أضف سؤال أو موضوع جديد          

إعتراض على مخالفه

up 2 down 0
jakwar2004 428
قبل 2 سنه و 3 شهر



تم تسجيل مخالفه على سيارتي العائليه وهي للإستخدام العائلي فقط وأنا متأكد تمام التأكد بأنني لم أحركها من الجراج منذو أكثر من شهر والمخالفه من يومين بتاريخ 13/1/1440

وللمعلوميه أنا أسكن في رابغ والمخالفه في جده .. ولدرجة إنني وسوست فأنا كنت في جده في زياره للوالده ولكن بسيارتي التي أستخدمها يوميا وهي مرسيدس ومتأكد تمام التأكيد .

سؤالي كيف أعترض وهل لابد من الإعتراض في جده أم في مرور رابغ حيث أسكن ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


راح يقولك سدد بعدين اعترض


up 0 down 2
brns20006 -11
قبل 2 سنه و 3 شهر



والله يا أخي العزيز / brns20006 إنّي أسدد أول بأول ولا توجد علي مخالفات أبداً وكل المخالفات السابقه

تكون بالخطأ وليست مقصوده وأنا إنسان نظامي جداً وأغلب سبب المخالفات أني أكون في مدينه أخرى غير مدينتي في الطائف مثلاً أو الباحه أو أبها وماشي في حدود الـ 100 مثلاً ولا توجد لوحات تحديد سرعه وأتفاجأ بلوحه بعد مسافه مكتوب عليها مثلاً السرعه 85 وعند عودتي من إجازتي والتي أحب أن أقضيها في ربوع بلادي مثل مايقولون وأجد مخالفه وأسدد بدون تردد لكي لاتتراكم عليْ وأخلق الأعذار لنفسي وأقول يمكن أنا مخطيء لكن هذه المخالفه متأكد إنها جاتني بدون سبب ( ياغافل لك الله ) مع العلم أنها 300 ريال وبالإمكان سدادها ولكن ليه الظلم !؟


up 5 down 0
jakwar2004 428
قبل 2 سنه و 3 شهر



حياك
رح للمرور قسم الااعتراضات وراح تقنعه اذا سيارتك فعلا بديرة 
والمخالفة بديرة ثانيه لن يوجد تصوير وكثير صارت واحذفو المخالفة 
عن اللي قدمو اعتراض وهم فعلا مثل وضعك
والمرور ماهو كتاب منزل من السماء 
وباالتوفيق


up 1 down 0
باترول 2020 2623
قبل 2 سنه و 3 شهر



لا تسدد. ماقلت نوع المخالفة. لو ساهر او باشر تقدر تروح القسم وتشوف الصورة وبعدها تعترض.


up 1 down 0
dell2012 1027
قبل 2 سنه و 3 شهر



يارجال لاتتعب نفسك

انا قد جتني قطع اشاره من باشر

رحت اعترضت قلت اثبتوها بصوره والا فديو

قالو تعال الاسبوع الجاي

جيت قالو مافيه لافديو ولاصوره العسكري يقول انها صحيحه .. تبيه يلحقك ويصورك وانت قاطعها ؟

رحت للمدير وكل واحد يرسلني على الثاني كتبت لهم معروض اني عاطل وحافي منتف جلس يقرا المعروض بصوت عالي قدام اخوياه وعطاني نظره قال سددها قبل تدبل عليك


up 1 down 2
أبو عبدالرحمن435 -42
قبل 2 سنه و 3 شهر



ابو عبدالرحمن الله يرزقك
بالنسبه لصاحب الموضوع سدد لا تروح لهم يمكن يعطونك مخالفة جديده


up 1 down 1
هبووب الشمال 107
قبل 2 سنه و 3 شهر



لا تزعل نفسك ياخوي 
روح لاقرب مرور وبيوريك التصوير 
واحتمال يكون فيه غلط او شيء 
وكل شيء راح يبين 
واذا معك الحق بتاخذه ان شاء الله 


up 1 down 0
m7md 33 1153
قبل 2 سنه و 3 شهر



يحفظكم رب العباد جميعاً .. وأعتذر عن التأخير في الرد .

الأخ / باترول :

إن شاءالله أروح للمرور ، والله يعينني أصحى من النوم وأروح لهم لأن دوامي هذا الأسبوع

دوام آخر الليل من الساعه العاشره ليلاً إلى الساعه السادسه صباحاً .

شاكر ومقدر لك مرورك على موضوعي وإفادتك ..


up 0 down 0
jakwar2004 428
قبل 2 سنه و 3 شهر



الأخ / ديل 2012

المخالفه تجاوز السرعه بمقدار لا يزيد على 25 كم - رصد آلي

وأنا على ثقه كما أنا على ثقه بأني أرد على موضوعي هذا بأن السياره لم تتحرك من أكثر من شهر

كما ذكرت سابقاً بأنها إكسبدشن طويل ولا أحركها إلا للسفر فقط .

وأعتذر عن إنفعالي وكتابتي لهذا الموضوع لأنها لأول مرّه تحصل لي ، وسابقاً كنت أقرأ هنا

عن أناس حدث لهم ذلك ، ويشهد الله أنني من سنوات أسدد أي مخالفه تصلني عن طريق الجوال

وأقول أكيد أنا ما إنتبهت .

