أضف سؤال أو موضوع جديد          

انتبهو من الي يفتي من راسه

up 4 down 20



العلم سلامتكم

اليوم رحت لمكتب حجز تذاكر . المهم على اساس اني بحجز وقال لازم رقم الجواز . ودخلت ابشر وعطيته رقم الجواز
ولقيت حاله السفر: داخل السعودية

قدامي سعودين ملقوف كذوب مقطع اربع مسيلمة لو قعد معه بيرجع على الاسلام عن بكرة ابيه

يقول انت ممنوع من السفر ومدري ايش. وقام يخربط علي وانها قد حصلت له ضاق صدري وخاطري
ورحت لاقرب قسم شرطة بشوف علي تعميم ولا مطلوب ولا وش سالفتي
قال ماعليك شي وسالته ليه يطلع لي كذا : قال انت الحين داخل السعودية . ولو طلعت يطلع بدال داخل السعوديه خارج السعودة

قمت العن واسبسب الكذاب ذاك الي ضيق خاطري







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هههههههه اجل. داخل السعودية انت


up 0 down 3
جاي امس 416
قبل 8 شهر



ههههههه يارجال الحمد لله المفروض تستانس يوم الامور طيبة  والله قبل ما اقرأ ردك توقعت نفس الاجابة ان معناها انك داخل السعودية الآن بس الصراحة تخوف هههههه  


up 0 down 2
جبل شعيب 101
قبل 8 شهر



اولا انت وين مسافر ؟ اذا كان مسافر داخلي يكتفي بالهويه الوطنيه فقط
واذا مسافر الى الخارج يكتفي بجواز السفر ومدى صلاحيته لبعض البلدان
ثانيا جميع شركات الطيران لها مواقع على النت ادخل على الشركة وشوف لك اقل سعر او السعر اللي يناسبك وهل الرحلة مباشرة
او مباشرة ... والموقع يبن لك شئ وريح نفسك من المكاتب هي تأخذ عليك عمولة اصدار تذاكر



up 2 down 3
aaaammmm 77
قبل 8 شهر



مكاتب العطلات و الحجوزات كلها تقريبا بتقفل نفس ماصار مع كبائن الاتصالات. الان وانا اسوق سيارتي للمطار احجز رحلة دولية و ادفع و اختار مقعد و اطبع بطاقة الصعود. و وقف سيارتي وادخل المطار انتظر الرحلة وفي نفس الوقت وانا انتظر احجز فندق و اطلب سيارة تاخذني من المطار وكل شيء بالجوال


up 9 down 1
dell2012 870
قبل 8 شهر



صحيح ياديل بتحجز كل شي بنفسك ولكن مكاتب الحجوزات عندهم أسعار ماتحصلها بشركات المباشرة نفسها نفس وكلاء قطع الغيار والسيارات الجديدة

تروح تاخذ بفرق 30 الى 40 بالمية اوفر بكثير من الشركات المباشرة واذا الشخص يسافر مرة بالسنة ماتفرف معاه


معقولة تفرق معك ٤٠٪؜ الى ٣٠٪؜  مستحيل  ويارب توفيقك يرحم والدي ووالديك لا تجنني من هالاسعار  وانا على بالي الحجز عن طريق النت اوفر. ولكن هي بالعقل كيف اوفر المكتب وهو يأخذ عمولة عليك. وسوسة بي تكفى يا خوي 


طبعي
بعض المكاتب تلقى عنده عروض على السفر مثل الفندق والرحلة وغيره ماتكلفك خمسه الالف بس لوتحجزه بنفسك تتعدى هالرقم


قبل اسبوعين سافرت دبي وحجزت كل شي بالنت حتى يا اخوان المواقف عبر تطبيق تدفع بالتطبيق وتوقف سيارتك
والى يقول الاسعار غاليه في كذا مواقع زي بوكينج وغيره انت تشوف الى يناسب ميزانيتك احسن من الانتظار والطوابير

يا صاحب الموضوع احمد ربك ان ما عليك تعميم ووسع صدرك ولا تصدق احد الا نفسك


up 1 down 0
فـــ9ـــد 394
قبل 8 شهر