أضف سؤال أو موضوع جديد          

ليه المعارض ماتعلمك الصدق بوضع السيارة؟

up 4 down 0
اودي666 167
قبل 6 شهر و أسبوع



انا لي فتره ادور بالمعارض ابحث عن سياره محدده بسعر معقول
واذا حصلت شي لازم يطلع مرشوش ورش مو ذاك الزود

الزبده اذكر فيه شخص قبل كم شهر حصلت له اعلام بحراج وتمقلبنا فيه انا وكم واحد كلنا يقول البدي وكالة وطلع جنب كامل مرشوش وواضح الرش ومصر ان البدي وكالة

المهم دارت الشهور ولقيت نفس الموتر بمعرض واقف واسالهم عن وضع البدي  يقولي بس رفرف امامي!!قلت له مستحيل الموتر ذا اعرف فيه علامه بالصدام الخلفي الا هو نفس الموتر

المهم بينت ووضحت للمعرض مكان الرشوش واتضح ليرمن ردة فعلهم انهم يدرون بس مستغبين
طبعا ذكرت له لو اخذتها وفحصتها وطلع فيه غير الي يقولون وش الوضع قالي نرجع لك العربون بس !! وقيمه الفحص قال مالنا علاقه فيها

الي فهمته من اغلب المعارض انهم ماشين بنظام الخم الزبون لعله يشتري بدون فحص

واذا شفت اعلان مكتوب كل شي الا البدي اعرف ان السالفه فيها مقلب وسلامتكم

ولو كان لي من الامر شي ماسمحت لاي شخص يعلن الا يكون اعلانه كامل بدون لف ودوران

مثال شخص يقول بس صدام امامي مرشوش وبالواقع الارباق طالع ولا كتبها بالاعلان اذا كلمته قال نسيت اكتبها؟؟؟

طيب لاسكرت من الزبون عدل اعلانك يانصاب

حراج لم يعد كما كان لذلك الحرص والفحص واااااجب







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا احد ضحايا معرض المالكي مقابل البرحة في الشفا 
كنت مستعجل جدا جدا والله يهديني بس 
اشتريت من سيارة  وحلف لي يمين ان مافيها الا رفرف امامي فقط مرفق معها ورقة فحص سيارة انا مافيها الا رفرف يمين ويحتاج تصفية مكينة
انا صدقته ورجال ملتزم  وثقت  
واشتريت ونقلها لي باسمي وعلى طول من معرض الى خط جدة 
بعد فترة طويلة جيت بابيع سيارة فحصها زبون واتضح ان اغلب بدي مرشوش 
المهم انحرجت من زبون وقمت حاسبت حق قيمة فحص 


up 3 down 0
abu asiil 63
قبل 6 شهر و أسبوع



^^
الله يعوضك

واكيد الي مثلك كثير للاسف يقعون ضحية ثقه لشخص لايستحق اي ثقه

لكن تاكد ربي بيعوضها لك وهو بياخذ جزاه بالدنيا والاخره


up 1 down 0
اودي666 167
قبل 6 شهر و أسبوع



هي جت على المعارض!!
حتى بوقت الحوادث يجحدون طريقة الحادث
وكل من يحط الغلط على الطرف الثاني
الشغله ماخذينها عناد وشطاره
لكن( يمكرون ويمكر الله والله خير الماكرين)
نشوفهم يوم القيامه يوم تتبدل الحسنات الى سيئات
عسى الله يرحمنا برحمته ويدخلنا الجنة بدون عذاب



up 3 down 2
d7ooom777 416
قبل 6 شهر و أسبوع



الله لايحلل من يغش المسلمين لادنيا ولا اخره ويجعله ماياخذه من مال يعالج فيه صحته ولا تطيب


up 0 down 0
aboahmed2014 769
قبل 6 شهر و أسبوع



في هذا الزمن يصدّق الكاذب و يكذّب الصادق،،الله المستعان


up 0 down 0
qefari2 41
قبل 6 شهر و أسبوع



بعالم السيارات لا تصدق ابن امه
عليك وعلى اجهزه فحص السمكره تاخذلك جهاز يفحص البودي ب 500 ريال وهذا فادني كل اصحابي يتصلو علي
تعال افحصلنا السياره الى بنشتريها وافحصها وتطلع مضروبه ومرشوشه ويشكروني ويبطلو شراء

عليك بجهاز الفحص البودي ولو طلعت وكاله روح افحصها كمبيوتر ب 150 ما ضرك شي

اخواني اكبر نكبه بالدنيا لمن تشتري سياره مصدومه وربي عله الصدمه تجبلك الاعطال من حيث لا تعلم

اشتريت سياره قديمه بس بودي وكاله وربي ما تعبتني مع انها قديمه بس البودي الوكاله تطمن منه لان صاحبها
يعرف يسوق ومحافظ اما المصدوم عله بالاعطال


up 1 down 1
الملكيه 49
قبل 6 شهر و أسبوع



^^^^^
ممكن تكون بودي وكالة وداخل الكبوت معدوم بتتعب اكثر


up 0 down 0
mfh2009 227
قبل 6 شهر و أسبوع