سؤال ماهي الاجرائات بعد الحادث ؟

الحمدلله على السلامه 
تروح تقدر السياره وبعدين تاخذ اوراقك وتراجع المرور 

اقدرها وين مراكز التقدير المعتمده قصدك ؟
طيب المرور ماعطاني ورقه ولا شي كيف اروح التقدير بدون عادي ؟

يعني مافي شي يثبت من وين صار الحادث فهمت 

تروح المرور تاخذ ورقه منهم الي الورش الثلاث المعتمده لديهم 
وكذالك قطع الغيار وبعد التسعيره للقطع وشغل اليد 
ترجع المرور وتسلمهم الاوراق وهم عاد يتواصلون مع الطرف الثاني لسداد 

الله يسعدك ويجزاك خير ماقصرت اخوي
اجل بإذن الله رايح للمرور الله يسهل

تروح المرور وتطبع تقرير الحادث + برنت للطرف الثاني وبعدها تاخذ التقرير وتروح لمركز*تقدير* لازم تحجز موعده عندهم موجودين بالرمال  او الصناعية الثانية عل م اتوقع 
وتدفع ١٥٧ ويجيك التقدير رابط عل جوالك وتقدمه لشركة التامين

الله يسعدك ويفتح لك ابواب رزقه ولا يوريك مكروه يارب شكرا على الشرح الوافي انا بكره بستاذن من دوامي وبروح اخلص اموري ان شاء الله الله يجزاك خير

توني سابقك في نفس التجربه الاسبوع اللي فات في الرياض  وبعطيك المفيد
اول شي تروح للمرور تاخذ منهم 
1- تقرير الحادث+ تختمه + تقراه يمكن وصف الحادثع غلط مثل ماصار لي العسكري غلظان
2- الشباك الثاني تاخذ اوراق باشر اللي هي صور للسيارتين وصور رخصة المتسبب واشياء ثانيه 
يعطيك اياها نفس شباك باشر 
3- تروح للشباك اللي مكتوب عليه اوراق التأمين تاخذ اوراق كثير منها تأمين الخصم ورخصته ووو تجي مع بعض
وكل شي لازم يتختم 

عقبها تروح لمركز اسمه ( تقدير ) ومعك سيارتك 
فروع تقدير في : الرمال / العروبه / مخرج28 اعتقد 
وقبل لاتروح لهم ادخل موقع تقدير واحجز موعد عشان تدخل مباشره بدون تمسك سرا وتتبهذل

تقدير راح يشوفون اضرار شيارتك ويقولون خلال 48 بتوصلك رساله
في رابط موجود فيه قيمة التعويض اطبعه وخله مع الاوراق السابقه 

بعدها
خذ صورة لكرت الايبان حق بنكك 
وتوجه لشركة التأمين اللي عليها خصمك قسم التعويضات
عطهم اوراقك كلها وبعدها بيقولون نبي السياره يشوفها المعاين يطابق 
الاضرار المكتوبه مع الواقع
اذا كل شي سليم خلال 15 يوم ينزل لك المبلغ بحسابك


دعواتك

ياخي انت عسل ربي يوفقك ويسعدك ويجزاك خير اليوم الحمدلله سويت كل شي وحسبي الله عليهم من تقدير صدامي منكسر ولاحسبه والقطعه سجلها مستعمل وسياره وكاله جديده !! وسجل لي جسر صدام وماسجل صدام ايش اسوي فيه الجسر !! حسبي الله عليهم وبس ثاني مره مركز فاشل ويقيم من راسه وكلامه عكس اللي قالي المهم بكره بروح التامين واعطيه الاوراق وربي يعوضني طبعا رفعت شكوى للمشرف وكل واحد سند لثاني لكن ربي فوق سيارتي توي مطلعها ويجيك ذا يعطيك قطعه مستعمله ولا يحسب صدام !! الله يجزاك خير ويوفقك شرحك مفروض يكون موضوع مثبت عشان الكل يستفيد شكرا

رح المرور مع الاستماره
قل له ابي ورقة ل الورش و ورقة ل شيخ المعارض راجع الاثنين وسعر عندهم
و ارجع المرور سلم التسعيرات يعطونك ورقة اصلاح وممكن يطلب منك تصور المركبة واحتفظ ب الصور احسن
بعد ما تستلم ورقة الاصلاح صلح سياراتك ل حد ما يسلمك خصمك الفلوس او انتظر خصمك والله يعينك انا واحد صقعني قبل رمضان
والي اليوم ما سلم شي مجرد ايقاف خدمات ولا يبي يدفع

الطرف الثاني معه تامين واستلمت فلوسي لكن التامين مايغطي ولا نصف قيمه الاصلاح حسبي الله على شركه تقدير من راسهم يقيمون وبنسبه لك انا شخص صدمني وانتظرت سنه كامله بعدها دق علي قال سامحني وانا كنت اوي شاري وطالع من المعارض وشال جنبي كامل وهج وبعدها يجي بعد سنه يقول سامحني ناس قليله حيا المهم قلته تفاهمك مع المرور وانتظر ممكن ٤ شهور بعدها حولها وحسبي الله عليه

كم المدة بعد الحادث حتى جاتك الرسالة؟
انا صار لي نفس الموضوع والى الان ماجاني شي؟؟