أضف سؤال أو موضوع جديد          

اسعار كراسي مكينة وقير

up 4 down 0
honda 2014 360
قبل شهر و 3 أسبوع



مساء الخير ...

اليوم مريت قطع الغيار من اجل الاستعلام عن كراسي
المكينة والقير
لان كان عندي رجة سابقا وكشفت عنها وقاوا لي الكراسي
عندك ( ناشفه )

نزلت الاسعار للفائدة .

1- كرسي امامي 1492 ربال

2- كرسي خلفي 1850 ريال

3- كرسي جربكس فوق 888 ريال

4- كرسي جربكس تحت 197 ريال

4427 ريال + 5% = 4648 ريال نهائي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الطف يارب هذا سعر مكينة !!


up 2 down 1
0abo_waleed0 25
قبل شهر و 3 أسبوع



ايش السيارة والموديل


up 1 down 0
الكاسر 1409 255
قبل شهر و 3 أسبوع



والله السعر جامد ، هل هذا قبل الخصم ام بعد 
وكم موديل السياره اتوقع ٢٠٠٧ وتحت ، لان قطعها اغلى من ٢٠٠٨ وفوق حسب كلام زميل لي 


up 0 down 1
m7md 33 601
قبل شهر و 3 أسبوع



وش السياره هذه ؟


up 0 down 0
عبدالله عبود 136
قبل شهر و 3 أسبوع



اكورد 2014 4 سلندر


up 1 down 0
honda 2014 360
قبل شهر و 3 أسبوع



والله السعر نار
جرب تطلبها من برا يمكن تطلع عليك بنص السعر او اقل


up 1 down 0
احمد 170 294
قبل شهر و 3 أسبوع



لو تروح محلات بالصناعية. تكون بنص السعر

لان عندنا ددسن دبل وانفجر الكفر الخلفي وخرب الفيبر الاسود الي يجي فوق الكفر

سعره بالوكاله 1400. واخذته من المحلات. بالصناعية 600 ريال


up 1 down 1
جاي امس 407
قبل شهر و 3 أسبوع



يارجال وش ذا الاسعار اقسم بالله انها اغلى من اسعار كراسي المكينه للاودي والمرسيدس من تجربه

اوف اوف ياستر وين ناوين يوصلون هوندا


up 1 down 0
اودي666 139
قبل شهر و 3 أسبوع



أعوذ بالله من الشيطان الرجيم


up 1 down 0
الهامبرا 59
قبل شهر و 3 أسبوع



طبعا ما حسبت الكرسي الخامس الي عند السير لاني سبق غيرته

لو اضفته السعر بيوصل 5000 ريال !!!

لمن غيرت الي عند السير الاحظ فيه زيت يعني الكرسي من الداخل ربل وزيت
شيكت على منتدى هوندا حصلت رابط لهوندا قطع غيار
السعر فرق عن الوكيل ... لكن تبقى مشكلة "" الوزن "" لمن تجي تشحنها
شركات الشحن في الوزن ممكن تكلفك قد قيمة القطعة او اكثر
بسبب الوزن




up 3 down 0
honda 2014 360
قبل شهر و 3 أسبوع



كان عندي دينه ايسوزو خرب الكراسي حق المكينه شريتها تجاري نضمون الواحد 75 ريال حبتين والتركيب عند واحد يمني ميه ريال
ما ادري ليش المبالغه في بعض الاسعار


up 0 down 0
ابوسيف 123456 -1
قبل شهر و 3 أسبوع



شوف ياغالي الاكورد من 2008 وفوق بعض قطعها أرخص من 2007 وتحت وبعض القطع نفس السعر

إلاّ كراسي المكينة سعرها دبل وزيادة
الهوندا اكورد من 2013 وطالع صارت أرسى وموفرة للوقود اكثر واكثرأمان بتوفير ايرباقات كاملة بشكل قياسي حسب علمي
وبمكيف خلفي وواسعة اكثر وووإلخ....وبصراحة رغم بحثي عن سيارة بنفس فئتها تتفوق عليها لكن ماوجدت
(جودة +أمان + توفير وقود)

والشركة الأم قررت تسترجع تكاليف التطوير والأبحاث من جيب المستهلك عن طريق رفع أسعار بعض القطع ،، هذا استنتاجي
لكن المبالغة بشكل جنوني غير مبررة أبداً وخصوصاً على قطع شبه استهلاكية مثل كراسي المكينةخصوصاً مع شوارعنا المكسرة

لكن الطامة الأكبر هي المبالغة الأكثر من جنونية الموجودة عند وكالة عبدالله هاشم بصراحة تخطت كل الحدود
ومااتوقع توجد وكالة لهوندا في العالم تبيع بأسعارها

شفت موضوعك أمس ومريت محلين قطع غيار في شمال جدة وسألتهم عن طقم كراسي المكينة لنفس سيارتك
طلع الطقم كامل ب1920 ريال أصلي أصلي بس نسيت اسألهم طقم كراسي القيربوكس لكن اتوقع تطلع بحدود ال500 ريال

يظل السعر مرتفع لكن فرق كبير بين سعر الوكالة ومحل قطع الغيار تقريباً نص السعر
كل أسعار قطع الاكورد من 2013 وفوق الإستهلاكية اشوفها معقولة إلا كراسي المكينة والقير عجزت تدخل مخي

سعر طقم كراسي مكينة أصلي + طقم كراسي قيربوكس أصلي للاكورد 2007 مايتعدا ال1000 ريال
وسعرها في الوكالة قريب 2000 ريال ، تذكرت مقولة مهندس باكستاني كان يشتغل عند عبدالله هاشم وفتح ورشة لحاله
وكنت اشكي له من بعض الوكلاء قال: عبدالله هاشم هرامي نمبر ون :)

أرخص محلات تبيع قطع غيار هوندا أصلي وتجاري في جدة وصار لي سنين أتعامل معاهم :

العربية لقطع غيار هوندا ومركزهوندا موقعهم حي النزهة شارع سلطان بن سلمان قريب من محطة الفحص الدوري
بإتجاه الغرب كأنك رايح على طريق الأمير ماجد على يمينك مركز هوندا وعلى يسارك محل العربية

عندي كروتهم عليها أرقامهم لكن مضيعها لو لقيتها بحط أرقامهم هنا



up 1 down 0
nader2002 1625
قبل شهر و 2 أسبوع



لقيت الكرت تبع محل العربية : جوال/ 0502336850 اسم الموظف صلاح عبدان


up 1 down 0
nader2002 1625
قبل شهر و 2 أسبوع



توني اخذتها 
اصليه من قطع الغيار
اللي فوق ب 500
و اللي تحت 150 
حق القير


up 0 down 0
عز العمري 1
قبل 2 أسبوع و يوم