اللي عمل عمليه تعديل وتيره االانف وازاله اللحميات

وعليكم السلام ورحمة الله وبركاته
الله يسهلك ويقومك بالسلامه
انا كمان اعاني من انحراف في الانف بسبب حادث دراجة وانا صغير
ومرات انخنق وانا نايم لكن الدكتور عطاني علاج وما استخدمه الا اذا صحيت من النوم و انا مخنوق
وقال لازم عملية تعديل وانا صراحة ما احب العمليات وعايش على الله
لكن للامانة بمارس الرياضة،،، وبنوع في الرياضة شوي كمال أجسام على هرولة على تمارين سويدي والحمدلله الفترة الاخير ما اعاني من ضيق في التنفس اثناء النوم
يمكن الرياضة لها دور!؟ الله اعلم

سويت العملية قبل 3 او 4 سنوات تقريباً
ازالة اللحمية وتعديل مجرى الانف

في البداية كان الوضع 100% لكن الحين رجع الوضع كما هو عليه

لكن في الحقيقة لم اراجع للكشف عليه ولكن في القريب راح اسوي مراجعه واشوف وين المشكلة


راح تتعب كم يوم في البداية لمدة 7 ايام ولكن بعدها راح تنام وانت مرتاح جداً
ولاتسوي مثل ماسويت انا رجعت للعمل بسرعة مع العلم عملي شاق جداً حرارة عالية تصل الى 1500 درجة

الله يكون في عونك اخوي ريان 
انا كنت مثلك عايش على الموال عادي بس رياضه ما اقدر 
بس المشكله اخوي ان التنفس من الفم يسبب مشاكل كثيره 
منها مشاكل الصدر وتشققات الشفاه والحلق يتعب 
لذالك اللي مثلي ومثلك لازم عمليه 
وعلى قول المثل تعب يوم ولا كل يوم 
اتمنا لك الشفاء العاجل 

اخوي ابو يارا 
اكثر ما سمعت عنه ان النزيف يضل معك مده اسبوع وايضا الجسر اللي يحطونه يتعبك كثير 
صف لنا العمليه وبعدها 

والله يخوي انا ما عملت العمليه أعاني نفس حالتك 
لكن اللي اعرفه حسب كلام الدكتور ان العمليه تحتاج تخدير كامل 
ومبيت بالمستشفى ٣ ايّام نقاهه لتعديل الوتيره وان في ناس عملو العمليه وباقي مشكلتهم ما انحلت
وفِي ناس عملوها مرتين لين تحسنو
لا تروح الا دكتور شاطر ومشهور وله اسمه 
في الاردن هناك أطباء معروفين بالاسم وتكلفتها ارخص
الله يشفينا واياكم وان شاءالله مافيك الا العافيه 

مخزن سيارات

التنويم : تنويم كامل
النقاهة : 3 ايام

العملية كانت بسيطة بس كان عندي مشكلة في التخدير صحيت بوسط العملية هههههههههههههههههههههه ( ولك تتخيل منظر الدكاترة حولك )
المهم ثلاث ايام الله وكيلكـ كل 6 ساعات مسكن عن طريق الوريد في اليوم الاول والثاني والثالث كل 12 ساعة
قبل الخروج يغير لك القطن والشاش اللي داخل الجسر ( ماصورة بلاستيك عشان الدم ماينزل في مجرى الحلق او التنفس ) ينزل دم الصراحة انا نزل دم كثير
وبعد ماوقف شوي ( ليس نهائي ) ركبو لي شاش وقطن وجديد واعطاني موعد بعد 5 ايام
سحبو الشاش والقطن وكان الوضع حلو مافي دم ولا اي شيء جاء دور المواصير الصراحة احس مخي طلع معاها من قوة الشعر اللي انتف ( مافي ليز )
المهم بعدها اجازة لمدة 20 يوم كنت في قمة السعادة لكن رجعت العمل وما انتبهت ان العملية ماكملت بسبب انها داخل مكان رطب واشتغلت وبعد فترة نزل دم وكذا
وراجعت للدكتور وقال لي مكان العملية انفتح ويبغالها عملية ثانية وتركته

لكن وربي راحة في اول 6 شهور تقريباً غير طبيعية اذا حافظت على وضعك وكذا


هذا بالمختصر المفيد

والله انا ماعرف عن العمليه ، لكن اعقلها وتوكل سوي العملية وان شاء الله تكون ناجحه 

وحاول ماتسال كثير لانك بتخاف منها ولان كل انسان له حاله تختلف عنك ، فانت سوها واتبع التعليمات وامورك ان شاء الله طيبه

انا اخوي سواها قبل خمس سنين في مستشفى الملك فهد الجامعي بالخبر
وترقد بالمستشفى لمدة يومين وانا يوم زرته كان ياله يتكلم وحالته جدا تعبانه وبعد اليومين تحسن بدا يتحرك شوي وجلس بالبيت باقي الاسبوع
الله يسهلها عليك وتقوم بالسلامة

