استشارة بخصوص حادث
0
0
إضغط هنا للإخفاء
السلام عليكم ورحمة الله
كيفكم ان شاء الله تكونون بافضل حال يارب والله يبعد عننا وعنكم الحوادث وكل شر
قدر الله واليوم سويت حادث كنت ماشي بأقصى اليسار والي قدامي وقف فجأه عشان كان فيه يوتيرن وفيه زحمه وانا صدمته من الخلف وطبعاً الغلط علي ١٠٠% المهم سيارتي وسيارته اتضررت لكن سيارته تضررت اكثر لاني لمن صدمته صدامه دخل جوا شوي انفتحت الشنطه واصطباته تحركت من مكانها المهم لمن نزلنا قلت له سلامات وانا اصلح لك السياره ونتفاهم قالي لا يبغا يجيب المرور خايف يصير شي وسيارته يارس ٢٠١٧ ايجار منتهي بالتمليك وجا نجم وعطيناه الرخصه والاستماره وقلناله الي صار وانه الغلط علي سجل البيانات ورقم اللوحه وقال راجعو المرور وتاخذو منهم ورقة اصلاح وانه الطرف الثاني لمن يروح المرور هم يتصلو علي عشان اروحلهم ومشى نجم والطرف الثاني مشى واخذت رقم جواله
سؤالي دحين ايش الاجاراءات الي حتصير وكيف يقدرو سيارته والسعر والطرف الثاني يصلح سيارته بالوكاله ولا فين وهل يحتاج نروح لشيخ المعارض والتعويض الي حادفعه بيكون للطرف الثاني ولا للوكاله الي اخذ منها السياره؟ وانا تأميني منتهي هل اقدر اتفق مع الطرف الثاني وانا اصلحله سيارته بورشه اعرفها ولا لازم الوكاله عشان نجم شاف الحادث؟
الي عنده معلومه او خبره يفيدني بكامل التفاصيل الله يجزاكم الجنه
آسف على الاطالة وشكراً
إبلاغ
سيارات للبيع
الردود
1
0
اذا انت مأمن مالك شغل في خصمك هو يراجع المرور والتقديرات وبعدها يطلع لشركة التامين اللي انت مأمن عندهم ويطالب بحقه
1
0
قبل 6 سنه