نصائحكم في اختيار سيارة سيدان

الله يبارك لك مقدما ، من الخيارات الي حطيتها ارشح لك افلون ، شكل جديد توه نازل يعني بتطول معك ماتغير شكلها 

او اذا يمديك تزيد المبلغ عندك اللكزس es الجديد صراحه روعه .. 

وبالتوفيق

و عليكم السلام و الرحمة
احسب حق كل شي
اعتمادية السيدان او الافضل جيب كروس اوفر ؟
سعر البيع بعد الاستخدام ؟
صرفية البنزين و نوعه
و توفر القطع و الصيانة ؟
و الاهم بهالمبلغ ما شاء الله
سيارة او سيارتين فكر
يعني جيب او بكب و سيارة سيدان موفرة للبنزين
هذي بعد فكر فيها
او ان المبلغ لا تحطه كله بسيارة ممكن تحتاج شي
مهو الحين مستقبلا"
يعني القرار شوي يبغى له تفكير مهو بس اختيارات و طلب مشورة
و الله يكتب اللي فيهوالخير لك و للجميع

الافالون الجديده جميله جدا ماشاءالله.. فارشح لك الافالون

ارشح لك افالون اعتمادية تمسك سعرها وشكلها الجديد او تشارجر سريعة جميلة دفع خلفي ومتعة في القيادة اما ازيرا او امبالا شخصيا ما افضلهم

افالون ونصيحة عشان تقتنع ليه قلنا افالون رح اركب سيارات كلهم جربهم

تحسس مواد داخلية جودتها مركب موتر كيف وضعية السائق

راح تحصل تشارجر تتميز بالمتعة ورساوة ودفع خلفي لكن جودتها داخلية سيئة

افالون كل شيء اوكيه لكن الجيل الجديد مقارنه بالجيل القديم كرونه صارت 2.56 فتحس نفس القير طويل اقل نشاط هذا العيب

ماكسيما جدا ممتازة جربتها ورياضيه بس فيها كم عيب مساحة خلفية اقل من مطلوب عزل ممتاز لكن بعد 140 يطلع صوت من A عمود

وفيها قساوة نوعا ما

ازيرا ممتازة لكن بشرط محرك gdi اما محرك 3.0 عزمه ضعيف وقير 6 نمر على 120 ضغط 2.5 وين اصرفها اكسنت تريح اكثر على 120 ضغط 2.25

بعد وزنها صارت ثقيلة مرة وعزم سيء اما 3.5 عزمها ممتاز لكن تشرب بنزين

اما كادينزا 3.3 gdi او mpi صرفية ممتازة مع عزم طيب

ما قصرتم جميعا و يعطيكم العافية

الافالون اللي للحين ما شفتها بالواقع و لا سويت تست درايف ، بكره ان شاء الله امر عبداللطيف جميل و اشوفها

بخصوص التشارجر هي اللي من بينهم كلهم رحت لها اول سياره و ودي فيها بس التردد بسبب الداخليه السيئه ، و بالطاري هذا وش رايكم بالكرايسلر ؟ داخليه اجمل بمراحل من التشارجر بنفس المكينه

الازيرا صراحه لما جربتها شي مرتب و فخمه كسياره و التصميم الجديد حلو ، بس المكينه ٣.٠ و زي ما ذكر الاخ محمد عزمه ضعيف
بس تبقى سياره فخمه و مميزاتها حلوه من تبريد و تسخين و ليد كامل و كاميرات مع الرادار

احسب حساب ان هالسيارات بما انها 6 سلندر فغالبا بنزينها 95 احسب تفليلة التانكي مع الاخذ بالحسبان ان السيارات ذي غير موفرة للوقود

لكن دامك راغب بها
التشارجر من رايي تشيلها لانها غير اعتمادية صحيح قوية ومريحة جدا لكن جودتها متدنية وبعد فترة تبدا بالخرابات والمشاكل وما توقف يعني غير اعتمادية

الازيرا والامبالا مالي تجربة معها

مع اني ماني من معجبين التويوتا لكن الافالون اشوف افضل خيار من ناحية انه شكل جديد توه نازل . داخليتها جميلة وفخمة الخارجية لاباس فيها مع ان الوجهية للسيارة كلها شبك .
ويفضل ان الواحد ماياخذ الدفعة الاولى خذ الثانية افضل احيان يحلون مشاكل او يطورون بعض الامور البسيطة

و كانك تبي سيارة قوية 6 سلندر وما تصرف بنزين
عندك الماكسيما صرفيتها بسيطة وعزمها مايحتاج
والحين عليها عروض تبدا من 95
خذها وخذ ضمان وصيانات بالوكالة وحط بجيبك 30 الف

وبخصوص ردك
التشاجر والكرايسلر سيارات غير عملية واعتمادية للاسف
حتى بامريكا هذي نظرة كثير من الامريكان لشركة

اذا تبي سيارة ل5 سنوات وفوق ابعد عنها

الكرايسلر في كلام شبه اكيد ان الشركة بتوقف الماركة
ممكن على ٢٠٢٠ مثل الميركوري
و تبقى دودج و جيب
مثل مهي مستمرة فورد و لنكون