رأيكم بهذا الاصدار من كورولا

2013 اذا نظيف هاذي اسعارها

وبالنسبة للشكل هذا افضل شكل للكوريلا من رأيي الشخصي

كل الشكر يا طيب

اذا نظيف مره ومو ماشي كثير حده 20 الف ان كثرت 2013 قير اوتو

شكل ذا عملي لكن دام عندك 30 الف تقدر حتى تاخذ 2015 افضل

انا حصلت 2016 حول 38 الى 40 الف وهي افضل عشان قير cvt اريح للمكينه وصرف بنزين

لكن ميزانيتك تجيب لك شكل حالي الي بعده

الشكل هذا ممتاز من ناحية قياده وثبات وديكورات 
بس الشكل الي بعده افضل منه بصرفية البنزين فقط
وكلامي اقولك اياه وحنا عندنا ثنتين بالبيت وحده ١٣ وحده ١٤

وكلهم عمليات وبعض القطع نفس بعض مثل الاقمشه وفلاتر وكذا 

ومن ناحية شكل بالنسبه لي ١٣ احلى ١٤ 

ودامك طلبت رأي اخر 
اقترح لك كامري تجي قريبه من قيمتها
والكامري افضلك من ناحية عزم و وسع و راحه و مكيف خلفي وهو اهم شيء اذا عندك عائله

2013 اصدار ممتاز للكورولا وعملية جدا جدا وال30 هذي أسعارها قبل سنة الأجانب يتضاربون عليها لجودتها والآن تقدر تاخذها بال20 الى 22 قير تماتيك والنظيف منها معدود

عندي حاليا نفس هذا الموديل واستاندر 

السيارة شاريها قبل سنتين تقريبا والشكل هذا حلو بس الجديد احلى

وعندنا موديل ٢٠١٧ الي تجي بقير cvt كا شكل انا افضل ٢٠١٧

لاكن بالقيادة وثقل الدرقسون ٢٠١٣ افضل لاكن الجديد يتفوق من ناحية

انخفاض استهلاك الوقود ،هذا ما يعني ان ٢٠١٣ تصرف بنزين 

بل بالعكس توفر اكثر من السيارات الثانية بفئتها واذا عبيتها فل

تمشيك فوق ٥٠٠ كيلو بالراحة لاكن الجديدة ممكن توصلك فوق ٦٠٠ كيلو

ومن عيوب شكل ٢٠١٣ الصدام الامامي اذا انت راعي سرعة راح يفك عليك

انا ما اعدي ١٤٠ والحمد لله لا انفك علي ولا شي . 

بالمختصر اذا لقيت سيارة نضيفة لاتستخسر الاف ولا الالفين الزيادة عشان راحت بالك

بو مشعل الصدام مايفك من الخط بدون سبب 

يفك بسبب المواقف الي يوقف ويدق الرصيف كم مره لين ما قاعده الصدام تخرب فاذا خربت ومسكت خط يفك الصدام 

جرب تاخذ قواعد صدام جديده وتركبها وامسك خط ٢٠٠ مو ١٤٠ وشرط ماتفك 
وسعرها رخيصه شاريها للجيب ب ٤٥ ريال كرولا ممكن ارخص 

النوع هذا المكيف يبرد الروح

اعز واحسن موديل كانت عندي وحدة وللاسف بعتها وندمان على بيعها

عملي نعم بس كان عندي مشاكل معاها موديل 2013
رساوه زفت سيئه جداً كرساوة
+
الصدمات ماحليتها الا بمسامير في كل جهة
+
عزم زباله بالاخص لو القير اوتو

m7md
ماله دخل الرصيف اغلب السيارات تاكل الرصيف مو بس تحكه
تنفك الصاجه بالغالب فقط
لكن الكورولا والكامري جت منها دفعات بدون فلين خلف الصدام
تمنع رجوع الصدام مع الهواء لذلك تحصل الصدام فيه فراغ
كبير بينه وبين الجسر ومع الهواء يجع الصدام للخلف
وتنفك كلبساته
ونزل موضوع بذا المنتدى قبل الظاهر 3سنوات
حل مشكلة صدام بتركيب فلين
عاد ليتني متذكر ذا الموضوع لان واحد من اخوياي عنده كورولا
ومبتلش بصداماته ماغير ترفرف ههههه حلها بتركيب مسامير
وحاليا اغلب السيارات اذا كان في فراغ بين الجسر والصدام يغطونه بفلين
وبعضها لا نفسه الجسر قريب من الصدام مايحتاج فلين

بارك الله بكم جميعا ايها الكرام
ردود نافعة وقيمة

والحمد لله اخذت اليوم من نفس الموديل على نصيحتكم ممشاه طيب وبسعر متوسط
اسأل الله ان يبارك لي فيه ويجزيكم كل خير

الله يعطيك خيره ويكفيك شره وننتظر التقرير

ابشر بعزك اخي محمد اليوم استلمها ان شاء الله واعطيكم العلم بعد اسبوع من التجربة 
لكن لو تكرمتم انا توي انتبهت اللي اخذتها نصف فل لكن مكينتها 2000 CC فهل هذا جيد ومرغوب أو لا ؟ 
مع اني فحصت وتاكدت ان المكينة غير مغيرة لكن استغربت قلة وجود اعلانات بهذه المواصفات في حراج كلها ١.٦ 

كم موديل الي خذتها وهي xle او gli

محرك 2000cc بالعكس اقوى عزم وافضل رغبه وكلهم فيهم خير

نفس سلسله محركات ZR اللهم بساتم اكبر

اللام عليكم
كيف تقييمك لها بعد مايقارب سنة ونصف استخدام ؟ (خاصة بالخطوط)
وكيف شفت صرفية الوقود لمحرك 2000CC ـ ؟

السلام عليكم*
كيف تقييمك لها بعد مايقارب سنة ونصف استخدام ؟ (خاصة بالخطوط)
وكيف شفت صرفية الوقود لمحرك 2000CC ـ ؟