أضف سؤال أو موضوع جديد          

كيف ابيع سياره مصدومه

up 1 down 0
ماجد الاحمري 154
قبل 2 سنه و 6 شهر



السلام عليكم
عندي سياره مصدومه ابغى ابيعها لشخص اجنبي يبغى يصلح ويستخدم.
الاستماره ساريه لكن الفحص منتهي.
ومافيه نقل ملكيه من غير فحص
والفحص مايستقبل السياره مصدومه.
رحت كتابة العدل ابغى اسوي له وكاله قالو ممنوع توكيل الاجنبي.
وش الحل.
هل اسوي ورقة مبايعه عاديه ونوقعها بالبصمه؟
وبعد مايصلحها نكمل الفحص والنقل.
او اللي عنده حل ثاني يفيدنا مشكورين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعم
جيب ورقة وتكتب كل تفاصيل السيارة ولوحتها ورقم الشاص
وتجيب صورة من اقامته
وتكتب انه سيتم نقل الملكية بعد الانتهاء من تصليح السيارة ( وتحدد المدة يعني خلال شهر من تاريخ كتابة الورقة )

او انك تدفع زيادة وتنقلها بدون فحص عند بعض المعارض .. الظاهر حول 1200 ريال نقل ملكية مع اجتياز موضوع الفحص

موفق خير


up 1 down 0
الاحترافي 1437
قبل 2 سنه و 6 شهر



نقطة اضافية

انتبه انتبه انتبه انتبه انتبه تخليه ياخذ راحته بالتصليح وبعدها يضحك عليك ويقولك للحين بالورشة
وهو يستخدمها واحتمال لا قدر الله يسوي بها مصيبة


اذا مشيت بالخطوة الاولى وتكتب ورقة بينك وبينه

( لقد تم بيع السيارة إلى ( فلان الفلاني ورقم اقامته وجوازه ) بمبلغ وقدره ( يكتب المبلغ ويسلمه لك ) وتسليمه السيارة ( نوعها ولوحتها وموديلها ولونها ورقم شاصها )
لإصلاحها وبعد ذلك فحصها ونقل ملكيتها وصلاحية الورقة هذي لمدة شهر من تاريخ اليوم مع وجوب عدم استخدام السيارة بعد الانتهاء من اصلاحها الا بموجب وجودي في الورشة شخصيا لانهاء اجراءات خروج السيارة من ورشة ( تكتب إسمها)
وبعد انتهاء الصلاحية فإنني أخلي مسؤوليتي عن أي ضرر يحصل للسيارة او شبهة جنائية او غيرها



وتروح انت وياه يوديها للورشة وتبلغ راع الورشة ان السيارة ما زالت بإسمك وما تطلع الا بموجب وجودك شخصيا بعد الانتهاء من تصليحها






up 6 down 0
الاحترافي 1437
قبل 2 سنه و 6 شهر



تاكد اهم شئ تنقل السيارة وتخلي مسؤليتك منها. مو ياخذها منك بموجب ورقة مبايعه من دون نقل بالمرور


ويشلح السيارة من الصدام للصدام

زي سالفة اخوي زمان كان معه جاكوار وعطاها اجنبي بنية البيع
وقال بنقلها باسمي بس عطني وقت اصلح المكينه علشان تمشي

بعد مدة مريناها انا وياه ولقينا بس سقف السيارة والكبوت

شلح والديها وما ندري وين اراضيه الله لايحلله ولايبيحه


up 1 down 0
aboahmed2014 1161
قبل 2 سنه و 6 شهر



تاكد اهم شئ تنقل السيارة وتخلي مسؤليتك منها. مو ياخذها منك بموجب ورقة مبايعه من دون نقل بالمرور


ويشلح السيارة من الصدام للصدام

زي سالفة اخوي زمان كان معه جاكوار وعطاها اجنبي بنية البيع
وقال بنقلها باسمي بس عطني وقت اصلح المكينه علشان تمشي

بعد مدة مريناها انا وياه ولقينا بس سقف السيارة والكبوت

شلح والديها وما ندري وين اراضيه الله لايحلله ولايبيحه


up 0 down 0
aboahmed2014 1161
قبل 2 سنه و 6 شهر



اخوي الله يسعدك فيه معارض ينقلون السياره بدون فحص اذا كنت برياض روح معارض الشفاء فيه معرض اسمه معرض المالكي خشه تحصل فيه يمني قله ابي انقل بدون فحص دوري بس ترا لازم تجيب السياره اذا ماكانت تمشي ركبها سطحاء ودها لهم عشان يطابقون رقم الشاص مع الاستماره  وكذا تكون ارتحت وفكيت نفسك من سالفه اصبر توني ماصلحتها وحصلت فى السياره كذا نقصلي بسعر انقلها بسمه وفك عمرك 
اهم شي قبل كل شي روح المعرض قله السالفه كذا وكذا اتفق معه على كل شي بعدين شيل السياره صطحاء وروح له وترا فيه معارض كثير ينقلون بدون فحص بس هذا هو الي قد نقلت عنده 


up 2 down 0
k 6 4 i 1179
قبل 2 سنه و 6 شهر



كل المعارض رحت لها يقولون لازم فحص
سويت عقد مايخرش الميه وكتبت فيه بنود تحفظ حقي اذا صار شيعلى السياره لاقدر الله وكمان حطيت مده زمنيه محدده وبعدها يحق لي اشتكيه.
والفلوس راح استلمها كامله وقت توقيع العقد
وفوق هذا كله المشتري باكستاني صاحب ورشه في الصناعيه وصورة اقامته عندي وكذلك صورة  بطاقة كفيله.

وان شاء الله ان الرجال صادق 


up 1 down 1
ماجد الاحمري 154
قبل 2 سنه و 6 شهر



معليش ياعزيزي عقدك هذا غير رسمي
 الشخص هذا اذا سافر بكره ولا بعده باكستان
العقد اللي مايخرش الميه مابيفيدك
والسيارة وين تدورها 
خل المبايعه مع كفيله افضل لك 
او أسأل المعارض كيف وضع بيع السيارات المصدومه هم ادرى بالشغلات ذي 


up 2 down 1
hussain4 853
قبل 2 سنه و 6 شهر



فيه ناس ينقلون بدون فحص شفهم في اعلانات موقع حراج ياخذون 1000 ولا 1200 ولا تقعد تطارد ذا الاجنبي بكره لو هج وخلاك رح دوره والله ما تجيبه

وعقدك ذا بيقولون بله واشرب مويته


لا تسلمه السيارة بدون ما تنقل ملكيتها له وتراك بتلقى من ينقلها بدون فحص وبدون ما يشوف الموتر بعد لا تستعجل بتروح للمعارض طبيعي بيقولك ما عندي لانهم مشددين عليهم لكن ذا اللي حاطين ارقامهم دق عليه وتفاهم معه وانتهى الموضوع ومتى ما نقل الملكية حول له المبلغ وانتهينا


up 0 down 0
a.ibrahem 3167
قبل 2 سنه و 5 شهر