وش رايكم كامري ولا سوناتا

ايش موديلات الي بتاخذها عشان نعلمك بس بشكل عام كامري افضل

دامك سالت عن رساوه وتكييف ، ف لصالح الكامري .. 

السوناتا ارخص وقطع ارخص .. لكن جوده اقل 
الكامري اغلى وقطع اغلى .. لكن جوده اعلى 

ف حسب استخدامك ،، 
اذا بمنطقه حاره وراعي خطوط خط كامري 
اذا لا خذ سوناتا .. 

واذا قدرت تأجر السيارتين جربهم وشف الفرق .. 

وبالتوفيق

والله نصيحه من مجرب وعندي قروبات سوناتا

ابتعد عنها اغلبنا نشتكي منها كثيرررر

خصوصا صوت المكينة عند التشغيل وبعدين فجأة تخبط

انتبه تقرب منها

بيجي ناس تقول سيارتي لها سنين ماسمعت صوت ولاخبطت

انا اقلك الاغلب مو الكل

يعطيكم الف عافيه يالغاليين

اتوقع اني صملت على كامري باذن الله احتاج مكيف محترم فعلا الجو بالرياض بالصيف تعرفون انتم ورساوه بعد
بعض الاحيان امسك خطوط
واكثر الناس يمدحون لي الكامري بس عجزت احصل وحده نظيفه ادعو لي احصل وما قصرتو يالغاليين .. بالنسبة للرد الاول
الموديلات الكامري انشاءالله من 15 او 16 لو اباخذ سوناتا ما اتوقع بس 16او17 ونسمع منك كانك جربت السوناتا

حلو دامك على هالموديلات حاول تاخذ 2016 وتكون glx

عشان مراتب مريحة ودركسون جلد طبيعي ما يتأثر بحرارة او برودة

وبعد 2016 عزلها تحسن بفرق عن 2015 وبعد 2015 نور حقها جدا سيء

عكس 2016 يفرش وبعد 2016 رساوتها تحسنت اكثر لكن تناقز اكثر ههه

انا ما جربت سوناتا لكن ركبتها فالوكاله واشوف النترا احسن منها

وضعية سواق الرؤيا وراحة سيئة تحس كانك راكب اكسنت

وعزمها اقل من كامري بفرق وتصرف بنزين