كيف صرفية البنزين للباترول 4500 موديل 2005 وفوق

بلاعة بنزين ويبغالك محطة وراك

واحد من خوياني مطلع 2017 ربع

هلكه بالبنزين يقول يشرب شرب مو طبيعي

واسعارها طاحت كثير كثير

كلمه بلاعه قليله عليه

حياك
ماهو بلاعة 
يبي لك تريله بنزين تمشي وراك 

أنا سابق موديل ٢٠١٤ مكينتة فتك الحقيقة تشرب بنزين مابالك بالمحرك القديم ٤٥٠٠

عموما إذا بتخليه سيارة ثانوية ليست للاستخدام اليومي توكل على الله و احرص على النظيف

سئ جدا جدا
اللي معنا تانكيين
التانكي الكبير اذا مره جمل بك
450الى 500 كيلو
والصغير اذا طول معك
200 كيلو
بس الشهادة لله ما يرده شي
لا جبل ولا وادي ولا طعوس
عيبه صرفية البنزين زايده

في الوقت الحالي اكسنت او كورلا ... لاتتعدى باب البيت
ووقت الامطار الله يسلمك محلات الاجار مليانة جيوب ..

أسعار الفتك ماسكه في السوق ولا طاحت والسبب الفتك محد يستخدمه؛
إلا صاحب قنص وكشتات وصيد ومطامره؛
انا لقيت 2017 مستعمل ماشي 13 الف طالب فيه 114؛ لاتستغربون من هذا الشي السيارة لها عشاقها

الفتك ينفع للي يستخدمة سيارة موسمية فقط ووضعه المادي ممتاز؛ بحيث يوقفه وعنده موتر ثاني
لإن بصراحة الفتك من أفضل الجيوب للطرق الوعرة؛ البعض ياخذه على أساس استخدام يومي وهذا غلط؛ السيارة تعتبر موسمية إستخدام محدود؛

اي بلاعه واي يشرب بنزين
مانصحتوه اللي يهديكم
البارووول تانكيه مشقوق شق
يبي لك طرمبة بنزين بالصندوق
احد الاصدقاء اشترى ٢٠٠٩ باترول وليس فتك
اقل صرف انقرف واضطر يشتري اكسنت لدوام والمشاوير
طبعا عرضه للبيع ماجاب قيمه ..
وهو شاريه غالي

اذا كنت من هواة هذا النوع من السيارات لازم يكون عندك سيارة للدوام واغراض البيت

عندي وموقفه في الكراج ومخليه لوقت الشتاء والامطار والكشتات فقط

الله يجزاكم خير

مشكورين على معلوماتكم

واللي عنده زود تجربة وخبره يفيدنا

الجيوب اجمالا تشرب بنزين بحكم الدفع الرباعي اربع كفرات دفع رباعي مستمر وعندك الوزن والارتفاع وقوة الماكينة وتصميمه ومدى مقاومة تصميه للهواء الانسيابية كلها عوامل تخلي الجيوب تشرب بنزين اخي الكريم

اغلب التعليقات يتكلمون عن صرفية فتك 4800
وصاحب الموضوع يبي 4500

عالعموم معروف ان الفتك يشرب بنزين هذا ان ماتواضبت بين فتره وفتره تغير الأشياء الاستهلاكية

اما صرفية 4500 معقوله جدا بحكم انه جيب وصرفيته حول صرفية اللاند