أضف سؤال أو موضوع جديد          

حسبنا الله في من يغش المسلمين

up 11 down 1
mr.teto 594
قبل 3 سنه و 3 شهر



للأسف أصبح الغش شطارة ولقمة عيش ولايعلم آكلها أنما يأكل في جوفه نار
والله يا إخوان الواحد كره يشتري شي مستعمل من كثرة عديمي الضمير
من اسبوع نصاب نزل اعلان عن بيع سيارة أكسنت عدادها 133 الف ودخل واحد جزاه الله خير فضحه وقال ياشباب تراه نصاب
والسيارة اللي عارضها متباعه قبل على الموقع من شهر وهي ماشيه 270 الف ! انا انصدمت وقلت يمكن الرجل غلطان وادخل على الاعلان
رقمه 33607279 الا والاقي نفس السيارة واللوحات والعداد في الطبلون 270 الف ! يعني نصاب وغبي كمان
من 3 ايام تواصلت مع شخص عارض جيب شيروكي ماشي 120 الف ويمدح فيها وخلصت معاه السعر ان كانت نظيفه وواعدته ومشيتله واتصل عليه مايرد وابعتله واتس المهم انه اتصل بعدين قال انا تعبان وخلنا يوم ثاني قولتله ولا يهمك بس انا بفحص وركزت على موضوع الممشى
ومن يومك لا حس ولا خبر واكتشف اليوم انه غير الممشى في الاعلان الى 190 الف ! ده غير اللي يخسرك فلوس فحص ويقسم بالله وتطلع السيارة منتهيه ياخي خاف الله في الناس ربك العالم كيف جايبين الفلوس







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاسبوع الماضي كنت في معارض النسبم  مع رجال يدور موتر 

وقاعد افر معاه وانا مركز عالسيارات الصغيره  بعد فتره بشتري لخوي سياره

وناضرت لي يارس تقريبا ٢٠١٣ موديلها    عدادها ١٦٠ الف    وافتح الدرج واحصل ورقه الفحص تبعها احصل ممشاها مكتوب ٢٦٠ الف   اسال اليمني تبع المعرض عن الموضوع يقول ما ادري عنها تبع زبون حطها عندنا يبي يبيعها ؟  


up 4 down 0
العامري دوت كوم 2 455
قبل 3 سنه و 3 شهر



ليش تروح بعيد

انا بعت تاهو لي كان ماشي 270 ألف .. بس كنت محافظ عليه داخلية وبدي لأن كان بإسمي وكالة

وانحديت وبعته .. وتمر الأيام ياطويل العمر وألقاه في معارض النسيم مع واحد يمشي عليه يبي يبيعه

لوحتي مثل ماهي ,, في حكة فوق غطا البنزين موجودة .. وماشاء الله وقفته .. جيت قلت يمكن الرجال الحين طقه فوق 300 الف

وسألته كم ماشي قال لي 92 ألف
قلت له انت ثاني مستخدم ؟؟ قال لا انا ثالث مستخدم وشريته من واحد ب 80 ألف كان ماشي ,,

يعني هالمسيكين انضحك عليه وصارحته والرجال شوي ويبي يبكي

المهم جبنا راس الواطي اللي شرا مني الموتر ولقطوه الشرطة وعوض راعي السيارة

يا كثرهم وانا اخوك


up 11 down 0
الاحترافي 1437
قبل 3 سنه و 3 شهر



صحيح الغش موجود وحسبنا الله ونعم الوكيل 

مجرد فكرة قبل تشتري موتر خذ رقم الشاص 
وروح الفحص الدوري حاول يطلعون لك ممشى اخر سنتين او ثلاث 
وبعدها روح الوكاله واستفسر عن جدول الصيانات 
لان الي يبي يبيع ويكون مصين بالوكاله بالغالب مايقول للشريطي الشاري 
والشريطي مايدري ف ينزل الكيلو وبالوكاله اخر صيانه ماشيه اكثر 

مره بعت جيب ماشي ٢٢٠ تقريبا شراه شريطي نشبلي فيه 
المهم قابلته صدفه بعد كم شهر 
انا بعته له ب ١٢٦ وجاني يقول يبي يقهرني لان حقد مانزلته السعر الي يبي 
وطبعا موتري وقتها كان يوصل ١٤٠ يعني تارك له مجال قوي للمكسب 
بس تعرفون موتر فوق ١٠٠ لازم مايقل مكسبهم عن ٢٠ الف 
المهم يبي يقهرني يقول بعته ب ١٤٥ ونزلت الكيلو 
قمت لاشعوريا رديتها له ومحرته قلت نزلته فوق ما انا منزل كيلوه 
اقوله كان ماشي ٤٠٠ ونزلته الى ٢٢٠ المهم حقد علي ومن يومها اذا صادفني كنه مايعرفني هههههه 
وانا والله العظيم ماكنت منززل الكيلو بس هو الي بدا وتحرش يبيني اتضايق وضايقته خخخخ


up 4 down 0
m7md 33 1155
قبل 3 سنه و 3 شهر





الناس صارت حراميه تدور القرش حتى لو على غش غيرها وصارت ماعاد تشبع
وكل يوم نسمع قصص ومواقف للشريطيه لابارك الله لهم في مالهم ولا عيالهم

