أضف سؤال أو موضوع جديد          

التصفية الشاملة لمحرك السيارة وتحسين من صرفية البنزين

up 19 down 1
سبحان الله 7787 234
قبل 10 شهر و 2 أسبوع



السلام عليكم جميعا
التصفية عند اغلبنا غير بواجي وفلتر هواء صف بخاخ
فا حبيت احط التصفية الشاملة كل شي وعشان تقلل من صرفية البنزين
ويمكن في بعض النقاط تكون غافل عنها بسم الله نبدا
عندنا ثلاث منظومات
١_ منظومة الهواء
٢_منظومة الكهرباء
٣_منظومة الوقود

منظومة الهواء وهي
١_ تنظيف الثروتل ( البوابه ) وهو الي يتحكم بدخول الهواء
٢_ تغيير فلتر الهواء
٣_ غسيل وتنظيف حساسات الاكسجين الي بشكمان
٤_ تنظيف دبات التلوث بمادة تباع بساكو او شركة ليكي مولي اللمانية

منظومة الكهرب وهي
١_ تغيير البواجي
٢_ تغيير الكويلات بعد الفحص ونادر ماتخرب
٣_ طرمبة البنزين ان كان فيها ضعف مثل تنتيع استبدلها
منظومة الوقود وهي
١_ تصفية البخاخات ولها طرق كثيرة تظيف علبة للتنظيف لتانكي
او يفكون البخاخات ويحطونها على جهاز وهذي افضل طريقة
٢_تبديل فلتر البنزين
طبعا ماهو لازم تسويها كلها ابدا بالاسهل شفت نتيجه وقف
والموضوع اساسا للفائدة وكسب معلومة
والي عنده زود عليها يكتب لنا بتعليقات عشان نستفيد

بعض الاشياء الي تهم عشان موضوع الصرفية بنزين
١_ الحفاظ على مستوى هواء الكفرات وميزان الاذرعه
٢_الاغراض الي مالها داعي بشنطه نزلها تقليل الوزن مهم لصرفية
٣ _ سواقتك حاول تخلي قومتك بتدريج من خفيف الى الاقوى
ماهو العكس تدعس بقوة ثم تخفف وتثبيت الدعسه مهم بقوة
ومثبت السرعه يعاونك كثير عشان الصرفية وعشان ساهر
وبنهاية حبيت انكم تستفيدون وتفيدون وبحفظ الرحمن .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع مميز . ويعطيك العافيه يا الغالي


up 0 down 0
abofarah 1077
قبل 10 شهر و 2 أسبوع



السلام عليكم ورحمة الله ،،

بارك الله فيك وجزاك الله خير..
أتفق معك فيما كتبت.


up 1 down 0
صريح المقال 1
قبل 10 شهر و 2 أسبوع



تسلم على المعلومات القيمه


up 1 down 0
رضا يوسف 1545 43
قبل 10 شهر و 2 أسبوع



معلومات مهمة ، تسلم 


up 0 down 0
صدى الصمت85 87
قبل 10 شهر و 2 أسبوع



التصفيه لاستهلاك البنزين ركز ع فلتر الهواء وحساسات الشكمان
خصوصا الامريكي اما غيرها اذاجاء تنتيع اوكتمه شيك عليها


up 0 down 0
فور جي 75
قبل 10 شهر و 2 أسبوع