تجربة شراء كفرات جينيو الصينية 2018

9 2

لايمكنك التصويت حتى الحصول على 20 نقطة على الأقل
إضغط هنا للإخفاء

yasser77 712
قبل 5 سنه و 7 شهر

في ظل ارتفاع الاسعار والشوارع المكسرة والحفر اللي ما تخليك تتهنى بالكفرات الجديدة وتفرح بها ساعه ياتنحذف الطاره يا يحبل الكفر كانك يا ابو زيد ما غزيت قررت اشتري كفرات صينية وبعد التمحيص والتفحيط لقيت افضل شي كفرات جينيو الصينية ابو فيل علامتها تشبه ماشيلان المهم سيارتي كامري2013 قلت خن اخذ لفه على شركات الكفرات المعروفة مثل سموتومو وهانكوك ونكسن وتويو تفاجات اسعار الكفرات من 360 الى 420 ريال للكفر الواحد جنط 16 v95  التراكشين A والتماسك A والتاكل 300
فا قلت والله حرام اكع ذا المبلغ وحدي في الكفر يا 60 الف كيلو يا سنه واغيره فا رحت لوكيل كفرات جينيو الصينية شركة الاطارات المتحدة في كيلو 3 وطلبت مقاس الجنط وطلع نفس مواصفات الكفرات الي ذكرتها فوق وتاريخ انتاجة  2018 وضمان سنه انحسب علي الكفر بي 137 ريال شامل الترصيص والتركيب
فا قلت اذا هذا الكفر الصيني v95 بنفس مواصفات الشركات الاخرى ليه ما اخذه ووفر على نفسي واخذته ابشركم وله معي الان 3 اسابيع الكفر ناعم متماسك جربته عالمنعطفات ممتاز ثباته ولكم التعليق

إبلاغ

الردود