أضف سؤال أو موضوع جديد          

أفضل أنواع التظليل لومار . زيبارت . كار كير

up 0 down 0
محمد الابراهيم 14
قبل 2 شهر و أسبوع



السلام عليكم ورحمة الله وبركاته
أسعد الله اوقاتكم بكل خير اخواني الكرام

بإذن الله تعالى باظلل موتري ومتحير بين ٣ شركات ياليت من لديه الخبرة والتجربة السابقة يفيدنا بارك الله فيكم

الشركات هي : زيبارت - لومار - كار كير اكسبرس
اتجهت لزيبارت سعروا لي التظليل ب١٢٥٠ تقريبا بعد الخصم تبع ارامكو طبعا نانو سيراميك وعزله ٦٧٪
وبعض الاخوة نصحوني بتظليل لومار والبعض الآخر بكار كير اكسبرس

ننتظر تجاربكم وخبراتكم
مع شكري وتقديري









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذا طال عمرك رد واحد من الشباب
شوف وش كاتب
-------------
السلام عليكم ورحمة الله وبركاته




ياشباب سمعو السالفه ذي ويشهد الله علي ان صادق فيها ومو قصدي اني اسيء لسمعه الشركه او اي شي من هذا القبيل وراح اترك لكم المجال تحكمون بنفسكم




اول ما طلعت السياره رحت للتامين التعاونيه وامنت
بعدين جتني رساله تفيد بخصم 35٪ من 3m قلت ممتاز
رحت حق وكالتهم سالته عن سعر التظليل كريستال لاين قالي السعر قبل الخصهم تقريبا في حدود 2400 مو متاكد
بعد الخصم قالي 1900 ريال




قلت له طيب والتغبيره حمايه الوجهيه بكم قالي بعد الخصهم 1800




قلت اوكي بروح محلات ثانيه عندها ثري ام وبسالهم




رحت محلات ثانيه نفس اوتو فال ونفس اوتو شاين




اول ما دخلت اوتو فال قلت له بكم التظليل قالي وش النوع اللي تبي قلت له ابي كريستال لاين ثري ام
قالي على طول 1900 ريال




قلت له طيب انا عندي خصم تعاونيه قالي حبيبي المبلغ هذا مخصوم يعني لك ولغيرك مالنا شغل بالتعاونيه اذا تبي خصم التعاونيه روح للوكاله حقت الشركه ومراح تخصم لك راح تعطيك نفس السعر اللي عطيناك اياه
قلت له طيب بكم التغبيره حقت حمايه الوجهيه قالي 1800 ريال




قلت اوكي
شكرا ومشيت




بعدين رحت محل اوتو شاين
لقيت عنده ماركات كثيره وقلت له بكم قالي بالظبط نفس اسعار المحل اللي قبله قلت له طيب انا عندي تامين التعاونيه قالي الخصم عند الشركه وراح تعطيك نفس اسعارنا




قمت يا جماعه شككت في الموضوع
خصوصا ان اوتو شاين قالي بعطيك ضمان عشر سنوات بالاشافه بسوي لك حمايه صدى مجانا




طبعا تعروفون اي واحد مطلع له سياره جديده ووكاله وبهالقيمه قلت يا بن الحلال دامه نفس السعر خلني اروح للوكاله احسن




ورجعت للوكاله وظللت عندهم وسويت التغبيره
وقلت للمسئول ان فيه محلات ثانيه تستخدم نفس منتجاتكم ونفس اسعاركم بعد الخصم قالي انا مالي شغل باي محل ثاني هنا الوكاله




قلت له اوكي




بعدين شفته يسوي حمايه حق سياره ثانيه حمايه بويه لكامل السياره
قلت له بكم تسوي لي حمايه بويه كامل السياره
قالي بعد الخصم 780 ريال




وبمحلات غيره طبعا ب 450 ريال




قلت له طيب ضمان كم قالي سنه
قلت له طيب سوها




اثناء العامل ما يشتغل شفت شي غريب




لقيت عنده علبه مكتوب عليها paint protecter 3m
وما سكتها ويحط بالاسفنجه ويمسح السياره يدويا ويمشها بفوطه يعني العمليه كلها ما تاخذ على السياره ربع ساعه




