أضف سؤال أو موضوع جديد          

بخصوص الجنوط الدرجه الاولى

up 1 down 1
bakeetdo99 84
قبل 3 سنه و شهر



السلام عليكم ورحمة الله وبركاته وكل عاااام واتم بألف خير :
الموضوع يا أخوان :
حصلت جنوط لكزس es هنا بموقع حراج يقولك ( درجة اولى ) ، بس بصراحه
متردد اشريها او لاء ،،،
وطبعاً يا اخون سبب تغييري للجنوط هو ان السياره ترج على سرعه 110 الى 130 تقريباً
وسويت ترصيص مرتين ولانفع ، طبعاً خفت الرجه شوي بس ما اختفت نهائياً ، حتى قالي
البنشري جنوطك اغلبها مطعوج ياتسويلها خرط او تغييرها نهائياً ،،،
وطبعاً شكلي بغيرها بس وافتك منها

السؤال يا اخوان :
هل الجنوط الدرجه الاولى جودتها مثل الاصليه او قريب منها على الاقل ؟
يعني اقصد تتحمل مشاوير وكرف زي الاصلي ولا ماتتحمل ؟؟؟

وشااااااااكر لكم مقدماً .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام ورحمة الله وبركاته
جربتها جنوط صيني
وترا كلها وحدة مافية درجة اولى ولا عاشرة
الاصلي مافية زية وانا اخوك لو تدور تشليح
بتلقى رخيصة بحدود 700



up 2 down 1
الرفاعي33 13914
قبل 3 سنه و شهر




لو تسأل كل محلات بيع الجنوط بيقولك صيني درجة اولى
مستحيل تحصل درجة ثانيه او ثالثه يعني كلامهم تسويقي بحت

بالنسبه لي انا.. اي شي يخص سلامة السيارة وركابها..
ما اركب الا الاصلي
مثل الهوبات والفحمات والكفرات والجنوط

بالنسبه لك.. اشوف انك تخرط جنوطك افضلك.. او تشتري غيرها من التشليح اذا عندك المقدره

لأن جنوطك الاصليه تتطعجت فما بالك بالصيني!!


up 2 down 1
abo9aly7 507
قبل 3 سنه و شهر



وعليكم السلام ورحمة الله وبركاته
قالك الرفاعي الاصلي لاتعداه بذات الكروم
شفلك مخرطة عليه الكلام واذا انت بالقصيم
ببريدة مخرطة الشقيران بصناعية السلم


up 2 down 0
الأطلســـي 34
قبل 3 سنه و شهر



حياك
من واقع تجربه لهن سنتين لارجه ولا شي مركبهن ع جي اكس ار
طلب الراي وعطيناك التجربه
وباالتوفيق


up 2 down 1
باترول 2020 2624
قبل 3 سنه و شهر



كلها سوا اصلي او تجاري اهم شي تكون مافيها وجه وامورك تمام

اشرط عليه تجربهاولو شوي اذا مافيها رجه

والغالب مافيها رجه 


up 2 down 1
اودي666 234
قبل 3 سنه و شهر



والله ياخوي دام جنوطك اصليه اخرطها عند مكان ممتاز 

الصيني ماتدري عنه يسخن بالحر وينكسر 

يعني لو على خط مسافر وجتك حفره ولا مطب اعرف انه بيودع 

مثل ماقالوا الشباب يا اصلي تشليح ، او تخرط 

انا خرطت جنوطي والامور طيبه ،، 

وياخوي دامك تقول es هل عموسك تمام ؟ جرب وقت تظهر الرجه ترفع رجلك عن البنزين 

اذا باقي الرجه معناتها مثل م قلت جنوط او كفرات ، اما اذا فممكن من العكوس


up 1 down 0
m7md 33 1155
قبل 3 سنه و شهر



اول شي : اشكر تفاعلكم بالردود وماقصرتو ،،،

ثاني شي : العكوس اختبرتها كم مره مافيها شي ، والكفرات جديده توني شاريها من فتره قصيره ،

ثالث شي : انا شاري السياره توني شاري السياره قريب ولاعندي خبره بالجنوط تبعها هل هي اصليه او مركبه تجاري وطبعاً راعيها الاول راشها بويه
رمادي غامق بسبب بعض الخدوش اللي فيها ،،،

طبعاً ملاحظ بالردود ان اغلبكم ماينصحني بالجنوط ( التجاريه ) علشان كذا بشوفلي اصلي تشليح او بتأكد من اللي
عندي اذ كات اصليه توكلت على الله وخرطها بس ،
والله يعطيكم العافيه .


up 0 down 0
bakeetdo99 84
قبل 3 سنه و شهر



تقصد هذا الاعلان
جنوط لكزز ES 350مقاس 17 درجه اولى
https://haraj.com.sa/1135367523

اسأل الرجل توجد اعلانات اخرى عنده موضح فيها هذه العباره :

( طبعا الجنوط مطابقة للاصلي تمامآ 100% نفس الجــودة ونفس الــون ونفس الــوزن و ضلع سميك واضافة الى ذلك الـشـفـة الدخلية تم تسميكها (شفة دبــل لكي تتحمل اقوئ المطبات والحفر )وايضاً
( خشن من الجنب لعزل الحرارة )
متوفر منها عده مقاسات )

اسأله هل هي بضاعته الخاصه به او من موزع اخر ؟

تأكد منه مباشره.


up 0 down 0
team leader 72
قبل 3 سنه و شهر



حظوظ و انا اخوك
مركب جنوط تجاريه مكحله
شاريها ب٤٠٠ مستعملة
على كفرات و صواميل الاصليه الحديد
و الحمدلله مرتاح لا رجه و لا شي
و انا راعي خط للدوام و غيره و امشي الى ١٤٠
حاول تجربها او يعطيك فترة تجربة على الفاتورة
اللي اهم من الجنوط الصواميل خذ الاصلي لو غالي


up 1 down 0
مثقف سيارات 1142
قبل 3 سنه و شهر



مامثل الوكاله لاكن..
اذا مصمل على الصيني اشرط على البائع انها ماترج من سرعه 80 لحد 160!!!!!


محاكيك مركب صيني حديد ومركب عليها كفر جديد الله وكيلك رصصتها مرتين ولاظبطت لدرجه ان مرتبه الراكب تنتفض..

اخرتها رجعت الجنوط وركبت الوكاله وسبحان الله اختفت الرجه بالكامل...


لذلك اشرط عليه الشرط ذا..

بالتوفيق


up 1 down 0
sodoku 74
قبل 3 سنه و شهر