لاعاد في ذمه ولا ضمير ولاخوف من رب العزة والجلال

وانتبه انتبه من اللي كثير الحلف بالله او يجيب لك فحص من عنده للسياره

اولاً اذا قال في مركز فحص نروحه واعرفه __ هذا متفق مع اصحاب المركز ولهم نسبة

وروح انت اي مركز ثاني حتى لو يكون بعيد
واتفق معاه على أن قيمة الفحص عليه يتحملها لو طلع بالسيارة خرابات لم يذكرها

وثالثها اتمنى من اي واحـد يبي يشتري سيارة ياخذ له واحـد خبره







up 1 down 1
aboahmed2014 1168
قبل 3 سنه و 3 شهر



اهني الاخ ( الاحترافي ) على اللي سواه ،،،، ولو المرور يبتكر طريقة يقدر المشتري يتواصل مع الملاك السابقين للسيارة للتأكد ،،، وثانيا محلات تنزيل العداد هذولا يمسكوهم ويصدر فيهم عقاب جديد مو غرامة ولا سجن نبا شي جديد مثل الجلوس على خازوق او المقصلة والخخخخخ ......
ودمتم


up 2 down 0
zax_makkah 247
قبل 3 سنه و 3 شهر



ليه الحركة الغبية اللي ما اقدر أقيم شخص بالإيجاب يقول لا يمكن التقييم الايجابي 7 مرات ! يعني لازم الواحد يقيم الناس بالسالب ويخرب مواضيعهم عشان يقيمهم ثاني بالإيجاب وش هالغباء يا إدارة الموقع
شكرا لكل اللي شارك وأفاد الشباب عن أساليب النصب وربنا يهدي كل ضال عن طريقه ويرزقهم الحلال


up 1 down 1
mr.teto 594
قبل 3 سنه و 3 شهر



اي والله صدق تقهر سالفة ٧ تقيمات 
احيان امتنع ما اعطي لايك بسبب ال ٧ تقييمات
 ولا ودي اعطي احد ديسلايك وهو مايستحقه 
يعني سالفة ماتقدر تقييم نفس العضو اكثر من مرتين تعتبر ممتازه 
عشان محد يرفع لاحد او احد يخسف باحد 
بس ٧ تقييمات تقهر 


up 0 down 1
m7md 33 1155
قبل 3 سنه و 3 شهر



معليش ي شباب موضوع شاطح.. وين احصل ايقونة منتدى السيارات.. لانه لايوجد عندي اي خيار وكلمة منتىدى السيارات.. حتى توقعت انه المنتدى محذوف من الموقع.. اليوم قلت خلني اجرب .. وكتبت بقوقل.. حراج منتدى السيارات وطلع لي.. لكن من داخل الموقع لايظهر لي..علما اني ادخل الموقع من المتصفح وحتى جربت التطبيق بدون فايده


up 0 down 1
man200 51
قبل 3 سنه و 3 شهر



Man200
لا توجد في التحديث الجديد حذفوها وانا مثلك بدخل من جوجل


up 0 down 0
mr.teto 594
قبل 3 سنه و 3 شهر



للاسف الضمير مات وكثرت الجريمة وحيصير حالنا زي مصر
حسبي الله على اللي كان السبب


up 0 down 4
lonely person 59
قبل 3 سنه و 3 شهر



الشيء بالشيء يذكر
قبل مدة وتحديداً عام ١٩٩٧ بعنا سيارة هايلكس ١٩٩٦ عداد ٣٥ ألف على معرض مشهور بحي الشفا بالرياض وبعد يومين أو ثلاثة مريت المعرض أتمشى ووجدت سيارتنا واقفة ومغسلة وعدادها ١٢ ألف !!! الحذر يا أخوان فيه ناس عايشة بيننا لا ذمة ولا خوف من الله


up 2 down 0
أبو جـود 2747
قبل 3 سنه و 3 شهر



الناس هذي ليه ماتخاف الله ؟!


up 0 down 0
99 fares 13
قبل 3 سنه و 2 شهر



بالنسبة لموضع التقييم ٧ مرات وبعدين لازم تقيم بالسالب هذي حلها بسيط وانا دايم أسويه وهو انك الشخص اللي بتعطيه لايك تعطيه ديسلايك وتضغط على الايك على طول وبكذا تصير قيمّت ب لايك اكثر من ٧ مرات وما تحتاج تقيم بالسالب 
والله يعطيكم العافية 
موفقين


up 4 down 0
استغفر_الله30 261
قبل 3 سنه و 2 شهر