دعوة للتأمل في حال استخدامنا للسيارات

10 1

لايمكنك التصويت حتى الحصول على 20 نقطة على الأقل
إضغط هنا للإخفاء

الحويزي1 1129
قبل 6 سنه و 3 شهر

الحمد لله الذي اسبغ علينا فضائله التي لاتعد ولاتحصى ومنها نعمة السيارات.

وسبب طرحي للموضوع مو تمثيل لدور المثالي في استخدام السيارات ولكن انا واحد من جملة الشعب اللي قد يسيء استخدام السياره. احيانا بدافع النزوه واحيانا تهاون او اهمال في صيانة واصلاح السياره قبل تكبر المشكله. وانا متأكد ان فيه كثير مثل وضعي، بالرغم ان الاغلبيه شاري السياره من حلاله ومو على قولة الشيبان الله يطول بعمارهم على طاعته ويرحم من مات منهم، اذا شافوا شاب يسيء استخدام السياره على طول يقولون ( لو انه شاري موتره من دراهمه كان نزل يشيل حتى الحجر الصغير من الشارع عشان ماياطاه الكفر ). ويمكن تكون مقولة صحيحه فالبعض للأسف ما يحس بقيمة السياره عند حصوله على مساعده في شراء السياره بالرغم ان اللي ساعده بالشراء يكون أبوه أو أمه والمفترض ان غلا السياره من غلا شاريها.

للأسف ليت الشغله على حجر قدام السياره يوطاه بالكفر وانتهى. انا اتكلم عن تسارع مفاجئ وتفتفه ودخول لفات على سرعه ومراقى ارصفه وغيرها من الممارسات اللي تعدم السياره. والشاهد سيارات موديلاتها حديثه وانواع الاصوات والقربعه وكأن لها 30 سنه في الخدمه.

وبالمقابل دائم اتأمل السيارات اللي تجي وارد اما امريكي او ياباني او الماني، تجي السياره شبه جديده واتوقع ان الشغله وعي من عدة جهات في تلك الدول، المستخدم نفسه محافظ ومقدر للنعمه اللي نكفر بها يومياً، والوكالات تتنافس في تقديم الصيانه وقطع الغيار بأفضل التسهيلات، ووزارات التجاره هناك فارضه أنظمه صارمه على الوكلاء من حيث الخدمه والأسعار ومنع الاحتكار اللي صاير في بعض الوكالات عندنا، يعني الشغله كلها على بعضها تدل على وعي وادراك لأهمية السياره ووجوب المحافظه عليها بالرغم ان اغلب تلك الدول يتوفر فيها وسائل النقل العام والمفترض الشخص عندهم مايشيل هم السياره لو خربت مقارنه بوضعنا اللي لو خرب موتر الواحد يا اما ينطل وجهه عند الخلق ولا يستأجر سياره ولا يغث اللي حوله ياخذ سياراتهم.

طبعاً الكلام هذا كله كوم ونقطه في بحر من مصيبة اتلاف الارواح اللي متأكد مافيه شخص منكم راح يقرأ الموضوع الا يتذكر قريب او عزيز فقده بسبب حوادث السيارات.

وانا اقترح على اي شخص يشوف في نفسه انه مبتلى بالجور على السياره او غير مقدر لنعمة السياره اللي عنده يتخيل اسبوع بس بدون سياره ويكتب مشاويره اللي بيروح لها خلال اسبوع ويكتب قدام كل مشوار كيف بيدبر حاله وانا متأكد ان البدائل بتكون بين كريم وأوبر وسيارة فلان وفلان يمرني وهذا المشوار بيكنسله وهذاك بيرسل أحد يسويه نيابه عنه، ولو قدر يدبر حاله اسبوع ما بيقدر يدبر حاله شهر او سنه لأن السياره اصبحت ضروره ومحد يستغني عنها وواقع الحياه يشهد.

وختاما، اعتذر على الاطالة واتمنى الكل يكتب وجهة نظره او يذكر موقف خلاه يعرف قيمة السياره

والله يعطيكم من خير سياراتكم ويكفاكم شرها...

إبلاغ

الردود