رجة في السيارة

رصص ترصيص ارضي

وكيف ذا الترصيص الارضي ؟

طبعاً طريقة الترصيص الارضي انه يرصص الكفرات وهي راكبه عالسياره ويجيب جهاز معين يقوم بهذة العمليه طبعاً لازم يكون القير والجلط فاضي علشان الكفرات تتحرر ، ثم يقوم الجهاز بتدوير الكفرات بسرعة 120 تقرياً ، بعكس الترصيص العادي اللي سرعة ماتتعدى 60 او 70 ويعتبر الترصيص الارضي اكثر دقه من الترصيص العادي بسبب انه يقوم بترصيص جميع اجزاء التعليق كامله مثل / كفرات ، جنوط ، هوبات ، عكوس وخلافه ،
وبالتوفيق مقدماً .

وتحصل الترصيص الارضي في ميزان اليرموك او العضيب حسب المدينه اللي انت فيها ورصص ارضي وقيمته حول الــ 100 ريال ،، ( 105 ) مع الضريبه .
انا كان عندي نفس المكشله بس الرجه كانت تجي على سرعة 110 الى 120 تقريباُ ، طبعاً رصصت اول مره مافاد بسبب ان عندي طعجات خفيفه بالجنوط قالي لازم مخرطه ورحت خرطت الجنوط بالصناعيه القديمه بي 240 للاربعه جنوط ورجعت لميزان اليرموك وسوالي ترصيص ارضي من جديد والحمدالله احتفت الرجه ،،،
،، ، المقصد اخوي :
قبل ماترصص ارضي لازم تتاكد اول من سلامة الجنوط عندك او الكفرات : ( لان لو جنوطك مثلاً فيها مشكله يعني طعجات او انحناء واضح ماراح يفيدك الترصيص ) يعني راح تخسر عا الفاضي مثلي انا اول مره لازم تسوي خرط للجنوط اول حتى تعتدل وبعدين سويلها ترصيص ، ( والدارج والله اعلم ان مشاكل الرجه تجي من الجنوط وليس الكفرات) لاني يوم صارت لي المشكله اول مره توقعت انها من الكفرات ورحت حسرت وركبت طقم كفرات كامل وفي الخير طلع من الجنوط
،، علشان كذا اخوي لازم تتاكد بلأول من مصدر الرجه هل هو من الجنوط او الكفرات بالفحص النظري وتحاول تدقق فيها زين وتشوف وين المشكله بالظبط
وبالتوفيق ان شاء الله .

اغلب الرجات من الكفر تكون بريك جامد على الكفر او حفرة

حياك
اليوم وزارة التجارة داهمو موقع يعيد تصنيع الكفرات المستعمله
واتلفو عشرين الف اطار
الموقع الرياض 
وحسبي الله ونعم الوكيل فيهم
يركب الواحد كفرات جديدة وتسبب رجه ومشاكل وحوادث

اذا الكفر عندك جديد وتاريخه جديد

المشكله من الترصيص نفسه

خليه يسوي لك ترصيص عادي بس يكون لازق يلزق بنفس الجنط

مو القديم اللي يحطه ويضربه بشاكوش ماعنده سالفة

من واقع تجربه