اقتراحتكم وافكاركم بفتح محل قطع غيار سيارات

واهم شي ان العدد بيصير قليل والمكاسب بتصير اعلى في كل مجال يصبح خاص بالسعوديين

و عليكم السلام ما أنصحك تفتح محل ف الوقت الحالي
لكن فيه طريقة أفضل وأحسن ليه ما تسوي لك مستودع ف البيت
و تطلب اكسسوارات و شمعات يعني تركز على نوع معين
وتشوف أسعارها ف الوكالات و تبيعها ب سعر اقل

لو تبي تفتح محل لازم يكون عندك كاش عشان تنزل لك بضاعة
صعب تحصل لك مندوب يعطي بالأجل أو على حسب التصريف
سوى لك مستودع مصغر عشان تقدر تطلب لك بضاعة من الخارج وسوى لك إعلان ف الموقع
وشوف ايش هي القطع الي عليه طلب و سعرها غالي ف الوكالة
و اذا درست السوق كويس وسويت لك علاقات تؤكل على الله
ملاحظة لازم تنتظر أقل شي ستة شهور وبعدين افتح لك محل

اشجعك ..والله ...ابن البلد فتحت له ابواب
كانت مغلقه ومحتكره ....اهم شي الانضباط
ومخافة الله وصدقني راح يفتح الله لك ابواب الخير
شوف محل للتقبيل براس مال منخفض....
..وابدا وتعلم على برامج قطع الغيار
وفقك الله ......وجميع الشباب والشابات

انصحك وبشده بعد نظام السعوده الجديد  وانصحك بتخصص يعني يكون قطعك خاصه بوكاله واحده بس وفر جميع القطع وربي ييسر لك ان شاء الله ويبارك لك

المشروع ان شاء الله انه مشروع ناجح بعد توفيق الله 
لكن قبل تروح تفتح محل ولا تتقبله وهذا رأي شخصي لأن محلات مثل هذه تحتاج راس مال 
روح اول توظف في محل من المحلات المجال حالياً مفتوح 
وعايش الشغلة واعرف موردين الجملة كون لك علاقات 
ووش القطع المستهلكة اكثر وعليها طلب وطريقة استخدام الكتلوجات 
على قولتهم مداخل الشغلة ومخارجها 
وبعد كذا توكل على وافتح محلك الخاص 
اما انك تروح تفتح محل ولا تتقبله مثل ماقال لا للغلاء وانت ماتعرف  فيها شي 
هذه هي الخسارة
 ولا تطيح بمحل ماتدري بضاعته موديلات حديثه ولاقديمه اصلي ولا تجاري وتتوهق فيه 

اخوي حسين كفيت ووفيت ...رأي ممتاز الحقيقه . يعطيك الف عافيه والجميع

فيه شيء اسمه ( حل ) من طاقات يدعمك بالفلوس وبدون فوايد
وفيه استشارات مجاناً ومميزات كثيره اكتب ف قوقل او تويتر
واح تحصله

ماش الناس تتعامل مع المحلات الكبيرة المعروفه
مثل تويوتا النهدي القرعاوي و غيرهم
خالي عنده محل من ١٠ سنوات يجيب قطع متنوعه
مهو ذاك المكسب
ماخذ الشغله سعة صدر كان موظف و تقاعد
نصحته يحول للكوري يتخصص بالكيا و هونداي
لان قليل عندنا المحلات المتخصصه و هي سيارات الشباب
محتاجه تصليحات و قطع و صيانه خصوصا" الكيا الوكالة غاليه
اللي بيجيب قطع بودي درجة ثانيه بيستفيد و يفيد

على الوضع الراهن الأفضل الإنتظار
لان فيه عدة قرارات راح تنزل مابين شهر 1 الى 6
و ممكن تزيد رسوم المحلات

أشجعك وبقوة والله يوفقنا وإياك

بس بنفس الوقت أحذرك!!!

شغلة ماتعرف له ولا سبق أنك اشتغلته، لا تجازف أبداً، لازم أول شيء تشتغل بمحل قائم وتتعلم الشغل

ولاترفع نفسك عن أي وظيفة بمحل قطع غيار اشتغل حتى لو عامل تحميل وتنزيل، المهم تداوم بمحل وتتعلم الشغل

اذا اشتغلت بمحل 6 شهور أو سنة، انت بعدين تصير الخبير وانت الي تنصح الناس

اما تجي كذا من البداية وتفتح محل، بتخسر بنسبة 80%

الله يكتب مافيه الخير

مشروع رائع ومربح بس لازم تكون نشيط
ويبغالك تاخد لفة على الورش وتشوف اكثر السيارات اللي متوقفة عشان قطع الغيار غير متوفرة
وتبدا توفرها انت من خلال الانترنت او محلات عاملية
وتبيعها بمكسب محترم
وتحاول تفهم الفروق مابين القطع في الموديلات
وياحبذا لو تتخصص في القطع يعني تكون كهربائية او ميكانيكية كبداية الى انت تتمرس في السوق ويكون عندك صيت وسمعة

وان شاء الله بالتوفيق ي مشروعك

شوف يالغالي الان الناس والدولة اغلب اتجاههم للبيع الالكتروني

تراه افضلك بكثير بدال قروشة ايجار المحل والرسوم وغيره اطلب قطع واكسسوارات من برى وبيع بالمواقع وتعين خير إن شاءالله

افضل لك من انك تفتح محل ومنت عارف اسرار الشغله كلها وتطيح بخساير

الحين انت تقول الوظيفه الحكوميه ماهي مضمونه

اجل احنا بالقطاع الخاص وشنقول

الله يصلحك بس


خلك بوظيفتك ازين لك

الشئ الاخر سوي لك دراسة جدوى للمحل اجاره ومصاريف البضاعه والموزعين المعتمدين
اللي يجون لحد محلك

وحط فيه عامل عادي وانت لي خلصت الدوام مر عليه

واذا كثرة فلوسك افتح لك محل محلين وبعدها استقيل من عملك وقابل حلالك