تجديد الاستمارة

الفحص محد يمنعك لو ينتهي اليوم بكره تروح عادي تفحص حتى لو ماعندك تجديد استمارة

برضوه التأمين ماله علاقة انتهى تجدد لأن هذا شي لك ولسيارتك مهب مرتبط بالاستمارة واساساً التأمين مهم حتى لو استمارتك توها مابعدت انتهت او بتنتهي لازم يكون ساري لاقدر الله الواحد يغفل يدقش له احد ولا يتبلاه احد لين اموره في السليم


بالنسبة للاستمارة اعتقد دامها دخلت في بحر 6 شهور الاخيرة بتقبل ان شاء الله معك التجديدة واذا ماقبلت يعني مثلن قالولك لازم قبلها بثلاث شهور مثلاً عادي انت اوردي خالص فاحص موترك والفحص مدته سنة وتأمينك بيكون ساري لمدة سنة تجدد على طول وانت في البيت تدفع وتجدد من ابشر واطمر عقبها استلمها من أي مرور


بس اعتقد ان شاء الله تقبل معك دام باقي عليها ست شهور واقل جمسنا اذكر جددتها باقي فيه حول 3 شهور الكلام ذا من سنتين وشوي بس 6 شهور ماجربت


موفق

الله يوفقك وفيت وكفيت

يا اخوان الفحص بأيش يركز اكثر شي والدقات الصغيرة والمخوش الصغيرة مره تأثر في الفحص ؟؟

سؤال للجميع اذا انتهت الاستمارة كم لك مده عشان تفحص شهر شهرين ولا كم من تاريخ الانتهاء وبعدها تنزل الغرامه ؟؟؟؟

يا ياسر 77 الدقات الصغيرة والعفطات الصغيرة والمخوش ما يدقق فيها الفحص وماله علاقة فيها

اهم شي ما يكون فيه تبهيت واضح في البوية وقالبه ولا صدمة قوية ولا ضربة هنا بيوقف لك

وبالنسبة للمهلة من تاريخ انتهاء الاستمارة اللي اذكرها انها 15 يوم كانهم مدوها لشهر اعتقد ما ادري بس العب على المضمون وخلص امورك بدري احسن لك


بالتوفيق

يعطيك العافية ويسعدك

يعطيك العافية ويسعدك

التجديد لك مهله لمدة شهرين من تاريخ الانتهاء
بعدها يغرمونك
والفحص ماهو مطلوب لو سيارتك جديده وهذي او تجديه لاستمارتها
توني مجدد سيارتي ومتأكد من هذي المعلومات

او=اول تجديده

يعطيك الف عافيه

يا اخوان الفحص بأيش يركز اكثر شي والدقات الصغيرة والمخوش الصغيرة مره تأثر في الفحص ؟؟

بالنسبه لسؤالك أعلاه أخوي ياسر الفحص والله أعلم على حسب المزاج .. أخوي قبل كم يوم معاه سياره فورد ماركيز فيه تقشير بسيط في البويه ( السقف والشنطه ) قاله لازم ترش البدي كامل .. !