لك منّي فائق الإحترام والتقدير ...


up 0 down 0
jakwar2004 428
قبل 2 سنه و 3 شهر



الأخ الفاضل / أبوعبدالرحمن 435

الله يعينك يا أبو عبدالرحمن ، هذي مشكله كبيره إذا كان هذا التعامل ، والمشكله الأخرى العمليه

صعبه فالإنسان ليس متفرغاً يروح ويجي ويراجع وهو مظلوم وعنده أعمال أخرى وهو مظلوم

وتأكّد أخي العزيز أن الموضوع ليس مبلغ بسيط ( 300 ) ريال ولكن الموضوع العطله والمراجعه

على شي لا ذنب للإنسان فيه ( يعني مظلوم وأتمرمط كمان ) هذي مشكله كبيره .

تقبل منّي تحايا لاتنتهي ...


up 0 down 0
jakwar2004 428
قبل 2 سنه و 3 شهر



العزيز / هبووب الشمال


صدقني ماراح أسدد وأرجوا من رب العباد أن يعينني على إثبات عدم صحة المخالفه .

تقديري وإحترامي لشخصك الكريم ...


up 0 down 0
jakwar2004 428
قبل 2 سنه و 3 شهر



الأخ / m7md 33

أشكر لك ردك أخي الفاضل ، وهنا تساؤلي هل أذهب لمرور جده مكان تسجيل المخالفه أم أذهب

للمرور في منطقتي .

وإن شاء الكريم سأفصّل لكم ماحدث معي عند مراجعة المرور .

تقبل منّي تحايا لاتنتهي معنونةً بالتقدير والإحترام لشخصك الكريم ....



up 0 down 0
jakwar2004 428
قبل 2 سنه و 3 شهر



الله يقويك ويعينك 

بالبدايه روح للي بمنطقتك وربي يسهلها 

انا من الشرقيه الدمام 
اذا راجعت على مخالفه بالخبر يقولي روح الخبر 
لكن الي شفته من ناس تراجع لمخالفه بالرياض يخدمونه لانها بعيده 

عشان كذا ابدا بمنطقتك وربي ييسرها 


up 1 down 0
m7md 33 1153
قبل 2 سنه و 3 شهر



رح للمرور اللي فيه نفس المخالفة جده وقله انا جتني مخالفة هذا رقمها على سيارتي الاكسبدشن وموتري في رابغ وانا ساكن في رابغ ولا طبيت به جده


ولا تجيب طاري جاي لاهلي بموتري الثاني ولا غيره عشان ما يقعد يتلكلك يمكنها على المرسيدس وسجلت بالخطا على الاكسبدشن وكلام فاضي ادخل حامي قل موتري من شهر وهو في رابغ وموقف في الباكيه ما يتحرك ابد وانتهى الكلام


خله يوريك الصورة مهب انت معناها برائه


وقد يكون تسجيل المخالفة عليك فيه اكسبدشن نفس موترك يحمل تقريباً نفس الارقام والاحرف مطلعه في فترة وحدة والاختلاف رقم ولا حرف ومهوب واضح في الصورة ولزوقها فيك بالخطا ممكن تصير

الله يسهل امرك


up 1 down 0
a.ibrahem 3164
قبل 2 سنه و 3 شهر



اخوي الله يسعدك بشرنا عساهم شالوها عنك يارب اذا ما شالوها ارسل لي رقم المخالفه اسددها عنك لانك نظامي وتستاهل كل خير


up 2 down 0
هبووب الشمال 107
قبل 2 سنه و 3 شهر



تصير كثير. قدم اعتراض بكل بساطة. يمكن يعطوك نموذج تعبيه وانتهى الموضوع. احتمال سيارة لوحتها تشبه لوحتك


up 1 down 0
dell2012 1027
قبل 2 سنه و 3 شهر



أشكركم فرداً فرداً الله يحفظكم جميع إن شاءالكريم يوم الأحد أروح للمرور وأشوف النهايه مع
هذي المخالفه .

أخوي هبوب الشمال أشكر لك نبل أخلاقك الله يسلمك ويعافيك وتأكّد أخوي المسأله ماهي مسألة
فلوس ( عندي وعندك الخير ) ولكن أخوك مغبون هههههههه بعد ماكنت أسمع وأقرأ عن أشخاص
يشكون حالهم وحصل لهم ماحصل لي وكنت وقتها بين مصدق ومكذب وآخرتها جات على راسي
تصدق إنّي أعتقد إن ساهر إغتنى من ورى ظهري سنين وأنا أسدد أي مخالفه تجيني وآخرها مخالفات
بـ 1200 ريال وكنت قاصدها لأني جاي من حفر الباطن لرابغ ( شوف طول المسافه ) ووراي دوام
ويبوني أمشي 120 ههههههه على كذا ما أوصل إلا بعد يومين ههههههههههه


up 0 down 0
jakwar2004 428
قبل 2 سنه و 3 شهر



ادخل على نظام ابشر وشوف وين مكان المخالفة بالضبط بيطلعها لك على الخريطة وبالتاريخ وبالوقت بعد وتأكد بنفسك


up 0 down 0
تركي818 134
قبل 2 سنه و 3 شهر



يحفظك ربي أخوي تركي 818 ..

دخلت أبشر وعرفت مكان المخالفه وهي في جده حي الحمدانيه .

الحمدلله رحت للمرور وخدموني مع إنه الرقيب يقول لي لازم تراجع جده لكن بنخدمك وماقصرت طلعت المخالفه بالخطأ وإن شاءالله راح يشولوها .

شكراً لكل من تفاعل مع موضوعي وأرجوكم عذراً فلم أكتب هذا الموضوع لإلاّ لأنه كان مزعج لي ومتكد أنه بالخطأ .


up 0 down 0
jakwar2004 428
قبل 2 سنه و 3 شهر



الحمدلله وان شاء الله اخر المخالفات يارب 


up 0 down 0
m7md 33 1153
قبل 2 سنه و 3 شهر