أضف سؤال أو موضوع جديد          

لم اودعها الا بنظره استهزاء وبسمه ساخره واليوم ابكي شوقا اليها

up 20 down 3



السلام عليكم ....  عندما بعتها نظرت لها اخر نظره با استهزاء واليوم ابكي مشتاق لها وكانها تقول لي ستعرف قيمتي يوما ما وفعلا ... اخواني وخاصه اصحاب السيارات الجديده 
اذا فكرت تبيع سيارتك الى هي على قد حالك وتفكر انك تشتري سياره فخمه فا اسمع الكلام

انا كنت امتلك مازدا ٢٠١٤ يعلم الله اني افك الكبوت بعد ٦ اشهر واشوف مويه الديتر مانقصت من النظافه 

غزني الشيطان وفكرت اني ابيع وادور موتر فخم وصار الى صار تندمت ندم كل شوي حساس خربان غير البنزين الغالي الى ذبحني

وش استفدت من كل هاذي الخساير عشان الناس تقول واو سيارته كشخه وربي متندم ندم 

فاقد في سيارتي القديمه بساطه التكنلوجيا و فاقد صرفها في البنزين الذي انسى متى اخر مره عبيتها وفاقد كل شي فيها 

تخيلو سيارتي الفخمه اعبي زيت مكينه زيت قير زيت دفرنس يعني صررررفيه بالفلوس 

عكس سيارتي القديمه المازدا اعبيها زيت مكينه وامشي والبنزين كان يكفيني الف كيلو في الخطوط 

تندمت على بيعتي لها وش فادني الكبر بس ماراح استسلمً ان شاء الله ابيع السياره الى معي واشتريها دعواتكم يصير الى في بالي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الحمدالله على كل حال


up 0 down 0



هههههههههههههههه

أعجبني عنوان موضوعك أخي العزيز

الله يوفقك ويرزقك ويصبح راس مالك 100 مليون وماتركب إلاّ مايباخ ..

ذكرتني بمقولة :

ستذكرني إذا عاشرت غيري وتبكي على عشرتي زمناً طويلا


up 3 down 0
jakwar2004 386
قبل سنه



جرب غيري تعرف قديري اهنيك عالطرحك للموضوع وهذا الي
مخليني اتردد اطلع سيارة جديدة


up 3 down 0
yasser77 709
قبل سنه



لذلك احبتي السيارة وسيلة وليست غاية فهي للتنقل ليس الا
هناك بعض الاشخاص ( ومن حقهم ) يطلعها للمنظر أو للكنلوجيا المتوفرة الحديثة وماشاء الله ربي موسع عليه بكيفه وربي يبارك له بس بالفعل السيارات القديمة التكنلوجيا فيها قليل وخرابتها معروفة ع العكس من الموديلات الحديثة وقطع غيارها نااار


up 3 down 1



صدقت  الواحد يستخدم على قد ميزانيته ولا يكلف نفسه والاهم شيء نضيف ويريحك من الخرابات والورش  حتى لو مافيها فخامة  الا اذا الواحد ميزانيته تسمح  فلا بأس  


up 2 down 0
جبل شعيب 101
قبل سنه



انت سالفتك مثل اللي طلق ام عياله
وتزوج له وحدتن شقراء راعية سفريات واتكيت وابتلش فيه


up 5 down 0



اشكرك ياخوي مهراس على موضوع الجميل .. 
واشكر الاخوان جميعا على تفاعلهم مردودهم الجميله 
وخاصة اخوي باترول ٢٠٢٠ .. لانه جد ضحكني 

وفعلا الشعب عندنا لو يترك البهرجه والمهيطه وشوفة النفس كان حنا بخير ولا كان تشوف مشاكل 

عموما الله يرزقنا جميعا ، ويهدينا لما يحبه ويرضاه


up 2 down 0
m7md 33 1047
قبل سنه



وعليكم السلام ورحمة الله 

تطبيق للمثل : مد رجولك على قد لحافك


بالفعل عندي حلم للان اشتري سيارة سبورت
مرسيدس CLS اول جيل سيارة مميزة بالنسبة لي
و لقيت مستعملات على ٣٠ الف يا بلاش
بس الخوف من الندم و المستعمل مهما كان نظيف
يحتاج صيانة و اذا سيارة فخمة او غاليه بوقتها
بتتعب من مصاريفها
ابقى على سيارة ٤ سلندر موفرة و استاندر و مرتاح
و لا مستعمل فخم او حتى جديد و تروح فلوسي رعاية للفخامة


up 0 down 0
1405-1985 942
قبل سنه



وعليكم السلام ، ليش طلقتها هههههههههه ، ان شاء الله ترجعلك =) .


قد حصل لي نفس الموقف بعت سيارتي وهي نظيفة وماشيه قليل لانها كانت 4 سلندرمكثت معي 3 سنوات لا تشتكي من شئ
والسبب كان التغيير الى سيارة 6 سلندروياليتني لم افعل السياره الجديده حصل لها حادث قبل لاتتعدا 2000 كيلو بعدها بزارين
الحارة كسروا الزجاج الامامي وبعدها روست على حاويه بلديه وانكسر الزجاج الخلفي وبعدها ماء المكيف يصب عند رجول
الراكب الامامي .. ويبدو لي ان عين اصابتها والحين افكر في بيعها لكن ما اقول الا الحمد لله على حال قدر الله وماشاء فعل


up 1 down 0
aaaammmm 119
قبل سنه



نفس اللي حصل معي -بس الحمد لله


up 0 down 0
عمده33 1652
قبل سنه