أضف سؤال أو موضوع جديد          

ماهو الحل بنظرك . مع هؤلاء الركاب.

up 4 down 3
theuk1984 838
قبل 3 سنه



الكثير منا بالطبع له اصدقاء واقرباء وأعزاء يركبون معه بالسيارة وكذلك
عمال للبيت سباك او كهربائي اوفني دشوش وووو، يركبون معه من المحل للبيت واعادتهم للمحل مرة اخرى.
والكثير يرغب ان يحافظ ويعتني بالسيارة كما يعتني ببيته ونفسه. لـــــــكن،،،

المشكلة :
1: ان كثيرمنهم عندما يركبون معك بل كلهم يقفلون ويضربون ويغلقون الباب
بكُل جهدهم وقوتهم لدرجة تهتز السيارة والديكور معها. من شدة العنف.والغلظة.

2- كثير منهم يدخن السجائر بدون احترام اواعتبار لك ويملئ السيارة بالروائح المزعجة والتي تستمر حتى بعد نزوله.

3- كثير منهم يملئ الارضية بمخلفاته من الاوراق والمناديل وعلب المرطبات والعصائر والالبان وغيرها.

كل النقاط 3 الماضية يفعلها قبل نزوله من السيارة .ولللاسف لانستطيع محاورتهم
لمعزتهم او حاجتنا اليهم...

ماهو الحل بنظركم مع هؤلاء. وهم اخوة واعزاء واصدقاء واقارب.

والله المستعان.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بسيطه في حلين
صدقني حتا انا عانيت من ذا الشي فتره
لازم يكون معاك سياره ماتهتم فيها
تتوسخ يخلعو الباب يدخنو عادي
وسياراتك المحترمه إلى يركبها
حش رجله حش
الحل الثاني
بيع كل سيارتك وروح ليموزين وطفي حرتك فيم


up 2 down 11
حسن عيسى 3722 -12
قبل 3 سنه



رقم واحد وثلاثة وسع صدرك لاكن رقم اثنين اسمحلي اذا ماعندك ثقافة الاحترام ما اعرفك ولا ابي اشوف رقعة وجهك.


up 4 down 1
مشاري557 272
قبل 3 سنه



بالنسبه للعمال سباك وغيره اتعامل مع مؤسسة عندهم سيارات أو اقل شي دباب يوصل للبيت
اذا ماعندهم مشيت وخليتهم.والمشكله يصلح عندك بمبلغ وقدره وانت تروح به وتجيبه وعساه ينزل ريال شغل يده.


up 0 down 0
ابونادر2030 59
قبل 3 سنه



بالنسبة لرقم 1 مالها حل. حتى الوالدة تقفل الباب بقوة اقلها بالهداوة على الباب ، تقلي انت كذا عودتني اقفل في الكرسيدا هاهاها - كان عندي باب كرسيدا مايتقفل الا من رابع مرة .
بالنسبة لرقم 2 . اما انك تعتذر منه و تقله انك عندك حساسية من الدخان. او انك تفتح النوافذ لين مايخلص عشان لاتشم الدخان معاه و لا السيارة تمسك الريحه مع المكيف و النوافذ مغلقه.
و النسبة للامور الثانية . اذا بتركب عمال مثلا . افرش فرشه قبل مايركبوا. او لبس الكراسي تلبيس و خليه ينعدكم و بدله كل سنه.
انا معلم الولد انه ما يطلع الله يكرمكم بالجزمه فوق الكراسي. و الحمدلله تعلم و صار اي طفل من الاقارب يركب يسير ولدي مسؤول عنه انه مايضع جزمته فوق الكراسي حتى لا يوسخها لانها فاتحه
و مخمل تمسك وسخ بسرعه.


up 2 down 0
amer ahmed 566
قبل 3 سنه



السالفة بسيطة بس يبي لها طول بال أولا و أخيرا و تترك عن العصبية
ثانياً اي واحد يركب معك قل له لو سمحت التدخين ممنوع واذا صار يعاندك قولها بكل بساطه لو سمحت انزل من السيارة اما اذا تخاف تخسر زباينك فلابد تتحمل


up 1 down 1
chevrolet zr1 611
قبل 3 سنه



عاد اذا انت تستحي بكيفك من ناحيتي شيل اغراضك معك ولاتدخن لاني ماحب الدخان


up 0 down 0
7amood1930 182
قبل 3 سنه



لكن هل فيه دليل علمي ان اغلاق الباب بقوة يسبب الضرر للسيارة؟ ما اعتقد لان المفاصل و الباب حديد ما يضره


up 0 down 2
fassuly 18
قبل 3 سنه



الدخان خط احمر , حتى لو قريبي ويعز علي , وماهناك احراج ابدا
قله اذا حبيت تدخن , قلي عشان اوقف وخذ راحتك

