أضف سؤال أو موضوع جديد          

حماية الزجاج الامامي للسيارة

up 0 down 1
ain501 214
قبل 3 سنه و شهر



السلام عليكم ورحمة الله وبركاته
مسيتو بالخير

يا اخوان توي شريت سيارة نيسان جديدة وقررت اني اسوي حماية للسيارة ومن ضمنها حماية للزجاج الامامي لان سيارتي القديمة من شركة فورد من يوم شريتها ما سويت لها اي حماية فالقزاز الامامي الان فيه ترميل من الخطوط والسافي ..
لكن توي ألاحظ شي ان القزاز الامامي بسيارات فورد يجي مدبل يعني قزازتين ملتصقة ببعض ويجي عريض وقوي ماشاء الله . حتى ان القزاز الامامي عليه 3 ضربات من حصى بالخط لكن ماجاء كسر من الضربة بل تجي دائرة كانها فقاعة فالقزاز فهذا يبدو انه تقنية بالقزاز ان الكسر ماينتشر .. بينما لاحظت بسيارتي النيسان الجديدة ونفس الشي لاحظته بالتويوتا بالهايلكس وغيرها ان القزاز يجي اخف وانحف
فإاذا جته ضربة حصاة على طول ينشطب القزاز ويمشي بعكس قزاز فورد .

الزبدة ارجع لموضوع حماية القزاز . وانا كنت ابحث بموضوع الحماية شفت اسعار حماية الزجاج الامامي بمحلات التظليل ثري ام وبروفينشال ولومار وغيرها يتفاوت من 400 الى 700 ريال
والاغلب مايعطيك عليها ضمان .. كنت بركبها الحماية هذي وانا اركب التظليل
لكن جا رجال للمحل معه سيارة جديدة ويسولف معي يقول انا جيت بفك حماية القزاز الامامي توي مركبها ماكملت 4 او 5 شهور الا وهي صارت مغبشة وتتعب بالرؤية كان مسافر لابها وقتها ويبدو من المطر واستخدام المساحات صارت غير واضحة لان المساحات تأثر بالحماية .. فنصحني اني ما اركبها كونها غالية ولا عليها ضمان ولازم تفكها كل كم شهر ..

فالحمد لله تراجعت عن الفكرة ونصحني واحد اروح محلات الزينة والتظليل ولقيت عندهم فيلم تظليل مدري حماية تجاري
الكوري ب40-50 والامريكي ب80-70 وع كلام العامل ان الامريكي أفضل بالرؤية والوضوح . فركبت الامريكي ب70 ريال واصير كل ثلاث او اربع شهور اغيره . ولعله يحافظ عالقزاز من الترميل ان شاء الله.

وشرايكم هل اجد جرب الحماية وهل هي فعالة ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فكرت الثانية حلوة تجدده 3 مرات في السنة في السنة افضل ماتركبه وماعليه ضمان اصلن القطعة لر مضمونة كانو اعطوك ضمان والرجال قدامك فكها بنفسو وخسران ونصحك لاتركبها الا ( في حالة وجود ضمان ركب يصير يتحملوها لو صار شيء ) 


up 0 down 0
al _ almaani 468
قبل 3 سنه و شهر



انا مسوي الطريقه الثانيه كل ما بغيت اسافر اقرب محل زينه اقشع وحط جديد امريكي


up 0 down 0
rooo7_q 290
قبل 3 سنه و شهر



صادق اخوي انا ركبتها ب ٣٠٠ بس طولت معي اخذت تقريباً سنه وعليها وطبعاً طريقه الأستخدام له دور  مثلاً تشغل المساحات والقزاز عليه غبار كيذا ماتطول معك 

' وسويت حركة  بس للأسف ماضبطت معي بحيث بعد ماركب الحمايه حطيت فوقها تغيم من الزينه عشان اشيل التغيم بعد فتره ومنها يبقى المقوي نظيف بس يوم جيت اشيل التغيم خرب علي الحامي ،، ومكتفي حالياً بتغيم بس اشوفه خفيف كأنك ماسويت شي عكس الحامي 


up 0 down 0
فيصل المغيري 561
قبل 3 سنه و شهر



بالنسبة لي ركبت الامريكي ابو 70 ريال بس من الداخل لحماية الطبلون من الشمس
لكن تركتها اكثر من سنتين ..
وجيت اشيلها اتعبتنا بالغراء بصعوبة بالغة شاله العامل .
نصيحة لاتتأخر في ازالتة خاصة وقت الصيف والسيارة تحت الشمس مباشرة ..


up 0 down 0
واارد الستين -4
قبل 3 سنه و شهر



انا من واقع خبره

اضلل زيروا زيروا المسموح به بحيث يحمي من العج ع الخطوط السريعه وكذلك ضرب الحصى

وبعد فتره اشيله واركب جديد

والسالفة ماتكلف عشرين ريال تضليل كوري من محلات الزينه


up 0 down 0
aboahmed2014 1168
قبل 3 سنه و شهر