قلت له بس هاذي الحمايه قالي اي




قلت له انا توقعت بتجيب مكينه او شي ما توقعت ان الشغل يدوي وبسيط لهاذي الدرجه
قالي انت مالك الا الظمان لو جاها شي خلال سنه هاتها ونعيدها لك
قلت له اوكي بكم العلبه هاذي اللي استخدمتوها
قالي هاذي مو للبيع والشركه ما تبيعها
هاذي خاصه وتعتبر من خلطات الشركه السريه اللي ما تبيعها للزبون ولا كان خسرنا




قلت اوكي فيه اي توصيات
قالي اذا جيت تنظف سيارتك استخدم شامبو خاص مع فوطه مايكرو فايبر




قلت اوكي ومشيت




بعدين جيت للانترنت ابي اشوف وين افضل محلات تبيع الشامبو مع الفوط لقيتهم كلهم يمدحون ساكو




قلت حلو




شغلت الوتر ورحت ساكو
ولقيت المفاجأه








شي ما تتوقعونه




لقيت جميع منتجات 3m تباع هناك




والقهر




لقيت منتج paint protection 3m
موجود في ساكو
الفرق ان العلبه صغيره وقيمتها ما تتعدى 40 ريال او خلونا نقول 50 بالكثير




والعلبه تكفي من اربع الى خمس سيارات اقل شي




وابو الشباب ماخذ 780 ريال ويقول لي انها ما تباع برى ومدري ايش




غير كذا لقيت عندهم منتجات 3m حق ازاله الخدوش وشامبو وصابون
ولقيت علبه قيمتها ما تتعدى 20 ريال لحمايه الجلد والفرش الداخلي
وشريتها
و 3m يسويها لك 1200 ريال




نصيحه يا شباب لا تسمعون كلامي وتصدقوني على طول روحو ساكو وتاكدو بانفسكم





منقول


وحسبنا الله ونعم الوكيل


up 5 down 0
الاحترافي 1110
قبل 2 شهر و أسبوع



صدقت واصبت كبد الحقيقة يالاحترافي.
بارك الله فيك وحفظ ورحم والديك.


up 0 down 0
theuk1984 749
قبل 2 شهر و أسبوع



وبالجميع يا theuk1984

وبالنسبة للتظليل .. ولد عمي شرا فلم كامل ( طاقة كاملة زي ما يقولون ) أصلي وشركة امريكية معروفة نسيت إسمها برخص التراب
هنا مضحوك علينا واستغلاليين وحسبنا الله وكفى


up 1 down 0
الاحترافي 1110
قبل 2 شهر و أسبوع



عن تجربة والشهادة لله اكتب في قوقل تنت 51 ( tint 51) تلاقي المورد للانواع هادي في جدة يعطيك ضمان خمس سنواتت على التظليل تشقيق وتبهيت وتغير اللون وعزله ممتاز جدا وله ثلاث درجات تختار حسب ميزانيتك وبامكانه يقصص لك التظليل حسب المقاسات المطلوبة ويرسلها لك بالشحن وانت تركبها عند اي محل تظليل ويعطيك شهادة ضمان عليها كل بيانات الاسم نوع التظليل ودرجته اسم السيارة ورقم اللوحة واذا تبغى ارخص شي اكتب في قوقل كوبون جدة حتلاقي عروض كثيييييير في محلات التظليل توصل ل 300 ريال احيانا السيارة كاملة


up 0 down 0
العمدة 1434 1113
قبل 2 شهر و أسبوع



مثل ماقال اخوي العمدة tint 51 وافضلها عندهم ريتك انا اخذت منهم ريتك درجة ٦٠ لكامل السيارة كلفتني مع التركيب ١١٥٠ والله انه افضل عزل ركبته عن تجربة والموقع فيه صور مقارنات توضح لك قوة العزل بين الشركات وريتك


up 0 down 0
yahya alajlani 525
قبل 2 شهر و أسبوع



عرض كوبون يكون اقل درجة بالمحل اللي بالزينة افضل


up 0 down 0
mfh2009 197
قبل 2 شهر و أسبوع