بخصوص النقاط الثانيه
ماتضر ان شاء الله ومش الامور ووسع صدرك مثل ماقالوا الاخوان


up 0 down 1
ابوخالد1397 2888
قبل 3 سنه



الحل في نظري طول بالك
إذا على البيبان( الباب بداله خمسين باب)
إذا على الأوساخ( نجد المراتب وكيس الأرضيات)
إذا على الدخان( لا تجامل فيه مهما كان)

بالنهاية لا تدقق كثير وانبسط والله إني متندم على ضياع وقتي بالاهتمام الزائد بسيارتي وسلامتك


up 2 down 2



والله ياطويل العمر من ناحيتي ما احد يدخن في الموتر نهائياً ، والمخلفات والزبالة وانتم بكرامة اكلم كل واحد يشل قمامته ، اما صكت الباب اللي ما يمديك تردها ولا تنترقع بس تقول ياولد شوي شوي على الباب بس ما ينفع الكلام

بعد ما رجد بالباب ، وكل الكلام اللي اقوله هذا لهم ناس اعزهم ومثل الاخوان اما تستحي منهم على غلط مسوينه ! كل اللي ذكرتها مايسويها الا واحد ما يستحي منك ولا لو انه يستحي ما سوا اللي ذكرته ، الحل لا تستحي =) .


up 2 down 0



الحل :
1: قبل مايركب اقول له بشويش على الباب والا رح تنزل محلك

واصلا اذا طبعك ماتجامل الكل بحترمك لانه يعرف نظامك واسال مجرب

2- المدخن يركب معي ويمشي على نظامي لاني ماادخن

واذا ماعجبه لايركب ولي اقارب واصدقاء مدخنين ويعرفون نظامي .

3- الاكل ممنوع عندي بالسياره لازم اوقف

اما الشرب فعادي اذا كانو بشر

اما بهايم الكل صايم لين اوصل المكان اللي نبغاه .

الاغلبيه مارح يعجبهم كلامي لكن اللي مايحترم الناس وينقل صوره عنه طيبه والا يروح لسلة المهلات لانها مكانه .


up 1 down 3
abdulaziz al-malki 981
قبل 3 سنه



يعطيكم العافيه جميعاً مع انكم شدبتوا بالموضوع وهو سهل 

دائماً الكلمة الحلوه والطيبه تنهي كل المشاكل 

فلذلك ياخوي قبل مايركب قوله بكلمه حلوه لطيفه بشويش عالباب مع دعوه مثلا الله يرضى عليك وكذا 

وبالنسبه للتدخين نفس الشي 
وللاوساخ نفس الشي

وانا بسيارتي مسموح التدخين لاني ادخن والله يفكني منه ( دعواتكم ) 
لكن ربعي مايدخنون ومايرغبونه وطلبوا مني باحترام ولطافه لاتدخن وقلت تم 
يا اقولهم بلاقيكم بسيارتي للمكان الي بنروحه او اطلع معهم واتحمل للمشوار 

وبالنسبه للباب خوي توه شاري بي ام ابواب شفط ، من بعد اكورد ٢٠٠٧ 
من بعد التصفق والتدخين معه وكان يدخن بس قطع 
صار كل ما جيت اركب تعود يذكرني بشويش الباب خخخ 
حتى لو انزل بقاله وارجع اول ماركب ولا انزل يقول بشويش خخخ ومشى معه الوضع 

وانا اخوك لاتدقق واجد ، صفقة الباب وضعها بسيط ماتخرب بسهوله وانت كلمهم بلطافه 
والتدخين اذا انت ماتدخن ( حق من حقوقك تقوله لايدخن ) 

وبالنسبه للعمال اخونا فوق عطاك اقتراح حلو ، خذلك فرشه صغيره لاجاء عامل حطها 
وماتوقع كل يوم بتاخذ عمال ، قليل هالموضوع والفرشه تكفي 

وبالنسبه للوصخ عاد الله كريم خاصه اذا ركبوا معي اطفال وبالسيت الخلفي مهما تتكلم مايفيد ، مع اني حاط كيس اوصاخ بالسياره 
اضطر بعد المشوار اشيل الاوصاخ 

وبالتوفيق للجميع 


up 0 down 1
m7md 33 1155
قبل 3 سنه



في املاكك الخاصه انت من يضع الشروط..
١/ممنوع التدخين ف السياره..اي يشخص يطلع الدخان ويبغى يدخن..قول له لو سمحت ممنوع التدخين.. اللي يرضى يرضى واللي يزعل لايهمك..
٢/اي عامل يركب معك وهو يركب بشويش ب الباب..او حتى الاقارب..قوله ب استهبال بشويش ياعنيف..لاتجيبها كأنك تعطي اوامر..واللي تحسه بيصك الباب بقوه قبل ينزل قول له قفله بشويش..
٣/الاكل ف السياره..قبل ينزلون من السياره..قول لهم الله يعطيكم العافيه نشل الاكياس والعلب..وكل واحد بيشل اغراضه..
٤/النقطه ٣/٢..هذي لازم تكون مرن فيها..والعامل قوله قبل يقفل الباب بشويش وحرص عليه اذا نزل..والاكل لازم تحصل شي بسيط هنا وهنا..عاد شله انت..
النقطه ١/هذي لازم تكون صارم فيها..الى حد ما..مجرد رأي..3Z


up 1 down 0
.ابوظافر 52
قبل 3 سنه



شف وانا اخوك خذها نصيحة من اخو يحبك في الله ويبي مصلحتك وراحة بالك


ترى كل الاشياء اللي ذكرتها عايدية وتقدر تتصرف معها بلطافة وبدون ما تشيل هم وتجي تسدح موضوع وكنك متعسر ولا متنكد ولا ميت لك احد


