اسعار قطع غيار فور قراند ماركيز 2011 ؟

بالنسبه لزيت القير هو ميكرون LV الخاص بموديل فوردك لنه كل كم موديل له زيت مخصص من فورد سعره تقريب 25 ريال للعلبه تحتاج 5 علب فقط وفلتر ووجه قزقيت لكرتيل القير الفلتر سعره تقريب 50 او 60 ريال الوجه 70 ريال التغيير افضل في ورش القيور المتخصصه افضل لك وخذ الزيت من الشركه بالنسبه لزيت المكينه افضل شي مخصص للفورد هو موتركرفت 30-10وتحصله بالشركه او كسترول ماجنتيك 40-10 هاذي افضل نوعين وافضل موتر كرفت لك والتغيير على 5 الاف كيلو او 6 الاف مايضر اذا كان موتر كرفت  وانا استخدمه لنه مخصص للفورد من الشركه  بالنسبه للاقمشه افضل شي الاصلي وسعرها تقريب 280 ريال اذا للاربع كفرات تقريب 600 ريال الاقمشه  بالنسبه لشاشه عندك نوعين رود ماستر وافلون افلون احسن كمواصفات وشكل وراكبه على الديكور تمام وكل الشاشاشتين تركب بدون تعديل بس فك وركب مكان القديم بالنسبه لتضليل اذا عادي عندك الامريكي زيرو2 وسعر التركيب مابين 180 او170 وبعده الكوري 150 ريال مع الخلفيه وصله وحده مو مفصوله واي استفسارات اخرا انا حاضر او عندك منتدا فورد العربيه وتحصل كل استفساراتك هناك وبالنسبه للعداد هاذا رابط لشرح اعدادات الطبلون وشرح خصائصه
 http://www.ford4arab.com/vb/t1023.html

شف يغالي وخذهاا نصيحه 

موضع  شاشة  الكهرباء في الفورد معقده الى ابعد درجا لو بتركب مسجل ركبه  علا  قد الاسلاك لايقعد يقولك اشبك اسلاك ولا اولفلك سلك ولا يجرحها
2: لو السياره جيبها من امريكا غير كل الزيوت والسير حق الكينه اهم شي
؛؛؛ وخرط هوبات انسهاا ونزن انسها 

همك الاخير ف الماركيز قطع الغيار

رخييييييصه بما تعنيه الكلمه وتحطها وتنساها

وزي ماتفضل  اخوي الاقمشه ب ٦٠٠ للاربع !!
وين تحصلها بعض السيارات ٥٠٠ للاماميه فقط !
والمساعدات اظن والله اعلم حول ٢٠٠-٢٥٠ للزوج
باختصار لاتشيل هم القطع

اخوي عبدالرحمن الشاشه خاصه بفورد الي انا ذكرتها وهي تجي على نفس مقاس وفيش الوكاله للمسجل وهي افلون ورود ماستر انا مركب افلون عندي وهاذي النوعين الي تجي مخصصه غيرها مافضل ومثل ماذكرت بعضهم بيقولك فيه بس تحتاج تجريح وهاذي مو مناسبه 

هههههه قصدي خالد  الحربي عذرا وبالنسبه لقطع فورد لاتاخذ الا موتر كرفت اصلي من توكيلات الجزيره لنه هو وكيل الماركيز والفكتوريا الان او احد الموزعين المعتمدين مثل الرميزان او غيره 

عالبركه اخوي واختيار موفق 
الماركيز لايعلى عليها

الشاشه في جده عندك كيلو اثنين مجمع محلات الزينه واسعاره من 1300 الي 1500 ريال  وبالنسبه لنفقيشن بعد ماتركبها راجع منتدا فورد لكي تعرف كيف تحدث الخرائط 

لاتشيل هم الفورد قطع رخيصه مقارنه بباقي السيارات وبترتاح اصلا فيه

يا شيخ يسعدكم ربي ...

برنس والله انت برنس على اسمك ،

انا امس رحت ابي اغير زيت الجربكس ولقيته يقول 450 واستغرب عرفت ان الشغلة فيها نسبة

عشان كذا حبيت اتأكد .

بس الأخ خالد الحربي يا ليت تفيدني ليه اغير سير المكينة ( ماشاء الله ) جديد جداً وصوت السيارة هادي 

وبعدين تذكرت فلتر وزيت الدفرنس هل أي أغيره وش النوع الأفضل وكم سعره وبعد كم ؟

يا ليت يا شباب تدلوني بورش متخصصة في جدة 

بيض الله وجيهكم

تعديل نسبة = نصبة :)

تسلم ياغالي وربي يسعدك ويجنبك كل مكروه 
السير مايحتاج تغيره 
بالنسبه لزيت الدفرنس لاتقربه ولاتغيره  لنه زيت تخليقي بالكامل ولا يتغير الا لاسباب عطل الدفرنس او دخول الماء او غرق السياره لاقدر الله  وسيبك من الورش النصابه زيت القير تحصله منقوش على مقبض عيار الزيت ومثل ماذكرت لك نوعه بعض الورش يجلس يتفلسف ويقولك لا الفورد عادي وعندي زيت خاص للفورد الي هو ميكرون m ويمدح فيه  وهاذا مخصص للفوردات القديمه وياخذونه لنه العلبه ب12 ريال عكس نوع زيت موترك  الي مايخارج معهم وسعره تقريب 20 او 25 ريال للعلبه وملاحضه 5 علب فقط لايقولك 6 علب  واي استفسار اخر للفورد انا حاضر او اخوي شاقح  وان شاء الله انا نفيدك بقدر مانستطيع  

بالنسبه للورش يفيدونك اعضاء المنتدا فورد العربيه بافضل الورش وتكلفت شغل اليد لتغيير زيت القير 100 ريال اكثر حد 

ياعيال تكفوون وين الق دفرنس فورد2002