مساعدتكم في طريقة انهاء اجراءات شراء سيارة من الامارات

حياك الله وعسى ربي يوفقك مقدماً .

المدة تقريبي من يومين الي 3 أيام واذا بتشحن ممكن تخلصها في يوم واحد لان راعي السطحة يكفيك اجراءات الحدود وياخذ عليك مبلغ تتفقون عليه .
ورقة المقاصة تطلعها من ادارة الجمرك للمدينة اللي السيارة سجلت فيها مثلا سيارتك دخلت من دبي تروح جمارك دبي عند شارع الكويت الصباح تاخذ رقم وتنتظر دورك وتعطيهم المعاملة ويسلمونها لك خلال ساعة او اكثر لكن لازم تعرف هل سيارتك لها ورقة مقاصة او لا ؟ السيارات اللي لم يمضي على وجودها في الامارات اكثر من سنتين تقدر تطلع لها ورقة مقاصة مثلا السيارة دخلت الامارات في 1-1-2017 معناها تقدر تطلع لها ورقة
اذا بتشتري من فرد روح فحص المرور عندهم فحص شامل يشيكون البودي والشاص وكل شي واذا نجح الموتر تسجله عندهم ياخذون عليك حوالي 350 درهم .

نقطه مهمة / لاتشتري وارد امريكي الا ومعاه شهادة clean title
لاتشتري الا وانت فاحص الموتر بدقة ويفضل تتأكد من ممشى السيارة عن طريق الوكالة بالاتصال او تروح لهم
لاتاخذ معك كاش بالعكس خذ شيك مصدق بأسمك من البنك اللي فيه فلوسك اذا عجبك شي تروح البنك المراسل في دبي وتصرفه ولاتحمل نفسك مسئولية حمل اموال معك
ضروري يكون معك شخص ثاني
ضروري تنتبه للبائع وكم له يملك السيارة - اذا من زمان فهذه علامة طيبة -
ضروري تساوم - اغلب الناس هناك محتاجة الكاش عادي اخصم عشرة الاف من سعره وبيوافق -
ضروري تعرف كم تسوى السيارة عندنا وهل يسوا الفرق لاتنسى تحسب - السفر - فرق العملة - الاجراءات - جمرك 5% - قيمة مضافة 5% - مصاريف متنوعة .

وآسف اذا طولت عليك

بارك الله فيك يابو فرح اجدت بالشرح

ابو فرح كفى ووفى اضافه إلى انك لوبتاخد وارد امريكى خل احد من ديرتك يجيكها بالمواصفات والمقاييس السعوديه برقم الشاق تدخل اولا

أبو فرح لو تنزل موضوع مستقل افضل تساعدنا فيه. في خطوات محتاجة شرح مثل: تسجيل السيارة بعد الفحص. وكيف يعني البنك المراسل اذا فلوسي وشيكي من بنك سعودي

ماقصروا الشباب معاك .. ولا تنسى دخول آخر خمس موديلات وتكون السياره مطابقه للمواصفات والمقاييس السعوديه لأن بعض السيارات ماتدخل .

جعل عمركم طويل فرد فرد

سؤال أخير

ناوي اوكل احد الاشخاص بشراء سياره من دبي هل مسموح ؟

طبعا مصدقه من الخارجيه السعوديه والسفاره الاماراتيه وبيشتريها ويشحنها سطحه