أضف سؤال أو موضوع جديد          

ولا تلقوا بأيديكم إلى التهلكة

up 13 down 17
saudi___07 1093
قبل 5 يوم و 17 ساعه



السلام عليكم ورحمة الله

يا جماعة بشكل عام تفكروا في هذي الآية في مجال السرعة والتفحيط وكل ما يؤدي الى ازهاق الأرواح أو قتلها
أو الإصابات، هذا بشكل عام.

بشكل خاص فحصل لي موقف حبيت أشارككم فيه فأولا أحمد الله على السلامة
الموقف ( صحيت من النوم مروق وشغلت موتري ابي اروح للدوام وأنا احمي الموتر الا باقي على
الدوام ساعة ونصف وتذكرت اذا فيه شغلة اسويها قبل الدوام فقلت ليش ما أمر الصناعية يشيكون
على صوت عندي مبهذلني من شهرين ( قربعة ) مع العلم اني مريت أكثر من ورشة
وكلهم يتفلسفون وطلبوا مني تغيير شغلات كثيرة ( نظام غير كل القطع اللي
لها علاقة بالمشكلة وراح تروح المشكلة وناخذ فلوس من صاحب
السيارة والمشكلة اللي عنده تنحل ) ولكن العميل هو
الضحية بتغيير شغلات كثيرة مالها دخل بالموضوع وخساير لها
أول مالها تالي ولو فيه فني فاهم حدد المشكلة بعينها ووفر عليك دراهمك
المهم نرجع لموضوعنا وأنا أحمي الموتر أشوف اخوي الصغير ( 15 سنة ) جالس
مع ولد الجيران عند الباب، جاني الميكانيكي اللي داخلي وقال ليش ما تحدد مصدر الصوت
بنفسك بدال نصب الورش وبما أن حينا باقي ما تزفلت قلت فرصة أسمع الصوت مع البطانيج والحفر
والله وزهمت أخوي قلت تعال سوق السيارة وانا بأفتح الكبوت وأجلس على غطاء المكينة وعلى الرفرف وأنت
على هونك امشي شوي شوي عشان اسمع صوت قربعة عندي في السيارة، طبعا أنا عارف ان سواقة اخوي مش ولا بد
بس قلت بيستر الله، والله وبديت في خطوات العملية فتحت الكبوت وجلست وقلت لأخوي تحرك، ويمشي وانا يالله أمسك
نفسي الا الصوت ما طلع الا خفيف وما قدرت احدد مصدره، قلت له دز شوي ويدز بقوة انا خفت اصارخ عشان
يهدي ويفرمل بقوة المهم تمسكت زين وحددت مصدر الصوت طلع من كرسي المساعد يمين، أنا الحين أبيه
يخفض السرعة واقول له خفف السرعة وما يسمعني واصارخ وما يسمع وانا اشوف احجار قدامي
خفت يوطاها ما يشوفها وقتها بأطيح وبيعدم ام الموتر، واصارخ بقوة والله ويرص الفرامل
رصة محترمة أنا وقتها كنت بأشيل المساحات معي لأني كنت متمسك فيها من جهة
قاعدتها، ويوم شفت الموتر هدت سرعته بزيادة ومعد قدرت امسك نفسي
قفزت على جنب الموتر ( طبعا الموقف صار بثانيتن) بس طال
شرحه هنا، ويوم شافني قفزت رص الفرامل الين وقف
طبعا جاه توبيخ على الصباح :( لكن رفع
ضغطي بالدزه والفرامل، وما ألومه بصراحة لعدم تمكنه
من السواقه بشكل جيد.