وعليكم السلام ورحمة الله وبركاته
مساك الله بالنور

انا سويت عماية تعديل الحاجز الانفي septolplasty في مستشفى المواساة في الجبيل الصناعية عام 2005
عند الدكتور محمود عيد
العملية مؤلمة جدا بعد مايفك البنج
الله يكرمك استفرغت يوم صحيت دم متجلط مثل الكبدة نزل ببطني وقت العملية
معاناة وتعب بعد العملية وصعب تاكل بسهولة اول اسبوعين اكل خفيف
داومت بعد السيكليف وعطست عطسة قوية في الدوام وطاح غضروف وظل معلق على فتحة الانف
استاذنت من الدوام ورحت المستشفى وقص الغضروف بدون بنج
طبعا بعد اسبوعين يشيلون القطعة البلاستيكية اللي خيطوها في فتحتين الانف من الداخل على الحاجز
عشان مايميل وشالوه بدون بنج.
صرت لما انام تحت المكيف اسخن واتعب
رجعت للمستشفى قال لا مافيه علاقة بالعملية !!!
الى يومك هذا ما اقدر انام تحت المكيف
ومن عام 2010 ما اتحمل ريحة العطور وقطعتها.

يمكن العلم الطبي تطور اكثر من هذاك الوقت وصار نسبة نجاح العملية اعلى
لكن تأكد انهم يقطعون جوانب الانف ويرفعون جلدته فوق وقت العملية واذا خلصوا خيطوا الجوانب
التنفس تحسن شوي لكن الميلان رجع بعد العملية بسنتين

اذا تبي نصيحتي: شوف سبب ثاني يحبس التنفس مثل الحساسية وحاول تعالجها
اترك العملية آخر خيار لك.


وفالك الصحة والعافية

وتأكد انهم راح يبسطون ويسهلون فكرة العملية عليك عشان تسويها

وراح يشيلون حوالي اربعة غضاريف من كل فتحة مع تعديل الحاجز

وباقي التفاصيل اللي ذكرتها ماراح يذكرونها لك

الله يعطيكم العافيه 
بالنسبه لك اخوي يارا الله يعطيك العافيه على التجربه 
فعلا العمليه مثل ما قلت بسيطه لاكن الاحد وده بالدكتور الجيد وهذا توفيق من الهل 
لاكن ما ادري هل كان فيه شق خارجي لانفك 
العمليه اللي انا بسويها تعديل غضروف وسحب لحميات 
مثل ما ذكرلي الدكتور انها بالمنطار لا يوجد شق خارجي ابد 


بالنسبه لكلامك اوي فنتازي اولا اشكرك على تعليقك وحرصك 
نعم نا عندي حساسيه قويه بالانف بس الللحميه و الانحناء زايده المشكله اكثر 
فاحتاج تعديله وازاله اللحميه وبعدها اعالج االحساسيه 

فعلا الان العلم اختلف 
تعديل الغضروب على كلام الدكتور كله داخل الانف مافيه اي قص خارجي نهائيا 

الحقيقه ماجابوا لي طاري غضاريف او مثلها 
على قولك مشكله الدكاتره ما يعلمونك بكل شي 
مثل واحد من الشباب عنده مراره شالوها قالوله بنشيلها منظار 
وصحي من التنويم الا بطنه مشقوقه وضاق صدره 

الله يشفيك ويشفينا انا عندي انحراف بسيط ويمكن جيوب انفية او لحمية لان الصوت فيه غنة يسمونها انغف شوي واحيانا مع العطسة اشم رايحة بالانف  لكن اخاف من العمليات ومشاكلها والمستشفيات  واعندي بنيتي طفلةمعها بعد لوز وكبار لكن خايف عليها من العمليات ووجعها وانا بعد مااقدر اشرب بارد قوة من سنين اللوز تلتهب والحلق ولكن الله يعين 

اللحية يقولون يمكن ترجع بعد سنين والانحراف ترى كثير من الناس عندهم انحراف اذا كان خفيف وميكتم النفس اتركه لا تعبث بالعمليات  

جبل شعيب عالجهم بالطب البديل والطب الصيني
وترك العمليه واذا انت بالرياض دليتك على واحد فاهم بهذي الامور

تكفى اذا فيه احد ارسلي اجيه للرياض 
٠٥٤٥٨٨٤٠٢٩

انا سويتها والحمد للله 3ايام في المستشفى بس والله صرت انام كويس
ازالة اللحميه كان عندي شخييير ما اقدر انام
استخيير الله صل ركعتين وتوكل على الله .
يصرفون لك ما وملح تستنشق فيه لمد اسبوع
يوم صرت اتنفس زين نسيت الالم وحمد الله

السلام عليكم ورحمه الله وبركاته 
سويت العمليه بس الحقيقه العمليه متعبه جدا 
بسبب الفتايل يومين وثم بعدها الانف ما يفتح ولليوم مقفل تقريبا الان ست ايام 
ولاكن الحمد لله على كل حال 
باقي البلاستيك داخل الانل يفكونه بعد اسبوعين بعدها يبدا التحسن