هل مخالفات الحزام تتدبل

واقعيا في ابشر تتدبل بعد شهر  ولكن فعليا اثناء التسديد بموقع البنك لا تدبل من واقع تجربة 

ان طعت الشور سددها الان ولا تخليها تتراكم عليك. اكثر الناس الي يتساهلون في التسديد يتورطون بعد كم سنه ب ١٠ و ٢٠ الف ريال ووقتها يحتاجون يسددونها دفعه وحده عشان يخلصون اجراء حكومي.
نصيحتي لك سددها الان عشان تضمن انها ما تتدبل ولعلها تخليك تحرص على الحزام اكثر.

سددها الآن أفضل لك ..

لا تخلّيها تتراكم مثل كثيرين عليهم ستين وسبعين ألف ولاهمهم مستمرين ماشاءالله عليهم بعد كم شهر تلقى مخالفاتهم عدّت المئة ألف .

مثل ما قالوا الشباب ، اعرفلك واحد جاء بيطلع موتر قالوا عليك 5 آلاف ، وهو معه ميزانية للموتر لكنه عجز عن 5 آلاف حقت المخالفات .

حسب النظام الجديد مدري طبق او لا لوصلت لمخالفاتك 20 الف تتوقف خدماتك

مشكورين ياشباب كلٌ باسمه مع انكم ما جاوبتو على السؤال الاصلي. بس يالله شكلي بسدد و اريح راسي

فصولي حلوة هذي انا جاوبتك على سؤالك. 

اخوي هبوب الشمال ما في شئ رسمي صدر بهذا الموضوع ومن اتيت به لانها إشاعة انتشرت ولا تفتح أنظار الغير علينا ما حنا ناقصين وتأكد لو طبق فعليا فهناك نسبة ٣٠٪؜ الى ٤٠٪؜ سوف يتضررون والله اعلم  وخلنا واقعيين طيب هو يدفع بالاخير لكن لا تربطه بمبلغ معين 

جتني مخالفة حزام رصد الي مدري كيف ووين لكن قعدت شهر ونص وبعدين جتني رسالة سدد ولاتتدبل وسددتها فقط ١٥٠ ريال  

اخوي جبل شعيب ودي أزور هالجيل  وعموما انا جتني مخالفة وقوف خاطئ وقبل نهاية الشهر جتني رسالة تقول سدد او ترتفع للحد الأعلى وطنشتها وبعد شهرين نويت اسددها وسددت وطلعت ١٠٠ وليست ١٥٠ 

نصيحة اخو : اي واحد عنده مخالفات حديثة يسددها على طووول لايقعد يدخل نفسه في مغامرات يمكن ومايمكن ،،، وبالنسبه لمخالفات الوقوف الخاطيء او الحزام كلها ماتتجاوز الــ 150 ريال بس ماهي مليووون علشان الواحد يجلس يفكر ويضرب اخماس في اسداس يسدد ولا مايسدد ،،،
الزبده سدد من بدايتها وريح راسك ، وحتى لو افترضنا انها ماتتبدل ( وطبعاً هذا الكلام غير صحيح ) لكن خلينا نفترض جدلاً انها ماتبدل اللي بيصير طال عمرك انك راح تتساهل في سداد اي مخالفه راح تجيك بعدين ، حتى يصبح المبلغ جامد لدرجه انه احياناُ يعادل اضعاف قيمه السياره التي انت اوي تشريها ،،،
اعرف ناس وصلت مخالفاتهم من 20000 وما فوق بسبب انهم تساهلو من البدايه ولايدري وش يسوي وتلقاه يعض اصابع الندم بسبب انه ماسدد المخالفات من بدايتها ،،،
والله يكون بالعون ، وسلامتكم .