الشاهد في الموضوع انتبهوا من الفلسفة اللي يمكن توديك في داهية
لو اني طحت قدام السيارة وتوطتني والله ما تنفعني السيارة ولا كرسي المساعد اللي حددت
أنه هو اللي خربان، وجلست أفكر وانا رايح الدوام لو أني قربت على المراوح أو السيور أو القزوز
وانقطع عندي عضو ولا انحرقت وش كان بأستفيد من هالتشخيص، فنصيحتي لكم ولنفسي قبلكم الفلسفة اللي
احتمال مخاطرها أكبر من نفعها ضروري نتركها ونعطي على قولتهم الخبز لخبازه ولو أكل نصه وما يمنع ان ان الشخص
يبحث عن حل لمشكلته أول بطرق حضارية وعن طريق النت، أفضل من المحاولات المتهوره، ولكن حسبنا الله
على العليمية النصابين، حدونا على اننا نشخص بأنفسنا ونحاول نفهم الخراب قبل نجيهم ولا لو فيهم أمانة كان وديتها لهم
سيارتي وشخصوا علتها ووفروا علينا أمور قد تكون حياتنا، وبالنهاية رحت داومت وقلت خلي السيارة تقربع براحتها

والله الموفق،،،







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


جزاك الله خير و يعطيك العافية

فعلا عيال الحرام ما خلوا لعيال الحلال شي. الله يستر علينا و على سياراتنا.


up 2 down 1
بدر الباثفايندري 970
قبل 5 يوم و 16 ساعه



حياك
استغربت من هالقصه وين قريتها 
اشوا حصلتها لك قبل سنتين كاتبه
ع العموم قصة ونصيحة الله يعطيك العافية


up 3 down 0
باترول 2020 2358
قبل 5 يوم و 15 ساعه



اخ سعود

الحمدلله على السلامه وعودا حميداً

وبالنسبه للموضوع حقك ليش كررته ياعزيزي نفس الموضوع قبل سنه واربع اشهر
وش الطاري لايكون عدت الكره مره هههههههههههههه


up 4 down 1
aboahmed2014 610
قبل 5 يوم و 15 ساعه



يمكن يبغى يزيد النقاط


up 3 down 1
rashidy 428
قبل 5 يوم و 13 ساعه



قصة حلوه وفعلا منها عظة ، يعطيك العافيه عليها

وانا ماقريتها قبل ياشباب واستفدت منها لان عندي فلسفه نفسه احوس 

بس الكلام طلعت المشكله من الكرسي ولا تعبك راح عالفاضي ؟ 



up 1 down 1
m7md 33 476
قبل 5 يوم و 12 ساعه



اصلا جلستك بالكبوت عشان تشيك هذي غلطه وانك تخلي اخوك الي توه ماعرف يسوق يمسك الطاره هذي غلطه ثانيه لانه شيء طبيعي بتجيك فرامل ودعسه ويمكن يصدم شيء لاسمح الله


up 0 down 0
abdulaziz bin ateeq 209
قبل 5 يوم و 4 ساعه



اشكر كل من رد على الموضوع ونظر له من زاويه ايجابيه بصرف النظر عن تكراره. الشباب اللي شافوه مجرد طرح لزيادة عدد النقاط فكان ودي انهم ما يدخلون بالنوايا. ولكن ما الومهم لأنه يبقى احتمال.

أنا نسخت موضوعي السابق وعدلت في الصياغه بما يتناسب مع تكرار الموضوع وكنت وقتها بالدوام وخلال الكتابه كنت انشغل باتصال او شيء وبنهاية الدوام كنت أقفل التبويبات الا أشوفه وارسلته مستعجل والنيه هي كتابة عبارة تدل على ان الموضوع تم طرحه مره ثانيه للفائده، ولمشاركة التجارب لمن حصل له مثل هالموقف، ولكن من العجله ارسلته وما كتبت انه مكرر.

عموماً الأعضاء اللي شافوا الموضوع مفيد بصرف النظر عن تكراره. أعتذر لهم بالنيابه عن الاخوان اللي أساءوا الظن.

تحياتي...


up 4 down 2
saudi___07 1093
قبل 5 يوم و 4 ساعه



سبحان الله وبحمده سبحان الله العظيم


up 1 down 1
معاند زمانهه 12
قبل 4 يوم و 23 ساعه



معليش يا اخي لا تؤاخذني وشكرا لسعة صدرك


up 0 down 0
rashidy 428
قبل 3 يوم و 17 ساعه