ابي شوركم بشري جيب لكزس هاليومين والجماعة تنصحني

اذا عندك دراهم اشتر وتوكل على الله 
اما تنتظر نزول مابه نزول 
اي شي يرتفع ما راح ينزل الى شي بسيط ما يستاهل تنتظر شهرين او ثلاث 
اهم شي سيارة تكون نظيفة 

كل هذا النزول وتقول ماشفنا نزول!!
وللعلم متابع السوق لي فتره
قبل عام 2018 الاسعار طايحه
جت الضريبه ورفعت الاسعار وبعدها
جاك شهر 10ورفع الاسعار واللحين نزلت
مافي حريم نجحوا الا قليل عشان يشترون ههههه
تورطوا المعارض ونزلوا الاسعار
بس ماهي مثل عام 2017 الاسعار طاحت بشكل كبير
لذلك انتظر بعد الحج بتنزل مع نظام القروض
ونهاية السنه الميلاديه قربت بتكون الاسعار حلوه
بتوفر يمكن من3الى5الاف بالسعر لو تصبر
واذا مستعجل اشتر وريح راسك

المستعمل مايتاثر باي تقلبات تحصل ابدا ابدا

الجديد ممكن تتؤثر بشيء بسيط (وهي احتماليه ضئيله) لان الوكالات صامله وماتنزل ريال.. حتى مع ارتفاع البنزين و اضافه الضريبه المضافه..لا زالت الاسعار بالوكالات نفس اول .. هذا اذا ما كان فيه زياده

فاشتر اذا لقيت نظيف .. ولا يهمك كلام الناس .. المستعمل مايتاثر

وللمعلوميه سالفة القروض وانظمتها الجديده
ماراح تفرق بالاسعار
لان الشعب نص مديون ومتورط
ومع ارتفاع المعيشه والكهرباء والبنزين
ماعاد يتحمل يطلع قرض فوق قرضه
والي اموره طيبه نفس الشيء ماسك نفسه
وماسك راتبه وخايف يطلع قرض
خلاص راح زمن طق قرض واشتر
الناس خلاص صارت واعيه
قبل النظام الجديد او بعده ماعاد تفرق
قلت القوى الشرائيه

جزاكم الله خير

اذا الفرق 2000 ولا 5000 ما تسوى الصبر

ارجو لك التوفيق لكن اختيار لكزس قديم نوعا ما عليه علامة استفهام ?
معروف ان الكزس يتغير شكلها كل سنتين اوثلاث لأن مثل هذه السيارات الفخمة مخصصة للناس القادرة على الدفع الكاش .
والذين يغيرون سياراتهم كل سنة او سنتين وبالتالي من يشتري تلك الموديلات القديمة يحاول ان يتمسك بالفخامة على حساب الموديل .

ومن الملاحظ ان سيارات اللكزس القديمة تصبح اكثر بشاعة وقبحا مقارنة بالشكل الجديد .

لكن ذوي الدخل المتوسط يشتري على سبيل المثال لاندكروزر جديد حتى يستمر معه 10 سنوات واكثر وهو منتشر وغير مستغرب .

وفقك الله .

اذا بتصبر ممكن تأخذ موديل افضل خاصة 13 وفوق
شكله افضل بكثير من 2010
لأن 2010 اذا ماخاب ظني النور الواطي اصفر و شكله قديم
حتى الجنوط
ولاحظ اغلب ملاك موديل 2008-2011
يعدل الشكل الى 2013 وفوق

٢٠١٠ اشوف قطع غيار غالي صيانه غاليه
والشكل والمديل لك عليه
لو تاخذ ٢٠١٣ جكسار افضل منه واكشخ

انت تبي تشتري سيارة مستخدمة ياعزيزي لذا لاتصبر ولاتتوقع انخفاض ابدا

السيارات المستخدمة اسعارها غير ثابتة ويتحكم فيه عدة متغيرات 

مثل 

سماحة البائع
رغبته في البيع المستعجل
ظروفه المادية
نظافة السيارة وممشاها
سبب البيع

لذا ابحث بتروي واذا حصلت النظيف بالسعر المناسب توكل على الله سبحانه

خذ كمثال اذا حصلت جيب نظيف وصاحبه مستعجل على البيع ممكن يبيع بنقص 5 الاف عن سعر السوق لكن اذا فوتت الفرصة وانتظرت الى بعد العيد ممكن ماتحصل نفس الفرصة

في وقت القروض اغلب الناس ما ملكوا لكزس تبغيهم يطالعون فيها بدون قروض ؟!!
إشتر ولا تتأخر والله يبارك لك مقدماً
لو فيه نزول كان نزل يوم ارتفع البنزين
سياره مثل اللكزس ما تخضع لنظام قروض او غيره وعشاقها ما ينتظرون الفُرص

احسب حق البنزين قبل كل شي
اللي بيشتري موتر يصرف ينتظر نشوف ٢٠١٩
وش اللي بيصير الله يستر
و اتوقع يبو صلوح ما دورت مستعمل الا ما تقدر على سعر الجديد
و لا فيها شي بس احسب حق البنزين ان ارتفع و ما معك موتر موفر
بتشيل هم كل ما مريت المحطة

الله يعطيكم العافية على آرائكم الطيبه والمتبادله

استفد منك وافدتو غيري

الله يوفقك ويرزقك باللي تمناه 


لا تستعجل > وحاول تدور موتر ماطاف المية ممشاه لو يكلفك اكثر وموديل اجدد من ٢٠١٠ 


الموتر بعد مية يحتاج صيانة دورية ويكلفك مبالغ



مثل ما ذكر اخونا امير الاصيل 

ولا تستعجل خذ وقتك الحديد مالي المعارض لاتخاف 


والله يكتب اللي فيه الخير لك 

الله يوفقك ويرزقك باللي تمناه 


لا تستعجل > وحاول تدور موتر ماطاف المية ممشاه لو يكلفك اكثر وموديل اجدد من ٢٠١٠ 


الموتر بعد مية يحتاج صيانة دورية ويكلفك مبالغ



مثل ما ذكر اخونا امير الاصيل 

ولا تستعجل خذ وقتك الحديد مالي المعارض لاتخاف 


والله يكتب اللي فيه الخير لك