أضف سؤال أو موضوع جديد          

لمن يفكر في شراء سياره من أمريكا فتح عينك زين مهم

up 11 down 1
why not547 646
قبل 6 سنه و 6 شهر



السلام عليكم وجمعة مباركه على الجميع ان شاء الله ، راح آقلكم على موقف محزن وعجيب في نفس

الوقت من باب التحذير والله العالم والموضوع كله صار في آمريكا !!

عاد مع قرب التخرج من آمريكا واقتراب العوده للوطن ان شاء الله ، كلمني زميل يعز علي آشوف

له جيب لكزس RX وآلاقي في النت واحد اسود ويبعد عن مدينتي نصف ساعه وسعره حليو ،

المهم قابلت راعي المعرض وسولفت معاه ويقولي انت من وين اصلا واقوله من السعوديه ، قال

اووووه انا اعرف تجار سيارات في السعوديه وقام يعطيني اسماء مثل علي ، محمد ... إلخ على

باله الاسماء هاذي معروفه وغير مكرره مايدري نص الشعب اسمه محمد ههههه ، مالكم في الطويله

ويقولي عندي سؤال غريب شوي قلت .... هات و داخلي اقول اخلص علينا ياكثر هرج ها الشايب

قال ليييييش اكثر اصحاب المعارض عندكم في السعوديه يطلبون مني السيارات إلا ماشيه واجد !!!؟؟

قلت عشان تكون آرخص يمكن !! قال اوكى عندكم مايهتمون في الممشى كثير إلا يشترون ها السيارات

قلت على حسب من شخص لشخص ، المهم الرجل اخذ راحته في الكلام آكثر وقالي الحقيقه المؤلمه

انه احد المعارض في السعوديه من عملاءه قالوله ماعليك حنا نغير الممشي في السعوديه وعندنا اجهزتنا

وكان فيه فاكس طلبيه عنده من ها المعرض السعودي بس اللئيم ماخلاني اشوف اسم المعرض يوم حس

انه وجهي تغير لونه ولا كان سدحته لكم وفضحناه النصاااااب ، ودائما يطلبون منه الممشى الاكثر

و حتى الكارفاكس و التقارير والخرابيط هاذي تسجل فيها فقط المعلومات إلا صاحب السياره يبغاك تعرفها !
وكم من سيارات تصلحت في ورش خاصه في آمريكا ولا تسجلت في الكارفاكس او الآتو تشك والله من تجربه شخصيه مرت علي شخصيا .

خلااااااصه الكلام لو ماكنت تعرف احد هناك ثقة ، خويك من جماعتك قريب لك في آمريكا

يفحص السياره زين ويعطيك العلم .... انحش انحش

مع العلم انه اكيد في ناس يتزرقون الله ويخافون الله للآمانه عشان ما آكون عممت ولا قطعت رزق احد

بس هذا إلا صار معايا و ونقلته كما حدث ... و عشان إلا ما آرضاه على نفسي ماآرضاه لي آخواني

المسلمين كتبت ها الموضوع ..








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعطيك العافيه
هذا بأي مكان مو بس بالبيع وحتى وانت ببتدخلها الصيانه دنيا ما بها امان


up 3 down 0
medo_209 20
قبل 6 سنه و 6 شهر



جزاك الله خير نحن في زمن فقدت فيه الامانة للاسف الا من رحم ربي وهم قلة قليلة .


up 3 down 0
ابو عمر 666 1306
قبل 6 سنه و 6 شهر



الله أكبر يأتجار السعوديه حتى امريكيا ما سلمة منكم عساكم تحترقو وانتم تغيرو العدادات


up 5 down 1
خطاي الشوق 2532
قبل 6 سنه و 6 شهر



والله النصب في كل مكان مو بس السعوديه و كل واحد و ضميره و الله مراح يوفقك في تجارتك الا اذا كنت تخاف ربك و تاكل عيالك مال حلال 


up 5 down 0
alkadi92 10
قبل 6 سنه و 6 شهر



طبعا ياخذ السيارة اللي ممشاها واجد .. راح تفرق معااه فرق كبير بالسعر .. واذا جات هنا .. كل ابوها 500 ريال ولا اقل بعد .. ويبيعها بسعر اللي ممشاها قليل ..لو قلنا مثلا سيارة ماشية 300 الف تسوى 25 الف ريال .. واختها ماشية 30 الف تسوى 40 الف .. لا هو يشتري اللي ماشية 300 الف ويقلب العداد .. ويبيعها ب 40 الف .. هذي السياسة اللي ماشيين عليها ,,


up 2 down 0
صاحب السمو 2 1497
قبل 6 سنه و 6 شهر



تسلمون جميعا واتفق مع صاحب السمو 2 , ليت التاجر يعرف قيمه المكسب البسيط وبركه الحلال فيه

ولا مكسب كبير تتعالج فيه من حادث ولا مرض احد من آهلك بسبب دعوه مظلوم حاط إلا قدامه وإلا وراه لجل

يشتري موتر نظيف وانغش ...


up 0 down 0
why not547 646
قبل 6 سنه و 6 شهر



شي طبيعي التاجر بياخذ الارخص ويجيبها هنا ويغير الكيلوات بمية ريال هذا اذا ماكان معاه جهاز ويبيعها على اساس ممشي اقل وسعر اكثر


up 0 down 0
موووت احبك 1622
قبل 6 سنه و 6 شهر



مشكور اخوي ماقصرت


up 0 down 0
نواف 79 55
قبل 6 سنه و 6 شهر



كله مكتوب ومحسوب عليه . اللهم يسر وخفف علينا الجساب


up 0 down 0
دريكيش 364
قبل 6 سنه و 6 شهر



هههههههههه
اجل محمد وعلي

قله هذولي اشهر تجار بالسعودية ويجي بعدهم خالد 


up 1 down 0
w1w1 2203
قبل 6 سنه و 6 شهر



فيه موضوع جديد ابي اسدحه لكم قريبا وهو موضوع النصب بين الشريطيه وما يسمون الفحص 
بالجهاز هو آلاء اكتشفت انهم اكبر نصابين البعض منهم ولا أعمم وذلك بالاتفاق مع الشريطيه 
فمثلا الشريطي يتفق مع الفاحص في حالة تمت البيعه له عموله متفق عليها ، على ان لا يظهر العيوب
الغير ظاهره ! وفي حالة الشراء يظهر مالذ وطاب ويخسفو بالبائع بأقل ثمن وذلك لوجود العيوب 
وساشرحها لاحقا لكم للاستناس بآرائكم 


up 0 down 0
samialagmi 63
قبل 4 سنه و 7 شهر