أفضل سيارة إستخدام يومي و عملية جدا؟

عندي مازدا 6 15 تمشيني داخل االديره 800 كيلو دعسه خفيفه وعند واحد من الشباب التيما 16 تمشيه داخل الديره 1000 كيلو تقريبا

انا ما امتلكت ولا وحدة لكن بعلمك حسب خبرتي

ملاك كامري هايبرد يشتكون منها عزمها اقل من قبل وصرفية زادت بعد ممشى 20 الف

شف مقطع فيوتيوب اجمع ملاكها على انها ماش

كامري العادية هي الاوفر في الخط لك لكن فيها خشونه فتعشيق فالقير للان موجودة حتى فامريكا
وعزلها يعني عادي مش هادية

مازدا حلوة واقتصادية لكن اقل من كامري عيبها ضيقه ومافيه مكيف خلفي واعتمادية

التيما 2018 عيبها تصميم قديم بس بس انا جايز لي ولا موتر ما يعيبه شيء

من افضل مواتر في فئته كراحة كعزل ارضي وهوائي كعزم توفير في الخط يجي بعد كامري اقتصادية حدا

اكورد سبورت نفس صرفية مازدا فالخط وتتميز بالرساوة والجودة

لكن دايم محركات تنفس طبيعي عمرها اطول مهما كان تيربو قوي ويتحمل

فجربهم كلهم والي ترتاح له استخير وشوف وش ترسي عليه واشتر

بعطيك ارقام صرفية لهم فالخط
كامري 41mpg وحق gle وفوق 39mpg
مازدا واكورد 35mpg
التيما 38mpg
Mpg يعني جالون واحد كم ميل يمشيك اكثر رقم يعني موتر يوفر بنزين

لذلك الافضل كامري وهايبرد بعدها عشان ترتاح خاصة توفير فالخط نفس بنزين عكس المدينة تكون اوفر هايبرد

نصيحه كامري هايبرد تمشيك ١١٠٠ كيلو إذا رجلك خفيفه ومثبت السرعه وفلها ٦٤ ريال أخضر

الله يعطيكم العافية 

أنا متخوف من الألتميا بخصوص إنها تتقربع و تطلع لي أصوات بسرعه 
و الكامري الجديدة الأراء مختلفه عليها ناس تمدح و ناس تذم فيها 
و المازدا حلوه بس مثل ما أتفضلتم تعتبر ضيقه شوي 
و الأكورد شفت مقطع مفصل لها إنه تشرب بنزين على سرعات ١٢٠ و ١٣٠ أفضل إستخدام لها داخل المدينة 

ياخوي بس بعطيك فكره اهم من سعر البنزين 
دامك تبي توفر وفر فلوس مو بس بنزين 

احسبها صح كم قيمة الاكورد ١٠٠ تقريبا 
والكامري ١٠٠ تقريبا 
والمازدا الفل ١٠٠ تقريبا الاستاندر ٧٠ تقريبا 
اما الاتيما قيمتها ٦٧ عند معرض عماد الدين ، نص فل

وصرفيتها حسب مانسمع من مستخدميها انها ممتازه 
والى الان محد تكلم عنها بمشاكل او ماقريت 
يقولون القير بالموديلات القديمه 
لكن اذا استعمالك ناعم وتصينها بانتظام ف اتوقع تخدم معك وتكون طيبه

الالتيما تطلع معك مع الضريبا واللوح ووو ٧٢ الف جاهزه 
الباقي فوق ١٠٠ 

تكون وفرت حوالي٣٠ الف غيرصرفية ممتازه وموتر مريح 

كلامي لك وانامن محبين الكامري ،  لكن الحق يقال وانت تبي توفر 

بالتوفيق

وفر على نفسك شوف لك نيسان التيما
استاندر بمثبت على ٦٥ و نص فل ب٦٧ بمعارض النسيم
بدون حسبة الضريبه
التانكي كبير ٧٠ لتر تفلله ب٩٠ بنزين ٩١
تمشيك ٨٠٠ الى ٩٠٠ كيلو حسب السرعه
و مريحه نوعا" ما و عزم قوي و قير CVT تحسن عن اول
و المكيف ما شاء الله ثلج نيسان
اما الكامري غاليه و التانكي اصغر
المازدا حليله بس زاد الصرفيه اول ١٦
موديل ١٩ ٢٠ صارت ١٤ !!!
الهجين يبغاله وقت حتى تطلع عيوبه و البنزين مقدور عليه
و اصلا" انتشر بالخارج حرص على البيئة مهو كله توفير بنزين

