استغفر الله العظيم

ما انصحك تغسل المكينة ابد

انا استغرب من ااي اشوفه في مغاسل السيارات العامل فاتح كبوت سيارته ويغسلها بالماء

المكينه ماتنغشل نهااااااااااائي مهما كانت الاسباب 

يخرب عليك الكهرب ويسبب اللتماس واحتمال الماء يدخل من البواجي ع المكينه ويقطع عليك الاسلاك الخارجيه
والماء مع الصابون ينشف عليك الخراطيش الزبده ان الغسيل دمار ع المكينه

الحل الوحيد لك ي صاحب السياره انك تخليها كما هي 

او فيه حل ممتاز جدا ولا يسبب لك مشاكل بأذن الله 

بعض محلات التلميع الكبيره ينظف لك المكينه من الزيوت و الاوصاخ بالبخار(بالبخااااار)  مو مويه وهاذا حل ممتاز اذا انت ملززم تنظفها

انا اغسل مكينة السيارة بالقاز وبعدها موية صابون فيري وبعدها انفخها هوا في نفس اللحظة والحمدلله ما عانيت من اي شيء
طبعا الغسيل بيدي عند ورشة صديق لي دايم اروح لعنده واغسل المكينة كل 3 او 6 شهور

الغسيل يضر ماينفع 

موتري اف حي 2010 شاريه اصفار الا الان معي له 8سنوات ماعمري غسلت مكينته نهائي

وماشي معاي زي الحلاوه....

وش الحكمه من غسيل المكينه.؟ 

عيال طيب غسيل البستم يضر ولا لا ؟

البستم بنسبه لي استخدمه كل نهايت شتاء بحكم سيارتي جيب واطلع للبر وطين واشياء ثانيه 

البستم يستخدم عند الضروره مثل دخلت طين او تبي تبيعها او او الخ 

بس احرص كامل الحرص ان غسيل البستم يكون بدون ديزل او اي مواد ثانيه

فقط مااااء فقططط لاغير الديزل ينشف عليك جلب السياره 

جلب البودي جلب الاذرعه و العكوس جميع الجلب ينشفها ويقطعها عليك بعد فتره 

اخوي اذا معزم على الغسيل استخدم البخاخ مع فرشات مختلفة الاشذال والمقاسات تناسب زوايا المكينة وانتبه تمر الفرشه على سلك وتقطعه لان اغلبها شبه مهترئه بسبب حرارة المكينه، خلي يدك خفيفه والمكان اللي تنظفه بالفرشه حاول يكون معك لي حق مكيف صحراوي او لي غاز واشفط من سطل مويه جنبك الين يخرج الماء مثل حركة شفط البنزين زمان عشان تدفق الماء يكون ضعيف وحط سطل الماء على قماش فوق التنده طبعا الماء بعد ما يبدأ يتدفق اضف مواد تنظيف في السطل هذا طبعا بعد التنفيخ بهواء البنشر اللي هو الخطوه الاولى لازالة الاتربة والغبار وبعد البخاخ اللي هو الخطوه الثانية وبعدها الفرشاة والماء الخطوه الثالثه. معليش بديت من الأخير لكن ان شاء الله الخطوات مفهومه وبعدها لو حبيت لو حبيت تلمع الاجزاء المعدنيه بملمع يباع في الاواني المنزليه يستخدم لدلال القهوه وبعد ما تغسل المكينه وتنشف بشكل نهائي استخدم مزيل الصدأ للاجزاء المطاطيه والربلات والليات السوداء. وتتهنى بسيارتك، واذا مو معزم على الغسيل فتراه أبرك

اذا كنت صامل على الغسيل ومتخوف وهذي اول مره ، لبس علب الفيوزات

والدينمو والمكينة من فوق على الكويلات والامور الحساسة هذي

ببلاستيك او كيس او اي شيء عازل ، وبعدها خل الموتر 24 ساعة فاتح كبوته هذا اذا انت

متخوف مره وهذي اول مره تسويه ، اما وش مواد الغسيل ما ودي افتيلك لكن حبيت

اعلمك بالاشياء اللي تاخذها في بالك ، واذا كان فيه شيء ناقص يغطيه الرجال ياليت تضيفونه .

في شامبو  ينباع في ساكو  

اول شي تنظف المنطقة بماء حلوة و تنشفها بعدين اضيف عليها الشامبو و تنشفه بمنشفة فايبر او منشفة المطابخ اللي تنباع في السوبرماركت 

و شغل نظيف و تقدر تغطي المناطق المكشوفة قبل لا تبدأ 

لاتغسل لان بالنهايه بيجيك غبار وكانك ماسويت شي وثاني شي يمكن يسبب لكك خرابات على حسب فيه التماس او شي ثاني

وثالث شي محد راح يشوف المكينه وانت تمشي

في حل حلو .
١- تنفض المكينه من الاتربه والغبار عن طريق منفاخ الهواء
٢-ترش المناطق المتسخه ب ac delco او شبيهه
٣- تغسل المناطق المتسخه والمكينه باله البخار المستخدمه لكي الملابس . تجي طويله مثل المكنسه (لاتغسل بالماء )....هذي ميزتها تذيب زيوت بخاخ الاسي ديلكو ...
٤- تنشف ماتبقى بمنشفه عاديه بس سميكه شوي مع الحذر من قطع الاسلاك..
اعرف بعض الادوات ممكن ماتكون متوفره بس ارخص لك من محلات التلميع ..
يعطيكم العافيه جميعا

لا تغسل
انا كان معي سيارة صغيرة غسلتها من تحت بستم
والله ما شفت الخير بعدها
على طول انعدمت الجوزات او الركب يسموها
و بعدين عدمت لي طرمبة الماء
كله عشان الفحص الدوري
و في الاخير ولا دققوا فيها
خلها زي ماهي