زيت المكينة لهونداي

افضل ومواصفات اعلى زيت موتر كرافت انا لي 8 سنوات تقريبا ماغير الا هو على السوناتا

افضل زيت بدرجه لزوجه 10w30 هو موتر كرافت بلا منازع

اول حاجه نوعه نصف تخليقي وهو افضل بكثيررررر من كاسترول GTX والطقه اللي يجي زيت معدني مكرر ومعاد تصنيعه من بقايا الزيت الاسود بحفرة البنشري

الشي الثاني تصنيفه SN وهو احدث تصنيف من عام 2011 وحتى الان ولهذا التصنيف شروط خاصه اشبه بالتعجيزية ولايحصل عليها الا زيت عالي الجوده.. اما المعدني تصنيفه SL وهو سئ جدا وطالع من عام 2001 يعني قبل 17 سنه وقتها المكاين كانت على نظام الصبابات قبل ماتجي البخاخات والمكاين وقتها حديد قبل ماتجي مكاين الالمونيوم .. وبيومنا هذا اسوأ زيت ممكن يحصل على تصنيف SL بسهولة

صحيح ان لزوجه 5w30 افضل وافضضضل لانها تجيك تخليقيه بالكامل وبرضه تصنيف SN الاحدث.. لكن الفرق انها تمشيك 10 الاف بدل 10w30 اللي حده 5 الاف.. ولكن دامك وصلت موتر كرافت 10w30 اجل لا تتعداه

7amoood1930
ايش لون علبه فية احمر وفية اسود 
ابو هيثم 7
انا كنت اغير كاسترول واستمريت من عام ١٤٢٩ الى ١٤٣٢
ثم غيرت الى شل هيلكس ١٠دبلً٣٠ خاصية sn  ١٤٣٢ الى الان 
ودي اجرب موتر كرافت لان سعره اقل من شل هيلكس 

موتر كرفت ممتاز
لي كم سنه استخدمه
وللمعلوميه
لزوجة 10w30ولزوجة5w30
كلهم نصف تخليقي يعني تمشيك
7الى8الاف
في لزوجة 5w30 تخليقي بالكامل هذا يمشيك 10الاف
بس نادر ماتحصلها
انا اشتري الزيت من كويك لين الخدمه السريعه تبع فورد
17ريال للعلبه قطع الغيار ارخص يمكن 12ريال

d7ooom777 
ويش لون علبة موتركرافت ف سوق شفت احمر و اسود 

كنت قبلها استخدم فوكس 10w30
اول مااشغلها الصبح اذا لها فتره يوم ونص
او اكثر تسمع صوت احتكاك وكنت ساحب على الصوت
توقعته عادي
بس يوم حولت لموتر كرافت راح الصوت لو اوقفها اسبوع ماعندك مشكله
بس في مشكله واجهتها اول ماحولت الزيت السياره صارت ثقيله
بس بعد اسبوع رجعت طبيعي
والتغيير الجاي اتأكد اكثر

اللون احمر لزوجة 10w30
اما 5w30 مااذكر بس الظاهر انه اسود

غيره وانت مغمض لي 6 سنوات من يوم ماطلعت سيارتي اكسنت 2012 وانا استخدم موتركرافت 10w30 من افضل ما يكون وصوت المكينة هادئ جدا لدرجة الناس تقطع الشارع ما تسمع انه في سيارة ههههههههه وعلبته رخيييصة سعرها ١٣ ريال في محلات الجملة واللحين كل اللي في السوق علبة جديدة لونها احمر

صراحة انا شل هيلكس ممتاز بس تخيلو ارتفع سعر من ١٣٠ ثم ١٥٠ ثم الان ١٧٠ ريال طبعا انا اشتري بكرتون واغير زيت بنفسي 
موتر كرافت شفتة ونفس خاصية شل هيلكس وسعره في محلات جملة كرتون ب ١٢٦ ريال بس لون علبة اسود 

زيت موتر كرافت هو الافضل في لزوجة 30-10 ومن سنين 
وانا انصح فيه بحكم نتايجه وتجربتي له سابقا ومثل ماقالوا
الاخوان اللي فوق الله يجزاهم خير 
ومن ناحية اللون عااااااادي جداً الدفعات القديمه اسود والدفعات
الجديده احمر فقط والله يوفقك 
.
الاخ دحوم هذي صارت معي مبطي 
كنت اغير كاسترول 30-10 وكنت متساهل الصوت 
بداية التشغيل اذا طول الموتر ما اشتغل وتعودت 
ويوم غيرته لموتر كرافت 30-10 راح الصوت الحمدلله 
وحاليا اغير زيت فوكس تيتان سوبر سن بعد نصيحة الاخ ابوهيثم
وماشاء الله تبارك الله ممتاز جداً واخذه من الجمله العلبه 18 ريال 
والله يوفقك ويوفقنا جميع 

وللفائده اكثر للجميع 
فيه موضوع عن الزيوت 
اضغط على عضويتي وبتحصله