اسمح لي بطلع بعطيك سيارة مو من الخيارات لكن ممكن تعجبك
اللي هي هوندا سيفيك..فل التانكي حقها 58 ريال وتمشيك خط على الاقل 600 كيلو اذا على كلامك تثبت 130
لان يكون الار بي ام على هالسرعة تقريباً قبل 2 ونص واشوف انها موفر بحكم اني امتلك وحدة
وزد. على هذا الرساوة والعزل افضل من منافسينها وجودة المواد المستخدمة كعادة هوندا
العيب اللي اقدر اقوله السعر...الاستاندر بالوكالة 69 الف وبالمعارض على 60 الف غير شامل الضريبة والامور الاخرى
ومن الاستاندر فيها مثبت سرعة..وكان عندي كامري 2017 ما اقول انها موفر جدا للبنزين لكن جيد جدا
وهذا هو تجربتي بسيارتين...في شغلات اخرى عن السيفيك كمواصفات لكن اجاوب على قد السؤال :-)

الهاييرد ماراح يفيدك فالخط يشتغل على سرعة ٧٠وتحت واذا تريد النصيحة وناوي على الجديد خذ الألتيما مواصفات وراحة وإقتصاد 

والله ياخوك اذا الدعوة مطاولة بع سيارتك واشتر سيارة واذا فترة بسيطة فأشوف انك تخسر على بنزين سيارتك 23400 ريال خلال سنة قيمة اكسنت 2016 ممشاها قليل في السوق وانت راح تدفع مايقارب 70 الف بدون ضريبة لذالك الفرق كبير وانت اخبر بامورك

الهايبرد مجهوله وانت تبي توصل لممشى كبير 8500* 12 شهر = 1000000 !
العيوب راح تكون واضحه عندك لحالك لان ناس قليلة مجربه هذه التقنيه ونادرا احد يمشي مثل الارقام هذه شهريا !
يمكن تبدل البطارية خلال فترة قصيرة جدا لان ممشاك كثيرة خلال سنة 100 الف !
وصيانتها مجهوله !
وفلوس توفير البنزين تطلع بالصيانه !

الاكورد تيربو فكر فيها من ناحيه الصيانه لان ممشاك كثير ولازم تسأل عن اسعار القطع لان فيه ناس معها موديلات قديمه وتشتكي كيف بالجديد !

الالتيما وضعها مخيف الشكل القديم ولا انتشر يمكن تتعب من ناحية القطع اذا كنت في مدينه صغيره او متوسطة او هجره !

اذا من بين الخيارات افضلك خذ كامري ستاندر بنزين لان احس السيارة بتكون متهالكه خلال ثلاث سنوات

مع ان افضل سوناتا او اوبتيما لان قطعها رخيصة ومتوفرة في كل مكان وكل الناس تفهم لها
ولسبب لان الفرق بين السوناتا والكامري حول 20 الف هذه قيمه بنزين ويمكن قطع استهلاكيه اذا غالية للكامري !

اذا تقدر تسكن في مدينه قريبة افضلك اسكن
لان راح تعرض حياتك للخطر وفيها ارهاق نفسي وجسدي وجزء من وقتك يضيع في السفر اليومي
او قلل الزيارات اليوميه اذا كانت لاهلك

والله يكون في عونك

ما فكرت تسكن قريب من الدوام ؟

انا مريت بنفس الظروف لمده سنه تقريبا الافضل اي سيارة 1.6 سي سي النترا سيراتو حتي لو ريو مدام انت بتمشي بسرعه معقولة علي الطرق السريعه ..مبلغ البنزين ينزل للنصف تقريبا .. او اي سيارة بمحرك تربو

عليك بهيونداي النترا عملية وخدومة جدا القطع متوفر وبسعر أقل من 70الف تاخذ فل كامل نصيحة لاتاخذ سيارة استناندرد لأنك تقضي وقت طويل في السيارة بما يعادل يوم كامل في الاسبوع ولازم تكون السيارة في شوية مواصفات بالنسبة للهايبرد اليوتيوب ملينان فيديوهات عنها وكلها تجمع انها الافضل داخل البلد حتى نظام الهايبرد في أفضل حالاته