الحيطه والحذر من هالاشكال لابارك الله فيهم


إضغط هنا للإخفاء
السلام عليكم
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
فيه ظاهره منتشره وتسبب الإذاء للمسلمين في أنفسهم وفي مالهم وهي الاستفادة من التأمين السيارة بطريقة محرمة
كيف الطريقة :
يجيك اللى مايخاف الله يضرب في وجهك فرامل بدون مقدمات وفي نص الطريق الله لايوفقهم علشان يستفيد من التأمين
طبعا المشكلة توه صارت لاخوي واحد مايخاف الله ضرب في وجهه فرامل وانحاش وتوقعنا أنه سكران لكن بعد 3 شهور
رايح مشتكي اللى مايخاف الله ويطالب بـ 3 الاف ريال والسيارة حقتنا بدون تأمين ويقول أنتم منحاشين صدق مافيه ذرة حية يفترى على الناس.
فأرجووووووء التنبيه وأخذ الحيطه والحذر من هالاشكال اللى ماتخاف الله وركبو كاميرات والله ماهي خساره تركب كاميرا ب 700 ريال
ولاتخسر 3000 الاف من مالك في ناس ماتخاف الله لابارك الله فيهم ولاكثر الله أشكالهم والله يبتليهم في أنفسهم ويكفينا شرهم
1440-01-15 هـ

الردود


لعلها إن شاء الله حالات نادره جدا فنحن بلد اسلام لله الحمد
لانعمم يااخوان فهالامور ماتذكر ابدا ابدا يااخوان وقد يكون اخوك صادمه وهاج فعلا
نحن نسمع هنا من طرف واحد ... مع كامل الاحترام لصاحب الموضوع لكن الموضوعيه مطلوبه


وكيف جاب رقم الوحه والمرور ماراح يتجاوب معه ابدآ بعد 3 شهور
على العموم الحمدالله على سلامت اخوك وحقك ماراح يضيع عند الله


او يرفض دعواه بحجة عدم وجود ما يثبت


المشكله والله العظيم تونا طلعنا على الشارع حتى مابعد تعدت السرعه 40 وفجئه وقف بنص الطريق عشان نصدم فيه من ورا لاكن وين يروح من الله






كاميرات للسياره جدا ممتازه ما توصل سعرها 150 ريال


تصور لك طوال اليوم وطول الخط يعني لوكنت ماسك طريق
سفر ابو 4-5 ساعات
طوال الطريق هي تصور
امازون مليان والاسار من 1000 _ 1200 الى باب البيت مع الشحن تقريبا
ولها اسلاك ومنظم كهرب يركب على علبة الفيوزات الداخالية
تصير تشتغل مع دقة السلف وتطفي معه
وبعضها تصوير داخالي وخارجي بزواية كبيرة




ان شاء الله مايلحقكم شئ
لو انه مبلغ من وقت الحادث انك هربت وبعد ثلاث اشهر صادك المرور هذه بتروح فيها
لكن مابلغ الخبل وبعد ثلاث اشهر جاء يتهمك
قول ماعندك سالفة وماعليك شئ ان شاء الله
اما بخصوص كامير بالسيارة
اشتري قاعده جوال ب15 ريال
وكلنا نملك اكثر من جوال
لي جيت وعندك مشوار حط فديو يسجل لك كل المسافه اللي تمشيها
والله اكبر اكثر مشوار تمشيه مايتعدى نص ساعه جوة المدينه ولي وصلت احذف المقطع القديم






مفروض اول شي تفرض مخالفه علي المتسبب لان اي حادث يصير ب مخالفه يعني ب خطاء ولازن يتحمل علي الاقل 10%
من قيمه اصلاح السياره عشان كل واحد يحاسب
النظام الحالي للاسف خلا كثير من قليلين الذمم وخاصه الاجانب من العمال يصدم ولا همه شي لان عندة تامين ويعرف ما راح يتكلف شي
خصوصا الي عندهم دينات وسيارات معدات كبيره لان اي صدمة ما تاثر علي سيارته


نعم موجود و حصل معي شخصيا 3 مرات او اكثر.
او يكون الشخص اللي امامك جميع لمبات فرامله ماتشتغل.
و في كل الحالتين يعرضك انك تصدمه و تعوضه بشيء هو المتسبب فيه.
و الحل هو تركيب كاميرا تسجيل صغيره تكون مشبوكه مع كهرباء السيارة عن طريق
الشاحن او شبكها داخليا مع اي مصدر كهرباء بحيث اول ماتشغل السيارة تبدأ الكاميرا بالتسجيل.
و اذا امتلت الذاكره تقوم بمسح المقاطع الاقدم فالاحدث.
الكاميرات سويت فيها بحث من مدة و من افضلها
1- Viofo A119 و سعرها حوالي 280 ريال. و لكن تطلب من المواقع الالكترونية.
2- Roav Anker C1 و سعرها حوالي 350 الى 400 فيها مواصفات افضل من الاولى و لكن
يعيبها بطاريتها تتأثر بالحراره العاليه خصوصا في المناطق الحاره.
مهم جدا جدا جدا تركيب كاميرا للتسجيل لحفظ الحقوق.


اخر مره واحد معه لنكون قديم شوي والشارع فاضي كل ما لفيت ب اتجاوزه يضيق علي و ياشر بالفرامل استغربت منه لا لفيت عليه ولا حديته ابد لكن هديت وخليته يبعد مسافة ماني فاضي للمشاكل وتضييع الوقت
قبل 6 سنه و 5 شهر