أضف سؤال أو موضوع جديد          

تغيير لوحة سيارة ـ بدل تالف ؟

up 1 down 2
محمد عبدالله عمر 614
قبل 2 سنه و 5 شهر



الســــــــلام عليكم ورحمة الله وبركاته ...

إستفساري طريقة تغيير أو تجديد لوحة سيارة (معدومة أو غير واضحة) سيارة خاصة

حاولت أدور بالمنتدى لكن كلهم مواضيعهم سابقة قبل سنين

أبي شخص له تجربة قريبه يعلمني جزء من الطريقة وبذكر اللي أعرفه

1- تدفع عن طريق البنك رسوم اللــّـوح 200 ريال تقريباً.
2- تروح المرور تعبي نموذج (بدل تالف).

عاد بعدها مادري أستلمها نفس الوقت ولا أنتظر لها كم يوم

وعندي سالفة ثانية بخصوص أمانة الرياض ونزاهة
بلغت على حارتنا بخصوص أعمدة وبلكات المواقف والحوسة اللي بالحي ومشاكلها للمشاه لخطورتها

لأن في ناس (تغرز حدايد عالأرض عشان تحجز موقف!!)

بس ماحصلت منهم إستوجوابات .. اول شي بلغت الأمانة تقريبا ثلاث مرات لأوقات مختلفة بعدها بلغت نزاهة على

أمانة الرياض .. وكلمتني نزاهة وأخذت أرقام البلاغات وردولي برسالة (بمعناها أن الموضوع شاغلين عليه)

والى الان لهم شهرين ولا اي شي جديد يذكر

ما الـّــذي يحصل .. الموضوع له تقريبا ثلاث شهور بعني فترة طويلة .. مع إني نزلت مره موضوع عن أمانة الرياض

وسرعة إستجوابهم لكن هالمرات ما أدري وش صاير لهم ؟ ... وشكراً لكم

نروح لمين بعدها .. ما اضيع وقتكم حبيت أسولف وأفضفض وبادلوني بخبراتكم ..

..










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اناصراحه قد غيرت لوحاتي عن طريق مكتب تعقيب مكانه برياض حى الشفاء اسمه مكتب العصيمي  طبعا سويتها لوحتين 300 ريال هذا الكلام قبل مايرتفع البنزين وقبل الضرايب مدري الحين كم يسويها بس هذا رقمه كلمه وخذ الكلام الاكيد منه 
لمعلوميه ترا لوبتغير لوحه وحده. او لوحتين نفس السعر ‭+966 50 910 9347‬ 
هذا رقمه كلمه خلصها عند معقب احسلك من زحمه المرور وقروشه وترا تستلمها بعد 10 ايام  اتمنا اني افدتكم 


up 1 down 0
k 6 4 i 1178
قبل 2 سنه و 5 شهر



إستفدت منك يـ الغالي .. عشرة أيام ممكن عشان ضغط على المكتب

لكن بروح بنفسي ماعندي شي الظهر والمرور قريب مني

والآن بدفعها عن طريق البنك وبعبي النموذج اللي عندهم حالياً وبشوف كيف بعدها وبحدث الموضوع إذا خلصتها ..

شكراً لتجربتك وأي تجربة أخرى من الشباب ننتظرها ..




up 0 down 0
محمد عبدالله عمر 614
قبل 2 سنه و 5 شهر



الي اخبره رسوم اللوح ١٠٠ ريال 
وتاخذ لها وقت الى اسبوعين من المرور 
بس بالرياض اتوقع اسرع لان صك اللوح بالرياض

لوح او لوحتين ب ١٠٠ 

اول شيء تدفع بالصراف ثم تروح المرور وتعبي النموذج 
وتراجعهم كل بين وبين 
اذا وصلت تسلمه القديم ويعطيك الجديد 




up 1 down 0
m7md 33 1156
قبل 2 سنه و 5 شهر



اهم شئ يعطونك ورقه المرور بإن اللوحه تحت الطباعه

صارت علي اول يوم فقدت لوحتي وقروشني المرور كل شوي توقفني دوريه مره مرور

واطلع لهم الورقه ويفكوني < ع بالهم اتهرب من ساهر

والمرور ماياخذ وقت اقل شئ عشر ايام ع طباعتها ومراح يتواصلون جوال ويقولون جاهزه
انت مرهم عقب عشر ايام والله الموفق


up 1 down 0
aboahmed2014 1160
قبل 2 سنه و 5 شهر



ادفع من الصراف 100 للوحتين واذا لوحة وحدة نفس الكلام وتاخذ الايصال
وبعده تروح للمرور تعبي نموذج المخصص لذلك وتعطيه ياها مع الايصال وعطه 10 ايام لأسبوعين ثم تسلم لهم القديم وتستلم الجديد والحمد لله رب العالمين


up 1 down 0
3llawi96 3114
قبل 2 سنه و 5 شهر



سوي عليها بقلم سبورة اللي ما يمسح


up 2 down 0
mfh2009 364
قبل 2 سنه و 5 شهر



مشكلة لوحتي ماهي الأرقام .. البياض اللي حولين الأرقام لونه أصفر وحاولت أمسح اللون الأصفر اللي ماخذ مكان الأبيض ماقدرت

اللوحة صارت شبه مشهبه الأرقام سوده وسليمة لكن البياض مصفر ومنقط من كثر اللون الاصفر شوي ويغطي الأرقام ..

شكراً لكم جميعأً ...


up 0 down 0
محمد عبدالله عمر 614
قبل 2 سنه و 5 شهر