أضف سؤال أو موضوع جديد          

اش الحكمة من عدم اطفاء السيارة مباشرة بعد مشوار طويل

up 1 down 0
mercy_sa 1075
قبل 2 سنه و 5 شهر



زي ما هو واظح في العنوان

ليش اذا مسكت خط وكرفت السيارة وجيت مثلا البيت لازم تتركها شغالة على الاقل 3 دقايق وبعدين تطفيها

انا بحثت ما لقيت اجابة وافية وصراحة ما قتنعت ببعض الاجابات

مثلا البعض يقلك علشان الحرارة تنزل,, ممكن ولكن السيارات الكويسة حرارتها بتكون ثابتة وما اظنه سبب مقنع

البعض يقول علشان الزيت يكون فوق ولازم تخليه يتوزع بعدين تطفيه ,, ماني مقتنع بصراحة

انا عن نفسي اسويها بس ما ادري وش الفايدة منها







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


سجل معك واحد يسويها ومايدري شالسالفه 

بس انا اخليها شغاله لين تطفى المراوح بعدين اطفي 

والي انا سامعه مقل ماتقول عشان الزيت 


up 3 down 0
m7md 33 1153
قبل 2 سنه و 5 شهر



هذا مقطع مفيد للمهندس عبدالحق العالمية لصيانة السيارات

https://youtu.be/xzD85Y0uqxc

بإختصار مافي اي داعي تخليها شغالة بعد اي مشوار طويل الا في حالة كانت السيارة تيربو تخليها فترة بسيطة شغالة


up 5 down 1
yahya alajlani 684
قبل 2 سنه و 5 شهر



ياشباب انا تابعت الموضوع قبل فتره ببرنامج 
السيارات الديزل والسيارات اللي فيها تيربو لازم تخليها شغاله
بعذ مشوار طويل 
السيارات العاديه مو مشكله طفي على طول 


up 2 down 1
سليم22 141
قبل 2 سنه و 5 شهر



مجرد ما توقف السيارة وهي شغالة راح ترتفع الحرارة مابين 88 الى 95 درجة مئوية سواء
بمكيف او بدون بعكس لما تكون السيارة تمشي.


up 2 down 2
alhkami 437
قبل 2 سنه و 5 شهر



نعم كان يسوونها زمان اكثر ويمكن المكاين الاوله تختلف شوي من ناحية مواد صناعتها وانا مؤمن ان ميسوونها الا لسبب واكيد سامعينه من الاجانب او من بعض مصنعي السيارات  ،،، وانا اظن  الشغلة تتعلق بالحرارة انه الموتر يكون حار وفجأة يبرد فيصير شعر في رأس المكينة مثلا او تقلص وانكماش سريع يعني لازم التدرج في الانكماش والتمدد حتى لاتتأثر الاجزاء المعدنية خصوصا  بنفس نظرية بيالة الشاهي في عز الشتاء ممكن تنكسر  هذا توقع وماني متأكد 


up 2 down 3
جبل شعيب 100
قبل 2 سنه و 5 شهر



كلنا نسويها لكن نطفي السيارة مباشره احسن
لان وانت ماشي السياره تبرد على نفسها وهى واقفه تبدا ترتفع حرارتها
الا السيارات التربو مثل ما تكلم سليم


up 0 down 0
مكس 34
قبل 2 سنه و 5 شهر



هذه من الخرافات المتوارثة. شوف مقطع عبدالحق. السبب كان لتبريد طرمبة البنزين والتيربو و إعطاء وقت للدينمو لشحن البطارية


up 3 down 1
dell2012 1027
قبل 2 سنه و 5 شهر



يا اخوان السبب كان في السيارات القديمه الكبليتر يخليها شغاله عشان ما يصير راجع واذا طفيت قالت هاااان هاااان هااان ثم طفت


up 0 down 1
ابو عبد العزيز 305 417
قبل 2 سنه و 5 شهر



طيب سيارات الاجره والتاكسي ياخذ فيها مشاورير من الصباح
الى المساء داخل المدينة و يوقفها عند البيت ويطفيها وثاني ع طول يشغلها ويكدها كد
وعااادي ما صار فيها شي اذا حسبناها بتطلع نفس المسافة اللي يقطعها المسافر ع خط طويل
وش اللي راح يفرق اللي داخل المدينة ما يفكر انه يتركها شغاله وقت وبعدين يطفيها والثاني اللي ع خط سفر يفكر انه يتركها دقايق شغاله بعدين يطفيها.


up 1 down 1
زكريا حكمي 113
قبل 2 سنه و 5 شهر



السيارات الحديثة المزودو بالبخاخات لاتحتاج الى هذا الأمر
اما القديمة بنظام الكربريتور لأجل توازن الوقود وعودة RBM لوضعه الطبيعي وهذا السبب يعود لنظامها المعقد


up 0 down 1
alsaahr5753 11
قبل 2 سنه و 5 شهر



الاهم من هذا كله اذا ماسك خط سفر وجيت تعبي بنزين لاتطفي السياره
لانك لو بتظفيها احتمال تكمل باقي الخط فوق السطحه


up 2 down 7
d7ooom777 387
قبل 2 سنه و 5 شهر



حياك
سيارات اللي تعمل باالبنزين ماله داعي ابد
اما الديزل لزم عشان تنزل الحرارة وتبرد السيارة



up 2 down 1
باترول 2020 2623
قبل 2 سنه و 5 شهر



ماقد سويتها ابدا واغلب سواقتي خطوط
دوام 160 كيلو يوميا ومرة في الشهر لازم اسافر 1000 كيلو تقريبا
والحمدلله ماعانيت من شي

نفسها نفس سالفة عداد البنزين اللي لازم ماتخليه ينزل عن الربع عشان الشوائب في التانكي
كلها اشياء غير منطقية


up 2 down 3
فورد530 1320
قبل 2 سنه و 5 شهر



انت قبل لا تطبق اي شي ..وشو مصدر هذا الكلام؟ هل المصنع او الوكيل يقول لازم توقف 3 دقائق بعد كل مشوار طويل؟
والا كلام شريطية او ميكانيكي؟

و عاد امحق ميكانيكية عندنا تلقاه يفك و يوضب ويسوي كل شي..لكن تجيب له سيارة فيها مشكلة مايدري وش السالفة اذا التصليح يبي له 200 ريال يخليك تخسر 2500
عشان كذا انا ما اخد منهم كلام


up 0 down 1
chevrolet zr1 612
قبل 2 سنه و 5 شهر



الاخ d7ooom777
ليش ما اطفي السيارة وانا اعبي بنزين بالسفر ؟ هل لك تجربة؟ انا كل عمري امسك خطوط واطفي السيارة يوم اعبي واول ما اوصل من السفر والحمد لله ما لاحظت شي ؟!


up 0 down 1
ابو محمد 154 44
قبل 2 سنه و 5 شهر



فورد ٥٣٠  
سالفة البنزين ماينزل عن الربع عشان ماتحتر الطرمبه 


up 0 down 3
ابومنصور2855 16
قبل 2 سنه و 5 شهر