اولاً التدخين بكل بساطة اذا انت منتاب راعي دخان او راعي دخان بس ما تدخن في سيارتك عشان ماتمسك الريحة اذا شفت احد بيولع زقاره قل ماعليش بس عشان ما تعلق الريحة في الموتر ولا في المكيف خل لين نوصل ودخن ولا اذا المشوار بعيد وقف وخله يدخن واركبوا مرة ثانية وانتهى الموضوع ولو انها خذ العلم مني انا رجال ولله الحمد منيب ادخن ويركب معي من فترة لفترة واحد يدخن واسمح له عادي افتح الهواية بس وما قد علقت في سيارتي ريحة دخان ولله الحمد فهذي بسيطة


وموضوع ينطل علبة موية ولا منديل انا بسألك الآن انا جيت وسحبت منديل ورميته تحت ولا قارورة موية مقفلة او مخلصة العلبة ورميتها تحت ثمن شلناها تأثرت السيارة جاها شي خربت ؟ ماصار شي علبة تنطل وتنشال ماعليه أي اثر ابد ولو افترضنا نقط عصير مثلاً على الديكور وجبت منديل ومسحته صار شي قلب الديكور ؟ ترى عادي ياحبيبي كل الناس يصير لها كذا ولو نفكر بهالطريقة بعد بقولك ليش توقف موترك في الشمس ترى مايعدم الديكور الا الشمس اذا لزخته بكذا بنزبن مواترنا في البايكه ومناب مطلعينها وانت شاريه عشان تستعمله وتستانس ولا عشان تغث عمرك لين انكب شي ولا رموا شي طبعاً انا منيب معهم ولا تعتقد اني ادافع عنهم انا ضد هالشي ولله الحمد ما اسويها في مواتر الغير حتى لو اشوف موتره مزبله اشيل اغراضي وارميها في الزبالة الا عاد اذا نسى الواحد هذا شي ثاني


وبعدين ياخوك كبر عقلك عن التدقيق في هالامور بكره بيجيك بزران ان الله رزقك ان شاء الله وتزوجت او كانك متزوج الله يرزقك والبزر مسيكين ما يعرف يركب لين يوطى المرتبة وجزمته مليانه تراب وبينكب منه عصير وبيجي يوم رضيع وبيستفرغ الله يكرمكم أطفال ذولي بعد يعني بتعصب عليهم ولا بتتضايق وفر الزعل وانا اخوك لاشياء اكبر وترى على فكرة مع الاستخدام حتى لو انك محافظ طبيعي يتوسخ الموتر يعني المراتب بعد فترة تلقى فيها سواد بسيط الديكور شهب شوي من الشمس والاتربة الخ ..... وترى كل الدعوة تلميع كل مثلاً سنتين ب300 ريال وبعدين كم بيقعد معك الموتر يعني اقصاها عشر سنين عقبها بينتهي عمره الافتراضي وبيبدأ يطلب وماعاد تثق فيه مثل اول لوك تمشيه دحدره وترى قبل يومنا صغار سويناها في ابوانا وحنا بزران ماعصبوا ولا زعلوا علينا


استخدم استخدامك العادي يخوك ووسع صدرك ما اقولك زق في الموتر تكرم لكن خلك طبيعي يعني لا مهمل ولا محافظ بزيادة اللي يخليك تتضايق على صكة باب ولا رميت منديل ولا مدري ايش


موفق


up 3 down 2
a.ibrahem 3167
قبل 3 سنه



بكل بساطه اخي بما انه راكب سيارتك لازم يحترمك يحترم محافظتك على السياره من كل الناحي ... لازم تكون صريح معاه الصراحه راحه ...
في منهم رح يزعل شوي لاكن صدقني رح يعرف انك تعمل الصح و رح يحترمك


up 4 down 1
nescafe 66
قبل 3 سنه



ع كذا يبي لك اتفاقيه على الباب تلصقها بالعربي والانلجيزي
واي واحـد يركب يوقع لك عليها بالموافقه ههههههههههههه

ياعزيزي وسع صدرك والحياه مستمره بالزين والشين

وقفت على انه يقفل الباب بقوه او يدخن بالسياره

اذا ماجاك منه شررر كثر الله خيرره




up 2 down 3
aboahmed2014 1168
قبل 3 سنه