاديه ولاتعتبر شقوق الشقوق هي الاشياء المقطعه
انت مافيها تقطيع الي عندك تعرجات بسبب الاستعمال والاجواء
انا موجوده بسيارتي وماشي عليها 40الف لو عندي سفره 1000كيلو ابمشي فيهم
لان الدعسه باقي فيها عمر
ممكن اسوء شيء يصير هو ان الكفر ينسلخ بالخط بسبب عمره فقط
والانسلاخ يفرق عن الانفجار يعني تقدر تمشي عليه الى اقرب محطه بس سواقه خفيفه عشان مايعدم الرفرف
اللي تسويه تغير اماكن الكفرات على شكل x الخلفيه
تحطها قدام لان عمرها باقي جديد والاماميه ترجعهم بالخلف
واذا ما عندك فلوس طقم لها كفرات صينيه او على الاقل غير الاماميه
وللمعلوميه ايام الربيع
كنت مسافر للشرقيه 400كيلو بكفرات عمرها3سنوات وشهرين من ركبتهم
وتاريخهم 2014 يعني اربع سنوات
وماشي عليهم يمكن 70الف رحت صد رد والامور طيبه مع ان الاماميه ممسوحه مره الدعسه مختفيه
والخلفيه فيها نص عمر وكلهم بنفس التاريخ لو عندي وقت كان سويت حركة الاكس احتياط

هذا لو انا مكانك مشيت وابتحمل اللي بيصير اتكلم عن نفسي
اما انت هذا شئنك الخاص مقدر اقولك سافر فيهم او لا

السيارات الكبار مافيها تهاون خصوصا الكفرات ضربته كارثة فغير وتطمن

اقصد مسافر بالشتاء مو الربيع

١- سياره كبيره سهله الانقلاب الله يكفيك شر 
٢- صيف والجو لاهوب 
٣- معك انفار يعني سياره ثقيله 
٤- تاريخا من ٣ سنوات 
٥- متشققه 

كل ذا وتبي تمسك خط فيها ؟؟؟ 

يابن الحلال غيرها واسلم بنفسك مالها داعي ينصلخ عليك لاسمح الله ويكسر اك رفرف ولا ينقلب

ولا تركب بريلي اذا ع القيمه 

خذلك هانكوك مثلا ممتاز وسعره طيب واتوقع الوكيل عنده عروض على بعض الاحجام ٣ + ١ مجاني 
برمضان كنت ابي لخالي سوبر مقاس ١٧ حسبلي اياهم حول ١٥٠٠ وكسور 

وان كان عززمت الا تروح بهم حط النظاف قدام 
وامش ليل ولا تسرع 

ودرب السلامه 

على حسب ميزانيتك اذا تقدر غير اذا ما تقدر امش على مهلك
انا كفرات موتر 2013 يشهد الله اني اطقها من الرياض الين الجنوب
ما اتعدى 120 سرعة بالي طويل وراي طويل

الله يسعدك ويحفظكم ويرزقكم واحد واحد شكرا جزيلا على ردودكم. بغير الكفرات ان شاء الله واتبع نصيحتكم فعلا انا آخذ الموضوع سهالات وهو فعليا خطير بركب هانكوك ان شاء الله. شكراا 

الله يسعدكم ويحفظكم ويرزقكم واحد واحد شكرا جزيلا على ردودكم. بغير الكفرات ان شاء الله واتبع نصيحتكم فعلا انا آخذ الموضوع سهالات وهو فعليا خطير بركب هانكوك ان شاء الله. شكراا  

السلام عليكم ومساكم الله بالخير
الكفرات مصنوعه من الربل ومعالجه للتحمل ضروف القيادة من سرعه وطلوع ونزول وايقاف مفاجئ ، فلذلك لها عمر افتراضي راح تفقدته مع الوقت والاستعمال .
من علامات استهلك الكفرات ضهور التشقات بالكفرا هذا يدل على ان الكفر جف الربل واصبح قاسي ورح تفقد الثبات على الطريق وهو معرض ان ينفجر باي لحظه فلذلك لزم تغييره والتاكد من تاريخ صناعة الكفر ان يكون التاريخ جديد ليس له الا اسابيع او شهور وليس سنوات ، فلذلك الوكلاء يحاول تصريف مستودعاته من الكفرات التي موديلها مقارب على الانتهاء لانه ممنوع ان يبع كفرات عدى صناعتها اكثر من سنتين فقط وراح يخالف لان الكفرات تتلف من سوء التخزين فلذلك نرى التخفيضات الموسميه.
نصيحه للجميع غير الكفرات بصفه دورية لسلامتك وسلامة الجميع .