ماهي افضل سياره تستهلك وقود ؟ يليت تعطوني 3 سيارات

وش فئة السياره الي تحتاجها كبيره مثل الجموس ولا وسط كروس اوفر ولا سيدان ممتازة للخطوط كم ميزانيتك

عندك من السيدان و بسعر معقول جديد
التيما بقير CVT او مازدا 6 بقير تبترونك
الفئة الاصغر كورولا بقير CVT
او نيسان سنترا و الالنترا بعد لا بأس بصرفيتها
جيوب كروس اوفر نيسان اكستريل في المقدمة
من الست سلندر الماكسيما و الكامري الجديد V6
اما بقية السيارات تصرف الا بالخط الصرفيه اقل لو معك جمس

١_ كامري٢٠١٨ هايبرد يمشيك لتر ٢٦ كيلو
٢_ كامري٢٠١٨ البنزين فقط v4 يميشيك لتر ١٨.٣كيلو فئة سياحي
٣_ هوندا اكورد ٢٠١٨ v4 يمشيك لتر ١٨.٤ فئة سياحي

اسعارهم مبالغ فيها
كيف اوفر و لو اخذ التيما ب٦٥
الصرفيه ١٧.٧
اوفر بقيمتها ٢٠ الى ٢٥ الف اخليها بنزين ٥ سنوات او اكثر
حتى لو يرتفع السعر زود لا قدر الله

اصبر الالتيما ٢٠١٩ بترتفع وبتصير حولهم لانها تغيرت
تغير جذري والرجال مركز على صرفية البنزين
وقال ماهي افضل سيارة بصرفية البنزين وحدد لنا ٣ سيارات
تكون قليلة بصرفية البنزين
والالتيما معروفه بصرفيتها القليلة وتدخل ضمن الخيارات

دامك راعي خطوط ماينفع لك السيدان الصغير
خذلك سيدان متوسط فئة الالتيما والاكورد او كروس اوفر عشان مثبت سرعة ورساوة وراحة اكثر وتوفير بنزين

اوافق الاخ فوق النيسان متوفق بتوفير الوقود والتكييف ورخص السعر والقطع مقارنة بغيره

التيما

ومن ثم مازدا


وانت جرب استاجر لك السياراتي وامشي فيها خط وتشوف الاقتصاد ع اصوله

اثنينهم قوية مكائنهم وصناعتهم ياباني اصلي

خذلك سيارة ديزل.

خذلك سياره مستعمله أو ديزل رخيصه وخلصنا.

ذكرتني باللي يفك موتر ب 130 ألف أقساط عشان يقولك بيوفر بنزين.

عوامل توفير البنزين:

-انسيابية السيارة للهواء.
-خفة وزن السيارة، وعدم تحميل اوزان غير مهمة داخلها، بما فيها عدم تعبئة تانكي البنزين فل.
-تعبئة فل هواء الاطارات (تقليل الاحتكاك).
-نحف الكفرات، كل ماكانت عريضة زاد الاستهلاك (تقليل الاحتكاك).
-خفة وزن الجنوط.
-لزوجة الزيوت الموجودة في المكينة والقير والدبل والدفرنس، والشحم في العكوس.

-اضافة الى العوامل الباقية الي تنصح بها الورش، مثل: تنظيف البخاخات والبواجي وو


ابعد عن سيارات الدفع الرباعي اذا ماتحتاجها
وجود دبل في السيارة يستهلك بنزين اكثر، ويثقل وزنها
ابعد عن السيارات الكبيرة زي الجموس اذا ماتحتاجها، كبر حجمها يزيد من اصطدام الهواء بها وعرض حجم الكفرات يزيد الاحتكاك،
بالتالي المزيد من استهلاك البنزين