جاتني مخالفه تظليل بعد مانزلت التظليل

لا ما يحق لك تعترض لأنك مخالف فعلياً هذا اذا تبي كلام الصدق بدون مجاملات

لكن بعض العسكر حبيب يقولك اقشعها ورح بمثابة انك بتتوب ومنتاب مظلل مرة ثانية

لكن اساس النظام مخالفة وتزيل المخالفة

يا اخواني في المرور احنا نظلل حماية من الشمس الشغلة مو ديكور وزينة
التظليل الكاتم امنعوه ما قلنا شي لكن زيرو ون تمنعوه كمان في الامامي ( السواق والمرافق ) يعني ننحرق في الشمس والمشكلة كثير اعرفهم في المرور من الجيران والاصحاب سياراتهم مظللة قمة التناقض

مثلك

مره وقفني مرور وقالي اقشعها وعطاني مخالفه تضليل
يعني خسرني تضليل امريكي و فوقها مخالفه
وما ادري صراحه .. هو عايش في سويسرا ولا الرياض..لانه لو عاش بالرياض كان بيعذرنا بسبب هالشمس والحراره اللي توصل ٥٠ عسا الله يجيرنا من نار جهنم

عالعموم اذا مريت من تفتيش .. افتح انوار السياره الداخليه وان شاء الله محد يقول لك شيء لان التضليل بيصير خفيف اذا ولعت النور الداخلي

موفق

بو خالد تولع النور ولا ماتولع لا مسكت معاه العسكري يعطيك مخالفه بيعطيك 
تضليلتي كان زيرو ون خفيفه وصارلها سنتين محد كلمني مريت تفتيش الكورنيش طلبت استماراتي وقال صفط بدون مايتكلم ع بال ماجيته الا مجهزها 
اقوله زيرو ون قال تضليل ممنوع بس بدون نقاش 
ركبت ومشيت وبعدها ضللت زيرو تو ، دام فيك فيك المخالفه ضلل صح ولا لا تضلل 
سواء زيرو ون ولا تو بيعطيك مخالفه ف خلني بالافضل عن الشمس 
وقد ماتحاول تجنب التفاتيش 

واذا لا سمح الله مسكك خله يسجلها ( وضع عوازل تعيق الرؤيه ) لايكتب تضليل 
لان وضع عوازل ب ١٥٠ وتضليل يسجلونه تعديل هيكل مركبه ب ٣٠٠

يارجل ع حسب مزاج العسكري

مره بالدرعيه عند البجيري ومعاي الاهل وفي دوريات عند الدوار

وفيهم واحـد نفسيه يوم شاف القزاز مضلل الامامي خفيف مرره

قام يهايط واقوله خفيف يابن الحلال قال عندي باشر اعطيك مخالفه وقعد يهدد ويرفع صوته

المشكله الاهل كانوا معي وقتها الا ورب الكون لو اهلي مو معي لانزل واقلل ادبي معه

احترامي له علشان النظام والبدله اللي هو لابسها اما يجي ورع توه متخرج ويقلل ادبه واحترامه

مشيت وقتها وكرهت اليوم اللي طبيت فيه البيجيري والدرعيه

عنده مخالفه يعطيها المخالف وينثبر ولايجلس يهدد

امس ماشي في الطريق عالبحر على سرعة 50 وكان واقف مرور قدام على جنب اليمين
وينزل من السيارة سريع ويأشر بيده وقف وقف
انا وقفت ونزلت وكنت منتظره لان وقف واحد ثاني ورايا ومنتظره وماسك الرخصة والاستمارة
عبالي التظليل الخلفي اللي مسويه ممنوع قدام مافي شي
بعدين رحت له قالي من بعيد روح روح الله معك!!!!! مدري ليش وقفني حتى ما شاف الرخصة والاستمارة
واحد من ثلاثة
يا انه بتونس وطفشان
او عباله واحد صغير بيسوق السيارة لان شكلي داخل السيارة كأني ورع ويوم شاف الرخصة في يدي مجهزها اقتنع اني كبير
او اخذ له صورة يحبها قلبي على لوحة السيارة
والى الان ما جات اي رسالة مخالفة والله يستر

النظام الجديد ااذا شرطه او دوريات مسكتك ذوبتهايط وتقول له عطني مخالفه ومابي افكها ومن هالكلام
بيحولك المرور ع طول

الشي الغريب ان المرور كلهم مضللين كتم
بتقول لي حكومة ومن حقهم طيب ما اختلفنا
لكن مثلما تعامل الشعب في الحالات الشادة او الجرائم وان التضليل يخفي معالم الجريمة و كذا
طيب كم مجرم سرق سيارة مرور او دورية وانحاش فيها؟ كذا اخفيت عنه الشبهه بالتضليل

صصباححً الخير. النظام تشيلها ويعطيك مخالفهه 
واذا اكتفى انك تشيلهاا شي طيب 
يعني مشى على النظام ماجاب شي من راسسه