أضف سؤال أو موضوع جديد          

تم تغيير زيت قير نيسان صني 2016

up 9 down 0
الـقـنـاص 1143
قبل شهر و 2 أسبوع



الأخوه الكرام
السلام عليكم و رحمة الله وبركاته
أنا صار لي فتره ودي أغير زيت القير لسيارتي صني ٢٠١٦ ومع الأسف
الكتالوج مافيه بيانات واضحه كلها رموز ولاتعرف ايش يقصد بها هل القير العايدي او التماتيك
لفيت كثير مواقع ما حصلت مواضيع تتكلم عن هالشي
عموما سألت بترومين متى أغير الزيت قالو كل ٦٠ الف كيلو
واليوم بعد مامريت وكالة العيسى طلع انه يتغير على ٤٠ الف !
وسألتهم وش نوع الزيت قالو زيت اسمه ماتيك اس matic s
وقالو مكتوب ع الكبوت من داخل وفعلا حصلته استيكر
تاخذ ٣ لتر والبلف مايتغير ابدا لأنه عباره عن شخال حديد فتحاته صغيره جدا
علشان يمسك الرايش
ادور زيت باللتر مافيه ماعندهم الا جالون ٢٠ لتر سعره ٧٥٠ ريال !! سلامات وش اسوي في ١٧ لتر الباقيه ؟
تركتهم ورحت قطع الغيار برى ماحصلت الا واحد فقط يوزع الجالون في جراكل سعة ٥ لتر ويبيع اللتر ب٥٠ ريال !
اضطريت اشتريه ب٢٥٠
المعاناه جات الآن في البحث عن ورشه تغير الزيت بصراحه يا اخوان انصدمت كل الورش تتهرب من انهم يغيرون الزيت
من الساعه ٩ حتى الساعه ١١ وأنا أبحث عن ورشه ترضى تشتغلها كلهم يقولون نيسان مانشتغله وقيرها حساس
في الأخير واحد فقط وافق بشرط اني اسجل في الفاتوره انه مايتحمل شي لو خبط القير
واضطريت اوافق
عموما لازم ينفك كرتير القير وتحصلون داخله ٢ مغناطيسات تمسك الرايش
ومالها معيار للزيت بس فيها طريقه ذكيه بصراحه مسمار السره فيه ماصوره طولها تقريبا ٦ سم مجوفه
تعبي الزيت اي كميه عادي لو ٥ لتر مافيه اشكال وتعشق النمر وتجلس ع كل نمره دقيقه بعدها تحط القير في ال P ويفتح السره
الزيت الزايد راح ينزل حتى يوقف كذا أنت عبيت إحتياج القير بالضبط من الزيت نفس نظام الأفالون
الي تشوفونه في الصوره الأولى هذا فلتر القير ولا يتغير


الصوره الثانيه هذا جالون الزيت ونوعه
والحمد لله القير من افضل مايكون
آسف اذا طولت والكلام ملخبط لأن اكتب الموضوع من الجوال
والسلام عليكم . . .








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نفس طريقة تغيير زيت الجربكس لجيب اكسبلورر . و مو شرط تفتح الكارتير طالما مابتغير الفلتر


up 1 down 1
amer ahmed 386
قبل شهر و 2 أسبوع



هلا اخوي أمير .. ضروري تفك الكرتير لأن الزيت ماراح ينزل لو فكيت السره لأن مثل ماذكرت لك فوق إن السره راكب فيها ماصورة تقريبا طولها 6سم الزيت الزايد يطلع منها فقط
وفوق هذا علشان تنظف الرايش الماسك في المغناطيسات وسلامتك ...


up 1 down 0
الـقـنـاص 1143
قبل شهر و 2 أسبوع



شغلك سليم أهم شي يتغير الفلتر.

بالنسبة للمعايرة الصحيحة لابد من النقاط التالية :
لاحظ بعد تمرير كل الغيارات :

١- تكون السيارة في درجة التشغيل الطبيعية.

٢- تكون السيارة شغالة.

٣- تكون في وضعية N.

٤- تكون على أرض مستوية تماما .

بعد ذلك تفتح المسمار يحتى ينزل الزيت الزايد ، اذا بدأ الزيت يسيل تسييل خفييف كفل المسمار وتوكل على الله


up 2 down 1
7
قبل شهر و 2 أسبوع



اخوي عبدالله ارحب الله يحييك
الفلتر ابدا مايتغير حسب كلام الوكاله نفسها الا في حالت جاته دقه فقط
وكل ماذكرت تم فعله والحمد لله مشيت الآن حدود ١٠٠ كيلو والأمور طيبه
شكرا لك


up 0 down 2
الـقـنـاص 1143
قبل شهر و 2 أسبوع



نفس الي صار معي مع العيسى
ياانك تاخذ البرميل كامل ولا مع السلامه!!
بس مريت بترومين وسألتهم واذا ماني ناسي
ان عندهم علب زيت مو نفس نظام بترومين
والفلتر سعره200ريال وعلى كلام الموظف مايتغير
الا اذا ماشي 200الف او اكثر المهم تركتهم واخذت فلتر مكينه وطلعت
انصحكم ببترومين اسعارهم اطلق مليون مره من العيسى وفروعهم فاضيه
كنت استهين فيهم بنشر وماسك وكاله بس طلعوا ماهم بسهلين اطلق من العيسى


up 3 down 3
d7ooom777 428
قبل شهر و 2 أسبوع



تمام على المعلومات والتجربة المدعمة بالصور لكن استفسار هل هونداي نفس الطريقة انا رحت لورشة وغير لي فلتر وزيت  لسيارتي النترا  ،،  هالكلام زمان 


up 1 down 0
جبل شعيب 99
قبل شهر و 2 أسبوع



وإن شاء الله تمشي امورك تمام 


up 2 down 0
جبل شعيب 99
قبل شهر و 2 أسبوع



بالنسبة للاكسبلورر المسمار ابو 6 سم يكون موجود داخل صامولة.
فاذا تبغى تغير الزيت تفك الصامولة بالكامل فيخرج كامل الزيت. ثم
تركب الصامولة وتفك المسمار الصغير تبع المجرى او المعيار اب 6 سم الموجود
داخل الصاموله الكبيره . و منها تعبي الزيت و تشغل السيارة و تعايره ين يخرج الزيت الزايد
من المجرى و تقفل المسمار الصغير.



up 1 down 0
amer ahmed 386
قبل شهر و 2 أسبوع



ما يتغير الفلتر اذا كان داخل القير


up 0 down 0
mfh2009 197
قبل شهر و 2 أسبوع