ابي ابيع السياره بس الاستماره منتهيه

انت افحصها فحص دوري واذا جيت تبيعها اللي بيشتريها منك قله ترا الاستماره مطوفه 4 سنوات فيها 4 ميه ريال قله التجديد عليك علشان مايلحقك شي لن الاستماره بتتجدد بااسم المشتري وليس البايع اذا المشتري ماعليه اي مخالفات
بس اذا شريت سياره عاد الله يعينك لزم تسدد المخالفات علشان تنقل بااسمك السياره

يعني لازم افحصها ؟

تبيع و عليك مخالفات عادي
بشرط الاستمارة تكون صالحة
يبيلك تدخل رقم الاستمارة بالصرافه
و اضغط تجديد رخصة سير
يطلع لك المبلغ المطلوب تسديده من المرور
كامل التجديد + التطويف مبلغ واحد
ثم لازم تسدد المخالفات ٢٥٠٠
و الفحص الدوري مع الاعادة اذا سقطوا السيارة ١٠٠ ريال
ثم تقدر تبيع السيارة لازم ورقة الفحص عشان المعرض يسوي ورقة مبايعه
و تنتقل السيارة باسم المشتري و ترتاح

شوف كم تسوى قبل اي خطوة

ممكن طريقة اول رد مختصره و اقل تكاليف
اتفق مع المشتري الله يسهل عليك

طيب اذا ابي ابيعها تشليح لازم اسدد المخالفات و اجدد الاستماره؟

اي اهم شي مافيها تهريبات تحت وانوارها شغاله والفلشر والمساحات ووزن الاذرعه كويس والقزاز يسكر ويفتح بعدها بتمشي بالفحص
اي لزم تفحصها علشان ترتاح مايطلبون منك فحص دوره ثم المشتري يطفش وصاحب المعرض يستقعد لكم لزم فحص دوري ولا ماتتم البيعه
بس اذا اشتروها لزم تقعد السياره بالمعرض يوم على مايجددونها لن الاستماره منتهيه وصعب تنقل نقل فوري لو امورك كلها بسليم تنقل بالنفس اليوم وتاخذ فلوسك

اول شي افحص موترك بنفسك عند الفحص الدوري اذا اخذت ورقة الفحص

روح للصرافه وحط خدمات حكوميه وبعدها خدمة المركبات

ودخل الرقم التسلسلي حق السياره ببعدها يطلع لك المبلغ كامل 

التجديد 300ريال التاخير عن كل سنه 100او 150 ريال نسيت كم بضبط 

بس قبل لاتجدد لازم تسدد مخالفاتك 
2500مخالفات+300تجديد+100او 150 تاخير عن كل سنه 
تقريبا المجموع الكلي 3500ريال 

على حد علمي المخالفات المرورية تقدر تبيع لكن ما تقدر تشتري غير لما تسددها كاملة 

و البيع لازم له فحص دوري  بدونه ما تقدر تسوي شي.  انت اتفق مع اللي بيشتريها منك وان شاء الله سهالات 

و نصيحة لوجه الله حاول انك لا تخلي المخالفات تتراكم لأنه مع المدة تدبل 

تقدر تبيع اذا عليك مخالفات
بشرط الاستمارة غير منتهية
اما الفحص الدوري شرط لاتمام البيع
الا للسيارات الجديدة اخر موديلين او ثلاث